💖💖 حب من النظــــرة الاولـــى 💖💖

الحلقة 11

.....دخلو للكوخ ....
لين:لكوخ نضيف نظن انو كانو فيه ناس ماعدهمش ياسر من رواحو منو(لكوخ كان فيه بيت وكوزينة ودوش وكان بيت دافي )

ملك:وي راني نشوف روح نحوس على شموع نضوو بيهم راه قريب ايليل ليل
لين:اوك وانا نشوف في كوزينة كاش ماكلة ناكلوها رانا ميتين بالحوع من صباح مكليناش ..........راحت لين للكوزينة حلت لفريجيدال لاقات شوي جبن وزيتون وعصير ... وحطتهم في طاولة .....ملك لقيتي شموع ولالا .....ملك:وي لقيت اصبري نشعلهم ونتي لقيتي حاجة تتاكل ......وي ازربي ارواحي ولا ناكلهم وحدي ...................
(نرجعو للمستودع معاذ)
فااق راجل حكم راسو من وجع ضربة ومبعد تفكر لبنات اااوووووو داروها بيا خدعوني ...راح يجري ايسقسي في رجال لخرين اذا شافوهم ولالا ملقى كيفاش ايدير قرر يتاصل بسي معاذ وهو عارفو راح يعصب ويتنرفز منو .....طررررن طررررن
معاذ:واش كاين غير الخير ديتو لبنات للبيت لقتلكم عليها
هو: مع الاسف معلم لبنات هربو ا(واحكالوا كلش واش صرا )
معاذ: اااوف كيفاش فااتت عليكم هذي ياو متلقهومش موتكم مايكون علي يدي روحو حوسو عليهم في لغابة مترجعوش حتى تلقوهم راني جايكم
هو :اوك ذرك روحو نحوسو عليهم انشاءالله نلقوهم
...رجال هزو لامباات وبدوا يحوسو عليهم قلبو غابة شبر شبر ومالقاوهمش ..راجل :واش راح نعملو ذرك سي معاذ اكيد يقتلنا  لازم نكملو نحوس عليهم مليح اكيد راهم في الغابة ومعدهم وين ايروحو ........
لين وملك تعشاوو وراحو يرقدو ...
لين: ملك نكذب عليك كان نقولك اني مانيش خايفة. خايفة من مصيرنا مع ذي الغابة ومع جماعة ذيك حولت اني نخفي خوفي عليك باش نشجعك شوي بصح والله ماقدرت جتها ملك تحضنتها قعدو في زوج يتبكاو ..ملك :لازم نتحملوا ونصبرو حتان نلقاوو مخرج من ذي الغابة كنت عارفة انك كنتي عاملة قناع ورا ابتسامتك وهبالك وجنانك وداخلك خوف كبير كيفي وهذا كل علاجالي انا  باتو احذا بعضهم وخايفين من الي جاي ...........رجال كملو بحثهم حتان بانلهم كوخ صغير من بعيد شكو انو ايكونو فيه (لاخاطر نساو مطفوش شموع خلاوها شاعلة)
راجل :راح نتاصل بسي معاذ  ونخبرو ونشوفول واش راح ايقول ؟
عند معاذ الي رحى طريق ريحيان باش يلحق لمستودع الي كانت فيه لين وملك
معاذ:كان على اعصابو خايف عليهم وخايف على لين اكثر لانو حبها وحب كان#حب_من_نظرة_الاولى  زوج رجال وقعو في حب لين من نظرة الاولى لكن القرار عند لين تختار  شكون اختارو وتملك قلبها ؟
معاذ:علاش الين هربتي والله ماكنت راح نعملكم شي جيست كنت راح ناخذكم لبيتي وترتاحو وبعد مالقيتك  وحبيتك من اول مرة شفتك فيها وسحروني عيونك الي كيف بحر  مش راح نسمح فيك ..... عيطلو واحد من راجال طررررن
معاذ:ان شاءالله ايكونو لقاوهم ... الو واش لقيتوهم(حاول يعمل رحو جدي مش خايف ومهتم بيهم )
راجل: لا اما لقينا كوخ صغير شكينا ايكونو. فيه قلت نخبرك
معاذ: احرسوه مليح  ولا يخرجو منو ولا حاجة هاني قريب نلحق ليكم
معاذ: واخير ارتحت كي لقيتكم
لحق معاذ للراجالو وينو كوخ
راجل:، راهو لهيه بصح بعيد شوي حنا شفنا ضو شموع دخلنا شك بلي راهم ثم ................معاذ لحق للكوخ وبدا يدق في لباب
لين: ناضت مخلوعة خافت ولا يكون جاهم كاش واحد ...ملك ملك نوضي
ملك راقدة مش حاسة بشي لين تكمشت في غطاها من خوف اووووب تهد لباب ودخل معااذ عليهم وتنوض ملك منشوعة لين واش كاين
معاذ: وين كنتو راح تهربو ظنيتو اني مش راح نلقاكم لغابة هذي حافظها شبر شبر
ملك😭: يرحم باباك متقتلناش وحنا واش بيناتنا اذا على ذاك واش اسمو والله حنا منعرفوه وحكينالك
معاذ: بلعي عليا شحال تهدري .......معاذ يشوف مع لين الي متكمشة في غطاها ومتحركت ماوالو مصدومة ....
معاذ : ونتي واش بيك ساكتة
ملك:لين لين وين راكي ساهية ليين
لين داخت من الخوف وصدمة انهم  خافت انهم يكون  مصيرهم موت (هذا واش كانت دايرة في بالها)غابت عن الوعي
ملك:ليييييييين 😱😱 روحي نوضي واش بيك واش صرا لك
معاذ:  حتى هو تصدم متوقعش انها تغيب عن الوعي بسبت هد لباب  ....
ملك: تنديلو يرحم والديك خويا ساعدها ومبعد اعمل الي تحب عليه فينا
معاذ امر رجالو يهزو ملك للسيارة وهو حمل لين الي كانت دايخة بين اديه ماحبش رجالو ايمسوها .....قلع ديركت لدارو

#يتبع ..
__________________________
هه هاهي لحلقة تاع نهار ليوم 😇بما انو طيليفون مزال مداتوش مامي 😌😇
مهم متنساوش تصوتو و تكومنطيو
بايس اند لوف
Love you..🌸❤