البارت السابع .
غدير.وسام
بديت احاول اجنب احمد .. واحس قصي حتى من يجون نسابتهم ا شوفه يضايق ويباوع عليه معرفت هاي غيرة او عدم ثقه رحت للمطبخ لحكني .. روحي لغرفتج وبعد لاطلعين لاتظلين تفترين بنص الزلم .. كتله وشلون عمي عمتي شيكولون قصي ..ولي لغرفتج اني داكلح منو يعترض رحت وبقيت لثاني يوم حتى متعشيت جانت جمعه وقصي ماعندة دوام ظليت بفراشي .. فتح الباب قصي .. كاعدة خلود ... كتله اي صباح الخير. صباح النور .. ودخل للغرفه كتله اسويلك ريوك ... قصي لا خلي يكعدون اهلي جهزي نفسج اوديج تشوفين اخواتج كتله صدك قصي ... ومن كدر مفرحت محسيت اله حضنته وبسته من خدة .. ضحك .. كال لج انتي طفله شسويتي .. اني خجلت كتله شسويت كال لا بس شعلتي صفحتي دكومي واخذني شفت اخواتي جانن مرتاحات وريهام حامل وازوجهن حبابين ومداريهن يعني الله عوضنا عن الحرمان الي شفنا واهم شي ماعدهن ضراير تسود عيشتهن حجيتلهن عن حياتي روان كالت اكسبي انتي لحد الان مو زوجته ثبتي مكانج ولج اذا زهك منج وين تنطين وجهج خلود ... اشلون اكسبه اني اجهزله اكله وشربه وملابسه .. روان باع هاي .. وحدة باعت للاخ ويضحكن ... شبيجن يا كلت نكته ومادري كالت المرا صح لازم داري احتياجات الرجال بس العلاقه مو اكل وملابس ماتذكرين مرت ابوج شلون مدوخته جانت هههههه يومه عزة تردين اصير مثلها احنا مكلنا مثلها وباخلاقها بس جانت مدلعه ابوج ههههه حتى للحمام تفوت ويا انتي هيج صيري اكسبي الج حاولي تلبسيله رتبي نفسج باعي حواجبج باعي شواربج اني لعبت نفسي منج ههههه جانن خواتي يضحكن اول مرة نضحك بدون ممنضرب وننهان روان كالت لقصي بقيها يمنا اليوم قصي...لا تعلمنا عليها البيت محلو بدونها ... ريهام حباب قصي ماشبعنا منها قصي (غدير وسام )... تردين تبقين خلود ... كتله كيفك كال ابقي اليوم وباجر اجي بليل اخذج وبقيت وضلينا للصبح كاعدات عيالهن حبابين ويحبوهن وثاني يوم اخذني صالون كصلي شعري ورتبنا وحفلي وجي وحواجبي روان ليس متخصلين شعرج انتي بيضه ويلوكلج صايرة تشبهين احلام الله يرحمها كتلهن هناك ميقبلون اجيب سيرتها روان يا حتى احنا يتحولون من نذكرها خليها خيه ماتت وارتاحت من هلدنيا الكشرة سالم راد يوديني لامي وخوالي طردونا من الباب اخذني لسوكهم واشترلي ملابس وقمصان نوم ومكياج وعطور ماخلن حاجه جنه نشتري ونضحك طلعنا سنين الحرمان كلها ونكول هلمه ناقصتها حلومه رجعنا وبليل اجه قصي شافني جمد بمكانه ..كال اريد مرتي وين وديننها روان يا شبيك جبنالك وحدة احلى منها هاي بعدك ماشايف الشعر .. قصي فد لاكصيتي اموتج والرضا بو محمد كتله لا بس عدلته اخذت شويه من طوله ها كاصته يعني(غدير وسام ) ريهام لا ماكصينا غير تسكت هيه رجعنا كال شني هاي العلاليك كتله البنات اشترلي .. كال خوما دفعن اني طيتج مصرف كفنج .. كتله ماخلني والله وحلفن عليه كالن هديه زواجج ماجبنالج شي قصي ... لا قصرتي خلود ليش تخليهن يدفعن عيب بعد لاتكرريها وانطيج فلوس شكد خسرن تنطيهن .كتله صار .. كال ششتريتي محتاجه شي تكليلي متكلين لاحد ... خلود .. ماكتلهن بس هنا كالن شغلات مزوجات انتي ماتعرفين بيهن .. قصي شنو يعني شغلات مزوجات ... .. خلود ماعرف هنا كامن يجيبن ويكومن .. قصي بس نوصل للبيت اشوفهن ميخالف .. خلود كيفك .. كال انتي علطول هيج مطيعه وحبابه لو تمثلين خلود ... شمثل مفتهمتك يعني اتصنع لا ليش وشنو الي يستاهل اتصنع علمودة .. كال مو بيئتج الي جنت عايشه بيها استغرب تطلع وحدة منهم مثلج ... خلود ... شنو البيئه الي طلعت منها جبتني من بيت دعارة وضع ونفرض عليه واني صغيرة وماجان بيدي شي واذا تقصد على احلام ... هي اكثر شخص انظلم وهيه عايشه وهيه ميته كال هم جابت سيرة لطام انتي مجوزين كتله احلام صارت النه ام واب واخت ودافعت عنا بس ماتحملت الوضع انت متعرف شجان يصير بينا هناك فلاتحكم عليها وكف السيارة وجرني مت حجابي كال لج هذا لسانج اكصه اذا جبتي طاري هاي العاهر وراسج اكسرة ودافع عنها لازم عاجبج السوته دفعني حتى راسي نضرب بلجامه وبقيت الطريق كله ابجي الفرحه مو من قسمتنا ابد (غدير وسام )احلام
