ندم لن ينتهي
( قصه زهره )
ولما روحت بيت بدوى تانى لاقيت حد بيخبط عليها فتحت الباب لاقيت شابه
الشابه : انتى مين
زهره : انتى اللى مين
الشابه : انا اخت بدوى وعايزه اخويا امنا هتموت فى المستشفى
زهره : اتصدمت وقالتلها اخته وامه انتو عايشين طب ازااااااااااى وايه الحكايه
الشابه : قوليلى الاول فين اخويا اندهيلى عليه وعليت صوتها يا بدوى بدوى امك بتموت امك بتموت
زهره : بس بس هو مش هنا اتفضلى ونتكلم جوه احسن
الشابه : مافيش وقت امى بتموت ومحتاجين فلوس
زهره : حطيت ايدها على كتفها وقالتلها طب ادخلى لو قدرت اساعدك مش هتاخر
الشابه : خدت نفسها وقالتلها شكرا
زهره خدتها ودخلتها وبتشاورلها بيدها على الصالون اتفضلى اتفضلى
الشابه : شكرا قوليلى هتقدرى تساعدنى ازاى انا محتاجه 5 الالاف جنيه لامى بقيت تمن العمليه ربنا يعلم انا لميت ازاى ٢٠ الالاف التانين
زهره : خير هى عندها ايه
الشابه : عندها ضيق فى شريان القلب
زهره : لا حول ولا قوه الا بالله ماتقلقيش ان شاء الله هتقوملك بالسلامه
الشابه : يعنى هتدينى ال5 الالاف جنيه
زهره : لا انا ماقولتش كده
الشابه : عليت صوتها وشها بان عليه الغضب وقالتلها اومال ايه انت بتلعبي بيا
زهره : لا لا اسمعينى للاخر انا قولتلك هساعدك ماقولتش هدفعلك 5 الالالف جنيه
الشابه : انتى بتقولى ايه انا مش فاهمه حاجه
زهره : بصى ياستى ورد صاحبيتى اتجوزت دكتور محترم اوى هو دكتور مخ واعصاب وعنده صديقه دكتور مدحت ممتاز هو دكتور قلب وعنده مستشفى استثمارى ومبسوط هو وبياخد حاله كل 3 شهور ويعالجها على حسابه ومش فى القلب بس لا كل التخصصات بيعالجها فى المستشفى عنده فانا هكلملك ورد دلوقتى واحكلها الموضوع وهى مش هتتاخر عليا بس بشرط توعدنى انك تجاوبى على كل اسئلتى
الشابه : بدون تردد انا تحت امرك انا اعمل اى حاجه علشان امى تعيش وترجعلى تانى وعيطت وقالتلها ارجوكى اتصلى دلوقتى اتصلى امى بتموت
زهره : اهدى اهدى هتصلك حالا وقامت جابت الفون واتصلت وورد اكدتلها انها هتكلم جوزها بليل لما يجى من بره لانه سهران النهارده فى العياده شويه ان صديقه مش هيمانع ابدا انه يساعدها ولا هيرفض ليهم طلب وادتها رقم دكتور مدحت وقالتلها ادى رقمه للبنت وخليها تكلمه بكره بليل هنكون كلمنه ان شاء الله بعد مازهره قفلت الفون مع ورد قالت للبنت سمعتى اللى حصل انا فتحتلك الاسبكر علشان تطمنى خدى رقم دكتور مدحت اهو وادى رقمى انا كمان وكلمى دكتور مدحت بكره بليل واتصلى بيا انا كمان لو فيه اى حاجه
الشابه : انا مش عارفه اشكرك ازاى ولا اعملك ايه بس انا هردلك الجميل و دلوقتى انتى مرات بدوى صح ؟
زهره : اه
الشابه : بقالك اد ايه متجوزين ؟
زهره : 5 شهور
الشابه : مش معقوله ازاى ؟؟؟؟ اقولك اهربى وسيبه والحقى نفسك
زهره : مش فاهمه ايه هو اللى مش معقوله وليه اهرب والحق نفسي من ايه
الشابه : ماقدرش اقولك غير ان المفروض انك ماتبقيش هنا دلوقتى
زهره : انتى وعدتنى تردى على كل اسئلتى انا عايزه افهم كل حاجه بالتفاصيل وعايزه اعرف ازاى انتو عايشين
الشابة : انا هقولك بس بشرط ولا انتى شوفتنى ولا انا شوفتك
زهره : حاضر بس اتكلمى ارجوكى
الشابه : اخويا مريض نفسى وكان السبب فى موت بابا الله يرحمه ومن ساعه لما توفى واخويا حالته ساءت اكتر و كل مدى بتتدهور وبقاله فتره طويله اوى بيتعالج من وهو صغير واتحجز كتير فى المصحه ومافيش نتيجه وخرج وكان محبوس فى السجن ولما اكتشفوا انه غير مسئول عن تصرفاته خرج بروضه ومافيش تغير بلا بالعكس بقه يزيد شراسه معايا انا وامه قولنا نجوزه يمكن حالته تتحسن ويحس بالمسئوليه ويتغير لكنه قتل مراته بعد شهر ومانعرفش ليه ودخل السجن وخرج على المصحه وبعدها خرج وللاسف اتجوز ٤ كمان بعدها وكل واحده تقعد شهر او 2 وتختفى ومانعرفش عنهم حاجه ولا حتى اهالهم يعرفوا حاجه اختفوا تمام واحنا متاكدين انه هو عمل فيهم حاجه بس مانعرفش ايه اللى حصل ولا هم احياء ولا اموت وعلشان كده استغربت انك معاه من 5 شهور انتى اكتر واحده قعدتى معاه واخر واحده كان متجوزها وكنا عارفين بها كان من 5 سنين قبل ما يدخل المصحه ويتحجز فيها وخرج وبدا المشاكل تانى معانا لاننا كنا معترضين يتجوز تانى وكنا عايزين نعرف الستات اللى اتجوزهم راحوا فين وكنا بنخاف ننام وهو فى البيت وامى غلبت معاه وتعبها كتير واتسبب فى اذنا اكتر من مره وفى الاخر ماما قررت تطرده من حياتنا لانها ست كبيره ومش اد المشاكل اللى بيعملها وقاطنعه من ساعتها ومادخلنش شقته ولا نعرف عن حياته حاجه وانا لولا تعب امى وخايفه ابقى لوحدى مكنتش جت ودخلت شقته تانى
زهره : مبلمه ومش مستعوبه الموقف ومش عارفه تنطق وحركت لسانها ببطئ وقالتلها يعنى ايه يعنى من 5 سنين كان فى المصحه انا عرفته من 5 سنين وفضلنا اصحاب كتير وكان كويس وبيروح شغله مش هو مهندس بروضه
الشابه : يبقى عرفك بعد ماخرج من المصحه على طول هو دبلوم صنايع اصلا مش مهندس بس كان نفسه يبقى مهندس
زهره : حطيت ايدها على راسها يعنى ايه طب وليه يعمل معايا كده
الشابه : يعنى انقذنى نفسك قبل مايرجع
زهره : وانا ايه اللى يثبتلى صحه كلامك وانك مش بتضحكى عليا
الشابه : ابتسمت ابتسامه بسخريه وقالتلها خليكى قاعده معاه وانتى هتعرفى لوحدك
زهره : ارجوكى ردى عليا انا حامل منه ولازم اتاكد
الشابه : حامل !!!! طلعت بطاقتها علشان تأكد لزهره انها اخته وقالت بصى كده اسمى ندا ايه وهقولك كمان على اسم المصحه اللى اتعالج فيها وروحى اتاكدى بنفسك وكمان روحى اتاكدى من اهالي الستات اللى اتجوزهم قبلك بس نصيحه الحقى اهربى قبل مايحصلك زيهم بس انتى طولتى شويه معاه اهربى انتى باللى فى بطنك
زهره : بان عليها الخوف ومابقتش عارفه تعمل ايه ولا تتصرف ازاى بس حست ان البنت صادقه
الشابه : انا هقوم اشوف امى دلوقتى وهتصل بالدكتور بكره وهكلمك وادى رقمى انا كمان وطلعت تليفونها وادت لزهره الرقم
وزهره مدت ايدها بالفون علشان الشابه تسجل رقمها بس زهره مش شايفها ولا شايفه حاجه ومذهوله
الشابه : انا همشي بس ماتقوليش لبدوى انك شوفتيني
