#تعبني-عشك-الشيخ🔞
الجزء الثامن
نورا (غدرني الزمن)
بيج قصص ليل وعشك
بقيت رايحه راده بالمطبخ وافكر واكول تسرعت وكتله ع نهله اووف الف نعله عليهه بس غثتني من كالت هي مخططه لكلشي صار بليلة قتل امي نوب شفت احمد لزم البندقيه وراح الهم احمد مو طبيعي هالايام ابد هو شخصيته ضعيفه ويمشي ورا حجي امه
متت خوف لاتصير سالفه بسببي وانور يتأذه كلشي ولاانور يصير بي شي
رسميه :شعللتيها هاا امداج استلمي كتلج يابنيه كعدي راحه ذول مو مال واحد يتكايش وياهم ماتسمعين حجي اكليهه هسه
ايه :عمه اجيبلج البتيته تكشرينهه انه هسه مشغوله
رسميه ؛مشغوله بالتفرفر جيبي
ايه ؛جبتلهه البتيته وكعدت تكشر وانه رايحه راده الحمدلله ماسمعت صوت طلق
رسميه صاحتلهه شيخه
تالي رجعت كالت شيخه ونهله راحو وياهم
الشيخ كامل واحمد اجو دخلو
بس انور ماهو 💔ظليت احاتي
اجت رسميه كعدت تكشر البتيته
ايه ؛عمه انور ماهو
رسميه :تباوعلي وتدنك من ايدج
ايه :انه اباوعلهه واهز ايدي
رسميه :ولج بحلج هم وتندكين بيهم
ايه :اكلج عمه الشيخ ابحده كاعد وشيخه مهي ولا نعله روحي يم الشيخ وديله جاي يحب جايج هو
رسميه :ياء نعله شنو ولج
ايه :لاتضوجين نهله
رسميه :انت كلش صايره ماتنجرعين ولسانج طولان
بهالاثناء الشيخ كامل صاح ام علاوي
ايه :(صفكت) هله شوفي خو مو انه كتله صيحلهه هو صاح حس
رسميه :جايه ابو انور
تريد تطلع من المطبخ صرت كبالها ايه :ها شو ابو انور لو چي(لان) كتلج مايحب چلمة خويه واضحك الهه واغمز
رسميه :حيري بروحج ام لسان حيري ببلوتج وخري من كدامي
ايه :هله اي ركضي واستغلي الفرصه شيخه ماهيه
راحت رسميه ظليت رايحه راده وافكر بانور باوعت للبتيته ودرت وجهي مابيه اسوي شي هف
وره شويه شفت سيارة انور طبت
اي اروح اتاني بالغرفه رحت كبله للغرفه اباوع بروحي بالمرايه اي مابيه شي
دخل هو تلگيته
ايه :هاا انور بيك شي ؟
انور :شبيج 😒
ايه :خاف سوولك شي سمعت صايح وهوسه
لزمني من عكوس ايدي قوي وسحبني اله صار جسمي ملاصق الجسمه
انور :بخزر بعني تصدكين حجي نهله من كالت اخاف منهم
ايه :لا حبيبي طبعا لا بس خفت عليك بعد عمري هد ايدي
انور :عبالي 😕
ايه :لعد وين رحت ؟
انور :دخيل الله شكد تكركين ابوي وداني بشغله
ايه :ها جا امك ليش راحت وياهم
انور :اسمهه عمتج راحت ويا نهله تهدي النفوس
ايه :جا ماراح تطلكها
انور :شبيج طلاكيش تخبلتي
ايه :اي مو عيب تحجي هيج عليك
انور :اخوانها اجو هداده لان صيحت عليهه وطبعا نجابت سيرتج وحجو عليج واني مااسمح بهالشي صارت مشاده قويه وتهديد من خوانهه طفر احمد جاب البندقيه ووجهه الهم وكاللهم شحده اليندك بخوي وهو يرجف بطراكات يله خذيناها منه
ابوي هده النفوس ونهله راحت وياهم وامي
بس الغريب بالموضوع احمد متغير حييل بس قهرني من سوه هيج لان حسيت صدك ضهري قوي
ايه :اممم هي شدعوه عليهه تسوي هيج انت رجلهه وحجيت وياهه وهي غلطانه ماحجيت وياها منا والدرب انت (منا والدرب يعني بدون سبب 🙈)
انور :هي كله هيج هي مو اول مره
ايه :اخخ من اكلك نعله ماترضى وصفكت جف بجف
انور :ايه شكتلج انه عيب هجي تكولين
ايه :اي گلبي اسفه
تمدد ع جربايه وكال تعاي يمي
انه جنت لابسه دشداشه باوعت لروحي رحت يم الكنتور اريد انزعها البس شي غيرهه
انور :ولج ماكتلج تعاي انام 😉
تعاي يمي انت بكل وكت تردين ماتشبعين هسه وكتها راح ياذن المغرب
ايه :بكلبي يا شكد فشله هسه شيكول
لا يعمري بس هي الدشداشه جنت بالمطبخ بيهه وخاف وريحتهه اكل
انور :ميخالف تعاي
ايه :جيتك
رحت مددت يمه خليت راسي ع صدره قرب راسي بايده وبوووسه ع 💋
انور :امي ماكو بالبيت ونعله هم
ايه :هاااااااا انت هم تكولهه
انور :اوووو تعلمتهه منج
المهم نهله هم ....باجر نطلع
ايه ؛كعدت ع حيلي وين ونططت عيوني 😳
انور ؛ماعليج بس حظري ملابس لان مكان بعيد
وسحبني وخلاني فوكه ويلعب بشعري ويبوس بخدي وشفتي
ايه :انور كون نهله ماترجع
انور :حتى تصير بالنعل
ايه :ليش
انور :ماتعرفين خوالي انت
ايه :ادري خوالك شنو ذوله دوله لو شنو
انور :ايه خليهه للوكت
المهم جذابه ريحتج حلوه مابيهه طبخ
ايه :ها عبالي
انور :اموت ع ريحتج تذوبني
ايه :انه اموت عليك كلك كلشي يخصك احبه اعشقه اليوم المابي انت مو يوم محسوب بحياتي
انور :فرحتيني اكو اثنين يخصوني يعني هم تحبينهم
ايه :منمه ؟
انور :هه امي ونعله
ايه: يووو نهله ماتخصك بس انه اخصك انت الي وبس وخليت خشمي ع خشمه وافرك بي هو اخذ بووسه
انور :ههه اكلج شسالفه شو انت تكولين نهله واني اكول نعله بالمكلوب يعني ههه
ايه :هههه حظنته وبوس
خلص اليوم يوم ثاني مترخص هو من الشيخ حظرت هدوم النه بالجنطه وودعت رسميه وكتلهه البيت فرغ بس انت والحب 😉
هي كرصتني وكالت جبح (عابت)
ركبنه بالسياره جان سايقهم يسوق وانور يمه كدام وانه وره كعدت
رحنه للمحكمه عقدنه تفاجئت انه ونوب نهله مفروض توافق يله يحق النه بس ماكدرت اسئل انور
بعدين طلعنه وطريق طويل انه اول مره هيج اطلع هو كل شويه يدور عليه ويسالني خو ماعطشانه خو ما تعبانه بيج شي تردين شي
حسسني بقيمتي والامان والحنان الفقدته من الاب بعمر زغير واخ ماعندي يصير الي سند حسيت هو الي اب واخ وحبيب وكلشي دعيت بكلبي ربي لاتفرك بينه انه مالي احد بهالدنيا احفظه الي
وصلنه لمكان ونزلنه هو فتح الباب مال السياره
انور :خو ماتعبانه
ايه :لا ماتعبانه بس احنه وين
انور :هنا بيت خواتج سكينه ورقيه
ايه: صدك تحجي دمعت عيني تمنيت احظنه ابوسه صدك فرحت من كلبي
دك الباب طلع رجال سلم علي ورحب بي ياهله بالشيخ ومن هالحجي
دخلنه تلكني خواتي ماصدكت بوستهم وشبكتهم وظلينه نبجي صار 4سنوات ماشايفتهن
كعدنه بالكاع نبجي
دخلو انور والسايق واحنه رحنه لغير غرفه خواتي متزوجين خوان وكل وحده عدهه سيت جهال 😃
رقيه عدهه بنات توم اثنين وولد وسكينه هم عدهه بنيه وولد توم ولد هم يعني ولد اثنين وبنيه شبكتهم وبوستهم خالتهم ماشايفينهه كعدنه حجيتلهم ع امي مايدرون عنهه شي شكد كرهت شيخه ذبتهم هالذبه وخلت امي بحسرتهه عليهم فوك ما فقدت بنات اثنين هم بعدت عنهه هذول عبالك نصبنه فاتحه بالبجي
هذا البيت هنه اثنينهم بي بس كاسمينه بالنص هو يصير بالنص حوش وبي غرفتين ومطبخ لكل وحده وغرفة الخطار مشتركه بينهم كالو مرتاحين ورجالهم خوش ولد وعايشين ماشي الحال اهم شي راحت البال الف الحمدلله
صبو الغده تغدينه الزلم ابحد والنسوان بحد
خلصنا رجل اختي رقيه صاحلهه كللهه الشيخ يصيح لمرته رحت اله جان ابحده بغرفة الخطار
ايه :انور انه احبك وشبكته وابوس بركبته لان يالله اناشهه هو طويل وانه اكصر منه
انور :ولج عيب ولج مو هنا لايدخل علينه احد
ايه :محد انور محد يدخل الله لايحرمني منك وابجي
انور :لايعمري ليش تبجين كافي ولج عيونج راحت
ايه :فدوه انور لاتعوفني مثل العافوني
انور :ولج احبج مااعوفج يله تحضري نطلع
ايه :خوش نرجع الديرتنه
انور :ليش تعبتي
ايه :انه وياك ماتعب ولااهتم وامرض ولااحزن اي شي موزين ماحس بي
انور :بيج سفر بعد
ايه :اي وين ؟
انور :نروح لبغداد
ايه :صدك اي الله اروح
انور :يله روحي تحضري نطلع
ايه ودعت خواتي ووعدني انور يجيبني مره ثانيه الهم وصدك حسيت راح ارجع مره ثانيه
طبعا انور چريم من اجينه اشترالهم هدايا وشغلات للجهال
طلعنه والطريق كله يسالني شونج بيج شي حتى استحيت من السايق انه وصلنه البغداد بالليل اجرنه فندق ومن التعب نمنه يوم ثاني طلعنه ورحنه زيارة الامامين
وبعد مكانات تونست حييل
رجعنه الديرتنه
نهله ماكو وشيخه هم
بالليل طلعنه ع شط جانت ظلمه نزلنه بالماي
شالني وظل يفر بيه وانا اضحك الدنيه ملكي عبالك حلم مااريد اصحى منه
ايه :انور اكرصني
انور :ليش
ايه :انور حاسه انه بحلم اريد اتاكد مامعقوله كل هالسعاده ياربي راح اتخبل
انور :ليش ماابوسج احسن
وصار يبوس برگبتي ومصهه حييل 🙈😁
ايه :اه انور عورتني
انور :مو تردين تتاكدين هذا حلم مو حلم
ايه :بس مو هيج
صار يذب علي ماي واذب علي تبللنه حتى شعري نفتح وتبلل حظني حيل
انور :ولج امشي للغرفه شكد مغريه انت ومبلله
شالني انه لافه ايديه على رقبته
ايه :انور لايشوفونه نزلني
انور :ولج محد نايمين شبيج
رحنه للغرفه واحلى رومانسيه
عرفت من انور هو مستلم بلاغ حضور نهله للمحكمه ومدام ماحظرت سقط حقها ويكدر يتزوجني
مشت الايام كلش حلوه
وراها رجعت شيخه
واجتمعو شيخه وانور وابو
وراها بجم يوم شفت انور مرجع نهله بس ماكلي راح يرجعهه
انه ضجت حييل من هالتصرف المفروض يكول كدامي ماراح اكله لا ولا يحقلي اكله
نوب ظل ينام بغرفتها جم يوم مااشوفه متت غيره عليه
اريده واشتاقيتله وراها هم جم يوم مااسمعت الهم حس ابد
سالت رسميه كالت خذاها سفره للخارج حتى يرضيهه
متت قهر ليش ماكلي انه مو مرته على الاقل جان ودعني ظليت احرگ بروحي تالي كلت عليمن انه هي قيمتي بت الشيوخ ياخذهه للخارج
وراها بجم يوم طحت مريضه كلش حالتي حاله رسميه كوه كدرت تاخذني للمستوصف شيخه ماقبلت كالت تولي بعد مبينه هي حامل كلتلهه رسميه ع الاقل خل تنطيهه الدكتوره مقويات للطفل رحت حللت وصدك حامل بس مافرحت تهديد نهله يرن بذاني وحجي شيخه من سمعت بيه حامل كالت اي لاتفرحين ماراح تتهنين بي بعدنه ع اتفاقنه الطفل لنهله وبين انور الراح وخلاني وراه
وللحكايه بقيه
