سيف: ها شكو
ريم: عمي كال تعالو تعشو
سيف: اوك جاي
كمت رحنه كعدنه ع السفرة محد حجى شي كملنة وكمنه للصالة جابت هدى الجاي وكعدنه نشرب ريم كامت من يمنه انتضرت ٥- ١٠-١٥ دقيقة ماكو كمت وراها فتحت باب الغرفة على كيفي سمعتها تقرة قرآن وتبجي فتت للغرفة صار صوت بلباب ندارت شافتني مسحت دموعها
سيف: ابجي ترتاحين ميريحج غير البجي
ريم: انته شمدريك
سيف: اني الي ادري محد حاس بيج بكدي
ريم: شلون
سيف : حبيبتي ماتت
ريم: هاااا شلون
سيف : حادث سيارة
ريم: شوكت
سيف: قبل ٥ اشهر
ريم: واني اكول شبي شكلك حزين الله يرحمها
سيف: ويرحم موتاج كملي قرآية
ريم: لا راح انام تعبانة
سيف: تصبحين ع خير
ريم: وانته من اهل الخير
طفيت الاضوية ونمنه سمعت بليل صوت هلوسة وشهكات فتحت عيني شفت ريم تشهك يمكن دتشوف كابوس كمت كعدت على طرف السريرواباوع عليها
ريم: ماما لا لتعوفيني لا لااااا
فزت باوعت علية وكامت تبجي حضنتني وتبجي ضليت امسد على راسها الى ان نامت اريد اكوم حاضنتني خليت ونمت بصفها حسيت الصبح على حركتها تريد تكوم فتحت عيني
سيف : صباح الخير
ريم: صباح النور اسفة ازعجتك وياي
سيف : عادي مصار شي
كمت دخلت للحمام غسلت وطلعت طبت هي للحمام طلعت
سيف: جاهزة ننزل نتريك
ريم: اي جاهزة
نزلنة صبحنه ع الكل وتريكنه كملنة كام يوسف لدوامة وابوية ومرتة طلعو لغرفتهم كمت لبست جاكيتي وكفت ريم
سيف: محتاجة شي
ريم : لا بس كلت اوصلك للباب
سيف : اها اووك
طلعت وياي للباب
سيف: ريم شوكت ترجعين لدوامج
ريم: مادري احس مالي واهس اسوي شي بلدنيا
لزمتها من كتفها
سيف: ريم لازم تكملين وتوصلين هذا جان حلم اهلج لتتخلين عنه
ريم : ان شاء الله
سيف: يلة اني رايح محتاجة شي
ريم: لا تسلم
سيف: مع السلامة
ريم : الله وياك
طلعت هي سدت الباب وراي رحت للدوام شافوني اصدقأئي وكامو يعاتبون لان ماعزمتهم على عرسي فهمتم انو مرت عمي توفت واحترامآ الها مسوينه عرس بس على كد عقد قران وكمل يومي رجعت بل ٢ للبيت دخلت البيت هادئ الضاهر نايمين فتحت باب غرفتي على كيفي ودخلت بهدوء شفت ريم منطيتني ضهرها ونايمة ندارت علية
سيف: السلام عليكم
ريم: وعليكم السلام
سيف: اسف كعدتج
ريم: لا اصلا مجنت نايمة احضرلك ملابس تطب تسبح
سيف : ماكو داعي اني احضر لنفسي
كامت من الفراش للكنتور
ريم : لا راح احضرهن انته ادخل للحمام دخلت للحمام سبحت فتحت الباب مديت راسي لكيتها معلكة المنشفة والتراكسود مالي يم الباب مال حمام جريتهن وبدلت طلعت وكفت كدام المرايا دعدل شعري دخلت شايلة صينية الغدا
سيف: مجان اكو داعي تعبين نفسج
ريم: لا عادي متعبانة
سيف: تعاي تغدي
ريم: تغديت بلعافية انته تغدة تغديت وهي كاعدة كبالي كمت داغسل رجعت لكيتها جابت الجاي
سيف: ريم ماكو داعي تتعبين نفسج علمودي
ريم: مدتعب نفسي هذا واجبي وداردلك ولو جزء قليل من ديني الك
سيف: ماكو اي دين بينة ولا عليج اي واجبات تجاهي اصلا زواجنه شكلي
ريم : ادري بيك مجنت راضي علزواج وانجبرت تقبل علمودي وهذا يعتبر دين بركبتي الى يوم القيامة وماعرف شلون اشكرك انته دمرت مستقبلك واتزوجتني بس علمود لا اتيه واضيع وحدي بين الرجلين
سيف: لا ريم لتحجين هيج انتي الي ضيعتي مستقبلج بزواجج من شخص اكبر منج وانتي صغيرة وكدامج حياة بطولها
ريم: فرق العمر مو بعيني وان شاء الله بس ابلغ السن القانوني نتطلك وتاخذ راحتك وتشوف حياتك بس الى ان نتطلك احنه اسمنه زوج وزوجة واني الي لازم اقيم باحتياجاتك وواجبتي
هي كالت زوج وزوجة اني بداخلي مادري شنو اتحرك تلافيت الموضوع وكلتلها نعسان طفيت الاضوية ونمت ع التخم وهي ع السرير ضليت اتحرك بفراشي مكدرت انام باوعت عليها نايمة وهي بيضة ولابسة اسود وشعرها على وجهة استغفرت ربي ونمت وهيج مر على زواجنه شهر هي قايمة باكلي وشربي ولبسي وحمامي واحتياجاتي فاتحتها بموضوع ترجع للدوام ماقبلت بس قنعتها وسجلتها ع السنة الجديدة وبدت تداوم اني اخذها للدوام بطاعتي الصبح وبل ١٢:٣٠ اروح ارجعها للبيت وارجع لدوامي لل٢ ارجع للبيت صار الشتاء واني عطلت سيارتي المغربية بلشارع وتمطر الدنيا تبللت اجرت كرين وسحبت السيارة للمصلح كالي تعال باجر اخذها اجرت تكسي وطلعت للبيت وصلت دافتح الباب انفتح باب المطبخ واجتي ريم تركض علية
أنت تقرأ
احتويني
Romanceهو كسر قلبه على وفاة حبيبته هي كسر قلبها على وفاة والدتها ياترى كيف سيجبر احدهما قلب الاخر هذا ماسنتابعه في (((( احتويني)))) للكاتبة: Lamar Alzankna (( باللهجة العراقية))
