مرت الايام مو ايام اقصد اشهر ومرتضى اتزوج من رنا و رعد اتزوج من شهد بس لولو بقت وحيده وصفوان وكوكه طلعو خارج العراق ووياهم ريان
سالي :برهومي وينككككك تعال
ابراهيم :ها لولو خو ما بيج شي
سالي :لا ماكو شي بس بطني دا توجعني وين خاله
صح معرفتكم على ابراهيم
هلووو انا ابراهيم عمري 20 من البصره صديق لولو بلجامعه صديقها المقرب كلشي اعرف عنها بيتنه احترك ف اضطرينه نجي نسكن ويه لولو بلبيت لان هي طلبت لان وحدها وحامل ف متكدر واحنه بس اني وامي واخوي لصغير علي طبعا موصفاتي طووويل اسمر بس مو كلش عيوني كبار لون بني شعري لون بني عندي لحيه بس خفيفه سبورتي ادرس قانون مرحله ثالثه
نرجع للقصه
سالي :ابراهيم اسرررع وديني للمستشفى
ابراهيم :اوووك بس البسي شي
سالي :لككككك ما اكدر تعال ساعدني فدوه
ابراهيم :لبستها صايه فوك لتراك مالتها وشلتها وطلعت
مرتضى :جنت واكف بلباب طلع هذا الي ما يسمى وشايل حبيبه كلبي ويركض
سالي :اخخخخه ولك اسررررع
ابراهيم :والله دخت فدوه نصي صوتج هسه نوصل
وصلنه وتلكتنه طبيبتها
د.جواهر :استاذ ابراهيم
ابراهيم :نعم دكتوره
د.جواهر :سالي بيها
ابراهيم :شنو بيها دكتوره تره كلش خايف عليها فدوه كولي ماكو شي
د.جواهر :.........
ابراهيم :شنوووو لا مستحيل دا تشاقين
د.جواهر :للاسف المهم تكدر اطلعها بس عينك عليها لا يصير بيها شي
ابراهيم :اووك اوك
نروح لبيت شيخ حازم
خالد :يله يا جماعه اسرعو
روح :صار 8 اشهر اني حامل وعايشه احلى عيشه
خالد :حبيبي بيج شي يوجعج شي
روح :لا حبي ميوجعني شي بس تعال اريدك
خالد :ها يعمري
رعد :خفو علينا يلعشاق
شهد :حبيبي امشي نطلع لان كلش ضايجه
رعد :غير يدلل كلبي امشي يله تحضري
خالد :نشوفك صرت رومانسي
ام خالد :بطلو مناكر عاد وين مرتضى
مرتضى :ها يمه
ام خالد :يمه مريتك الاولى وينها
