روايه مهمه حب ( الجزء الثانى من رحم للإيجار ) للكاتبه ريحانه الجنه

((الحلقة السادسة))

السلام عليكم حبايبي.

انا برد هنا لاني صعب ارد علي كل كومنت منفصل . بالنسبة للي بيقول هو مين الابطال حلا&فادي شهاب& تمارا . وليه حلا&فادي واخدين مساحة اكبر. لا هما مش الابطال الرئيسية. لكن من اهم الابطال. وحكايتهم بتمس كتيير مننا. بس حكاية شهاب وتمارا لسة في اولها. وقدام شوية هتسخن الاحداث بينهم. لكن فادي وحلا حكايتهم محتاجة تركيز ووقت فبتاخد مستحة اكبر .

ياريت اكون وضحت.

((الحلقة السادسة)) 🌹 بقلم ريحانة الجنه🌹

مر تقريبا اسبوع علي الابطال ومازال الشد والجزب مسيطر علييهم.

طول الفترة دي تمارا كانت بتتصل بشهاب علي استحياء علشان تطمن عليه. وهو كان كل يوم يسأل نفسه هو ليه بيبقي منتظر تليفونها ودايما عنيه علي الباب علي أمل يلاقيها جاية ليه تشوفه. بس ماكنتش بتيجي. حتي كلامها في الفون كانت بتبقي متوترة ومتلخبطة وبتخلص المكالمة بسرعة. بس كل ما يفتكرها بمشاغبتها وطولة لسانها يبتسم غصب عنه. اما هي كانت مفتقداه جدااا. كل يوم تروح الشغل وتبص علي باب مكتبه وهي حزينة وتقعد مع نفسها تفتكر مواقفها معاه من يوم ما شافته. وهي كمان تبتسم غصب عنها. وتستغرب ليه مابقتش غضبانة منه. ليه دايما عايزة تشوفه. ليه بتفتح صفحته علي الفيس بوك. وتفضل تشوف صوره . ليه بتضايق ووشها يقلب جمرة نار. لما تشوف كومنتات البنات اللي اصلا هو مايعرفهاش. بس بيدخلوا بروفايله ويعلقه علي صوره ووسامته وفيهم كمان اللي كانت بتطلبه للجواز. كانت صفحته عبارة عن بنات شايفين فيه فتي احلامهم. بس الغريب انه ماكنش بيتفاعل معاهم اصلا . كان بيكتفي بإنه بيضحك علي تصرفاتهم وكلامهم .

اما فادي وحلا كل واحد متعذب ومنتظر التاني يبدأ ويرجع. كل واحد بيعاند مين اللي المفروض يرجع الاول. والعند لاسف بيضيع حاجات حلوة كتيير.

بعد الفترة دي رجع شهاب وفادي البيت وفات اسبوع كمان. وفادي كان كل يوم بيستني حلا ترجع الببيت. كل مايدخل اوضتهم وهي مش فيها بيحزن . كان بيفتح دولابها ويقعد يشوف هدومها وكل حاجاتها ويفتكرها وهي لابسة ده. وهي جميلة في ده. وده كان بيتعصب منه لانه ضيق. وده عريان . وغيره وغيره. وياخد برفانها المفضل ليه وليها. ويتنفسه بإستمتاع ويفتكر ريحتها وهي في حضنه. ويتمني يفتح عيه يلاقيها في حضنه بجد.

فادي مغمض عنيه وهو في قمة شوقه ليها: اااااه . وحشتيني . وحشتيني اوي اوي . قدرتي يا حلا اسبوعين تغيبي عني اسبوعين مااسمعش صوتك. هونت عليكي. بقيتي قاسية وبتسمعي كلامهم. هما عايزين يفرقونا. بس انتي السبب. انتي اللي فتحتي باب مش هنعرف نقفله.

وبقوة وعناد. بس هنشوف يا حلا هتقدري علي بعدي لحد امتي هتستحملي تكوني قصاد فادي وهو بعيد عنك ومش ليكي. ماشي يا حلا وحياة وجع قلبي والنار اللي فيه بسببك. لدفعك الثمن واخليكي تتمني ابصلك برضي زي زمان.