#تعبني-عشك-الشيخ11
بقلم نورا غدرني الزمن
بيج قصص ليل وعشك
ايه :اجتلي ضربه قويه ع راسي ماحسيت بشي بعدهه فتحت عيوني وانه بالسياره وبين صاحيه وبين صاحيه وبين نايمه تمشي بيه السياره ومااعرف شنو صار وهم غمضت فتحت عيوني واحس جسمي ثكيل بس مو ثكل الحمل لا كل جسمي مابيه اشيله بقيت صافنه وين انه اريد افسر الي صار بيه مااكدر بعدين انتبهت ع المكان جن صريفه للي مايعرفون شنو صريفه الصريفه هي غرفه بس من سعف النخل والكصب والشرك (اسلاك شائكه) وارضيتهه ترابيه اريد اتحرك مااكدر بقيت ع هالحال فتره لزمت راسي كله دم مال الضربه حاولت اكوم وجع بطني وضهري مااكدرت اوجاع قويه صرت اتشاهد ع روحي واكول هسه اموت بعد شويه اموت مااكو عندي اي قوه تخيلت نفسي جثه هامده وروح ماكو والصريفه كبر واقرا ايات واتشاهد مر وكت طويل وظلمت الدنيه بدت اصوات الحيوانات الجلاب تنبح وتعوي وصوت الصراصر الليل طول كلش الثانيه بسنه وتشاهد وابجي بين خوف وبين وجع الام الجسد وتفكير بانور هسه عباله نفذت تهديدي وبين عطش وجووووع حتى الطفل ظل يرفس 😢صرت احاجي ها حبيبي جوعان اعذر امك حبيبي مدام انت هسه ابطني خل احاجيك ادري راح ياخذونك مني اعذرني ماكدرت احميك واحافظ عليك هذا ثمن شنو ياربي ثمن العشك عشكت شيخ ومو من ثوبه انه لو ثمن اليتم والحرمان لو شنو مر الليل طوييييل نمت جن شفت امي ماحلمت بيهه من يوم الماتت شفت وجهه يضحك وتكلي يمه لاتخافين اووف يمه فزيت ع صوت يمي باوعت صار الصبح اللتفتت شفت نهله ووياهه مره مااستغربت ابد كلشي واضح جان من البدايه بس منو يصدك باوعتلهه وضحكت هذا كله البيه وضحكت كتلهه انت تدنت يمي لزمتني من شعري الم موتني لان راسي مضروب اي ولج انه شفتي شوني ولج هي مو باللسان وطولته لا ولج لا بالمكر والحيله
ايه :كلهه ترجع عليج حسبي الله عليج ماخايفه منج عندي الرب اليحميني
نهله :طكتهه ضحكه واشرت للمره شوفيهه يله
ايه :اجت المره فحصتني موتتني من الالم
المره كالت اي عدهه ولاده بس مو هسه بعد فد شويه
نهله :خوش جيبيهه بعد هذا حفظتي المكان زين
المره الي هي انسميهه الجده الي تولد بالبيت تكون خبيره بالتوليد او القابله هي نفسهه
الجده :تدللين امرج
نهله :يله اروح انه ايه كبل لا يجي انو لان راح لبيت خواتج يدورج هناك عباله هناك رحتي
ولج لو تشوفين انور ناوي ع ذبحج هههههههاي ولج سوالج غرفتج طحين كسرها تكسر من العصبيه
وابنج راح تجيبينه بس ماراح تعرفينه شنو هو بنيه ولد واكدر اكتله كدامج واذبحه ابشع ذبحه بس مااريد اخذه اودي غير مكان اخليج طول عمرج متحسره علي وتردين تعرفين عنه شنو هيج احسن وانت مصيرج ماراح يختلف عن مصير امج نفس الشي امج اندكت بينه احنه ولد الشيخ مزهر وهذا جان مصيرها وانت هم نفسهه بس خل ارتب الج مخطط يخلي انور يذبحج بيده ومايرفله جفن
ايه :اخخ ولج الله فوكاج ماخايفه منج الله ياخذ حقي منج وحقي امي طلعت نهله والقابله وبعد ماشفتهم ولااسمع الهم اي صوت.................
..........
نهله :ها ام جواد لكيتي ناس تاخذه
ام جواد :اي لكيت
نهله :منو
ام جواد :هذول ناس ماعدهم خلفه عدهه بس ولد اسمه حسنين عمره 9سنين كتلهه قبلت
نهله :اريدهم فكر من خوش ماريده يرتاح بعيشته
ام جواد ؛اووو فكر من فكر لاتخافين
.................
ايه اجاني الم قوي مو طبيعي صرت اختنك حتى مااكدر اصرخ اجت الجده الي وياهه مره
صرت اطلك وانه غمضت عيوني ودعيت ربي مو اله اطلع منا عايشه حتى لو اموت بس مااريد غير برائة امي تطلع كلشي ماريد ساعة الولاده والالم الي تحس بي المره هو الالم الاشد وجع بعد الحرك الله يستجاب بي الدعاء ويغفر الذنوب وهي كرامه من الله للمراه ماانطاهه للرجل
واخيرا بعد معاناة والم طلع الطفل بس مايبجي ماسمعت اله صوت صرت اتوسل بيهه ومابيه اكوم ردي الي واتوسل خليني بس اشوفه زين ميت عدل كولي احجي مااحجت راحت بقت هي المره كملتني وراحت بقيت وحدي توه والده ولااكدر اتصرف بقيت ابجي ابجي الدمع مايفيد ابد كمت ادفع بالباب اريد اطلع مابيه
خلص اليوم وصار الليل الخوف تلاشه بروحي شريد اخسر بعد ابني راح ماادري وين ولا حتى اعرف شجبت بنيه مدري ولد
كعدت ابجي وتالي كمت امداني والله شيفيد البجي وانه هنا محبوسه اكوم اشوف الي حل
الغرفه سعف وشرك ظليت اتقرب من زواياهه ادور مكان افلت منه
ظليت اجر بالسعف والكصب واباعد بينهم حتى اسوي فتحه اطلع منهه ايديه تدممت من كد الشوك الدخل بيهه الفجر راح يطلع لازم اكمل واطلع كبل الصبح لااحد يشوفني كدرت اكبر فتحه اطلع منهه بس الشرك شون يولي مو اله تحملت الم الولاده مااتحمل شخطة شرك دائما اكول الم الروح اشد وجع من الم الجسد اقوه الم هو شوفة امي ميته وهي مظلومه كدرت احشر روحي واطلع ويه طلعتي نشخط ظهري تاذيت بس فرحتي بالطلعه غطت ع الالم طلعت شفت بستان جبير شاسع وي طلعتي احس انكتبلي عمر جديد الشمس
