#تعبني-عشك-الشيخ 14
بقلم نورا غدرني الزمن
بيج قصص ليل وعشك
ايه :صار الوكت يمشي بطيئ احسه وكف ام زهره تعاملهه وياي عبالك وحده من بناتهه هي امراه ثلاثينيه بناتهه عمرهن 10و12تعاملني مثلهن بالضبط اذا تشوفني ضايجه تصنف وتضحك كون تضحكني صار الليل سمعت بجي الطفل اركض للشباج اسمعه عبالك اسمع موسيقى اجه الصبح كعدت سوت ام زهره الريوك انه اريد اطلع كظتني وين تطلعين بليه ريوك انت مو متواعده العصر وياهم انت بعدج نفسه اكلي لكمه وطلعي والله ياام زهره مااظل صبر ابد رجعت اكل وياهم تالي غسلت لبست عباتي اريد اطلع صاحت عليه ام زهره هاج هي جم فلس ادري بيج كراوي رايحه وراده مو غريبه انه انت وحده منهن واشرت على بناتهه خجلتني اباوعلهه شنو من قلب عدهه وتساعدني بدون مقابل اووف بوستهه كتلهه كون مكانج بالجنه محجوز.لان صدك تستحق هم فقيره وهم ارمله وراعية ايتام ومبتليه بحروق
المهم طلعت رحت لبيت عليه وهناك تغدينه وكملنه والعصر نريد اروح لبيت ابو ماجد كبل لا نطلع باوعت بالمرايه لروحي راح اشوف انور 😢
تالي خنزرت اشش لاتهتميله وانسي تعاملي ويا كعدو هسه مو كزوج طلعنه وصلنه لبيت ابو ماجد نوب ظل يحجيلي ع الفلوس وشون راح يقسمهن بيني وبين خواتي وكل وحده شكد الهه كتله عمي وسالفتنه كال لاتهتمين رحنه ع بيت ابو عبدالله خذينه ام عبدالله وابنهه وعدل لبيت الشيخ الي متواعد ويا ابو ماجد
وصلنه وكعدنه عنده كتله عمي الشيخ انه دخيله عندك وهي سالفتي كيت كيت اريد تحميني وماتخلي رجلي ياخذني
الشيخ :بويه انت طلعتي من بيتج لو هو طردج
ايه :لاعمي والله هو طلعني
الشيخ :انه متفق ويا يصلون بعد شويه
وصلو وكعدو سلمت ع شيخ كامل رد السلام
كعدنه وكنالهم ع سالفة الارض وكالو نشوف السالفه شنو وحجي ابن الحارس كالو اذا ماشايف وجوهم شون راح نعرف منو
انور :ان شاء الله شيخ هذا كله راح نستفسر عنه
وانت يله امشي وياي
ويباوعلي
الشيخ :بويه هي طلعت من بيتك لو طردتهه
انور :لا شيخ انه طلعتهه وديتهه يم خواتهه
الشيخ :اللتفت لشيخ كامل شيخ المره هي دخيله وانه ماانطي دخيلي وهاذولي اهلهه كاعدين وياهه
انور :اني زوجهه وبعدهه ع ذمتي
الشيخ كامل :بويه انور خليهه ان شاءالله كلشي يصلح
انور :ان شاءالله بس اريد احاجيهه ع انفراد
الشيخ : كومي بويه
ايه ؛طلب يحاجيني ع انفراد خفت لايكتلني صارلي واجد مامكتوله 😛🌟🙈شويه مرتاحه
اكو غرفه بصف الديوان رحنه بيهه
انور :انت منو كلج ترجعين هنا ها
ايه :شيخ انور انه كتلك راح ارجع واثبت برائتي وبرائة امي
تقرب عليه صوت ابتعد عنه بده كلبي يرجف اله لزكت روحي بالحايط ميته خوف
انور :ها خايفه
ايه :ماظل شي ينخاف عليه
لزمني من ايدي
انور :هسه تدخلين للشيخ وتكوليله ترجعين وياي
والا راح تشوفين شي عمرج ماشفتي
ايه : شفت شيخ شفت كلشي ماكو شي ظل ماشفته حتى الموت ماروح وياك انت توكل
انور :سهله ايه سهله
ايه :وعمرها ماجانت صعبه كتلك بس صدكني بكلبك انت تدري بيه بس لسان وتعرفني شنو بس ماصدكتني
انور :وهسه مصدكج ارجعي وياي ندور ع ابنه سوه ونكشف الحقيقه
ايه :الحقيقه كبالك بس تسوي نفسك ماتشوفها مكان ابنك يندله شخص يمك يصبح بوجهك وينام يمك وياكل وياك وانه كتلك ياشيخ ماعاد يهمني صدكت لو لا
انور :هه بعدج تغارين منهه مو لان انت بعيده عني وهي يمي
ايه :لا متوهم ماكو شي بعد كل شي راح لا حب ولاغيره هي اخر همي مسؤؤليتي هسه صارت اكبر مني مو مال وحده زعطوطه تغار وتزعول هه شكد جنت سخيفه من جنت اغار عليك واريدك بس الي ياالله وصفكت ع كصتي كلما اتذكر اتمنى اطك روحي بالنعال
هو عصب وخنزر
كملت كلامي انه ماادري شون حبيتك اكبر مني ب14سنه صدك مخبله غيري بنات يفكرن بابن 19وال20مو كد ابوهن
هو فور ظل ييغلي لزم ايدي قوي وعصرهم صكيت سنوني من الالم بس ابتسمت وكتله مايوجعنه تحملت الاقوه منه وغير الام البروحي
هو تقرب الي وكال
انور :ابصم بالعشره انت مشتاقتلي وميته عليه اصلا وتتمنين بس ترجعين يمي
ايه :دور اول تحول هي كبل جنت مخبله واعشكت شيخ انه بت خدم ولازم ارجع لاصلي واعشك المن ثوبي
عيونه صارن نار 🙈👽😹
انور :اتعشگين المن ثوبج ولج اتعشگين غيري تقربت يم وجهه كلش وصارت شفايفي قريبه لشفته تنفست انفاسهه اذبححححج ذبح خوش سمعتيني
ايه :حسيت بجرعة قوه منه دائما استمد القوه منه من تنفست انفاسه حسيت موبس مفاركه ابني حتى هو حسيت بفراكه بس جرحي منه جبير كلش كتله سبق وذبحتني دفعته ورحت رجعت يمهم سلمت ع شيخ كامل وبست ايده وكتله انه بريئه
طلعو هم وطلعنه وراهم عليه كالت اروح المستشفى اشوف جماعتي رحت وياهه طبت تسلم عليهم شفت احمد كاعد وحده بالمستشفى تفاجئت انه عمري ماحاجيه ويا ابد اخذتني رجليه اله وسلمت عليه
احمد شونك
احمد :هله بيج خويه
ايه :نضراته كلهه ندم
خيرك شبيك اشو تعبان
احمد :اي والله
ايه احمد خويه
سامحني انه شكيت بيك انت كتلت امي وطلعت مو انت اعتذر منك
هو راسا خله راسه ع الحايط وظل يدك براسه ودموعه تنزل
عفته ورجعت للبيت واعتقد اثرت بي حتى يطلع العنده
انور :طلعنه اني والوالد نستفسر على الكاع بس بدون علم خوالي انطونه عنوانهه حصلنا رحنه الهه نزلنه اني وابويه باوعنالهه شفت ولد اجه صوبنه يجي عمره 9جان يكول انتو ا من بيت الشيوخ كتله اي حبيبي شتريد كال بيبتي شافتكم من بعيد وتكول تعالو اخذو ابنكم ماانكدر نربي
انور :😳تفاجات دم ماظل براسي اليذبحني مايطلع مني دم رحت وراه اركض عفت ابويه يصيح عليه ماانتبهت رحت شفت الحجيه بالباب مره جبيره بالعمر وفارشه كونيه بالكاع وكاعده والطفل بحظنها دنكت عليهه حتى ماسلمت كتلهه منو انطاج اياه هي نططت وخافت كالت انه ادري هاي الكاع للشيوخ وصحت عليكم تاخذونه بس يبجي مانكدر نربي احنه على كد حالنه جابته النه ام جواد الجده وكالت هذا ابن شيوخ ربو عدكم لان احنه ماعدنه بس هذا حسنين عمره 9وماصار فوكه
خذيته منهه دليني وين ام جواد ؟؟؟
دلتني بيتهه ماجان بعيد البيت
رحت لابويه وكلشي ممفتهم بس بعد من شاف الطفل بيدي افتهم رحت سحبت المسدس من السياره ورحت دكيت الباب دفرته وطبيت طلعت مره كتلهه انت ام جواد كالت اي حطيت المسدس براسها احجيلي كلشيييي لاافرغه برااسج
منيلج الطفل الي عند ذكول الناس الي اسمهم بيت ام حسنين
كالت شيخ انه افهمك اجتلي بت شيخ مزهر انه لحظته گلبي انفطر ماافكرت بس شون ظلمت ايه
كتلهه كملي كالت ودتني لهي الكاع الكبالك واشرت ع الكاع الي قاصدينهه احنه وبيهه ورث النه كالت جيبيهه واخذي الطفل وودي عد ناس فكر كون ونطتني فلوس كون مااحجي وهذا هو الطفل
خذيته ورحت للبيت انه وابوي
طبيت للبيت وصحت بأعلى صوووت عندي
نعلللللللللله
😂
#نور
