قربت وجهي الها وبلحضة ضعف بستها مادري نزلت على ركبتها مادري شزلك لساني وكلت هند بلغلط ماحس الا ريم دفعتني حيل ودموعها تنزل اقتربت داحضنها دفعتني وتبجي
سيف: اسف والله بدون قصدي بعد ماعيدها ماقترب منج اسف
ريم : هاي مو اول مرة تصيح باسمها وانته بصفي اني ريم موهند
اني عبالي لان اقتربت منها دفعتني طلعت لان ناديتها باسم هند زعلت
سيف: والله مادري شلون زل لساني اسف
ريم: اطلع سيف براا
سيف: اسف هند بس اسمعيني
ريم : شسمع ادري بيك تحبهاذاك اليوم بحضني وتصيح باسمها وكلت مريض ومواعي على نفسة وهسه شبيك ادري بيك تحبها بس مادامك بعدك تحبها لتقتربلي اذا متنساها حس بية اني بشر وعندي مشاعر
سيف: ريم والله بعد م
ريم قاطعته بصياح: اطللع براااااا
طلعت واني اضرب على راسي شكد غبي شجاب هند بلموضوع واني اكول شبيها يوم التمرضت ضايجة طلعت هم صايح باسمها طلعت للدوام واني شارد رجعت ورا ساعتين دخلت للغرفة ملكيتها طلعت للصالة شفتها كاعده تقرا جيت كعدت ع التخم كامت هيه دتلم كتبها
سيف: ريم
ريم ندارت : نعم
سيف: متصبيلي غدا( لوفت السالفة من شفتها عصبية )
راحت تصب الغدا رحت وراها للمطبخ دتحمي الاكل وكفت يم الطباخ راح يم السنك علساس تغسل الكلاصات اقتربت يم السنك راحت للثلاجة اقتربت يم الثلاجة
ريم: روح اكعد اني اجيب الاكل
سيف( فشلت😓) : اوك
طلعت ورا دقايق جابت الغدا حطته كدامي وكامت تلم كتبها وصعدت للغرفة كملت الغدا وهي مانزلت ولاجابتلي جاي كالعادة كمت صبيتلي استكان جاي شربته ووديت الصينية للمطبخ وصعدت فوك لكيتها كاعدة تقرة هي شافتني كامت شالت كتبها
سيف: ماكو داعي كملي قرايتج عادي
مجاوبت طلعت وراحت كعدت ع التخم صفنت على روحي اني شجنيت على روحي مو جنت مرتاح اووف خليت راسي نمت كعدت بل٥ باوعت ع السرير مموجودة اووف كمت فتحت كنتوري طلعت ملابسي شفت ملابسها ماكو فتحت الكنتور الثاني هم ماكو الكومديات فتحتهن ماكو غراضها طلعت اركض شفت مرت ابوي بلمطبخ
سيف: عمه دنيا وين ريم
دنيا: غير بغرفتكم وين يعني
سيف: مشفتيها طلعت
دنيا : لا والله ليش شكو
سيف : ماكو شي
رحت فتحت باب غرفة هدى لكيتها كاعدة تصفط ملابسها يم هدى وهدى صافنه عليها اشرت لهدى تطلع طلعت هدى سديت الباب
سيف: ريم هاي شدسوين هنا
ريم بدون متندار: ولاشي
سيف : ليش جبتي ملابسج هنا وغراضج
ريم: راح ابقى يم هدى بعد
سيف😟: ليش
ريم :احسن
سيف: ريم ليش هيج تسوين مو عتذرت منج
ريم: احسن خلي نبقى بعاد احسن منغلط بشي ونتندم لبقية عمرنه
سيف: بعد ماقتربلج بس لتعوفين الغرفة
ريم: ماكدر ابقى وياك جوا نفس السكف
سيف بعصبية😡: ماكو طلعة من الغرفة
ريم 😒: واني كلت مابقى وياك بنفس الغرفة
سيف: اني رجلج ومن اكول شي تنفذي
ريم😣: موكلت زواجنه ع الورق لوكامت الامور تاخذ غير مجرى مو بعيد عليك تجي تطالب بحقوقك بعد
سيف: هاي هيج نضرتج علية
ريم: سيف من الافضل النة نتطلك من هسه ماكو داعي ننت
سيف قاطعها بصياح😠: طلاك ماكو طلعي من دماغج وانسي
ريم : سيف انته تخبلت شبيك ماريدك طلكني
سيف اعصابي فولت من كالت نتطلك بصفي مزهرية ضربتها بأيدي شو هاي تكورت على نفسها وكامت تبجي وهي حاضنة نفسها نزلت لمستواها داحضنها جان تصرخ
ريم: لتقتر ب مني لتقترب
سيف : اششش اششش ماشي اهدي
جتي هدى فتحت الباب صحت بيها
سيف: اطلعي وسدي الباب وراج
طلعت وسدت الباب اني حضنتها وهي تدفع الى ان هدئت ماحس غير شهكتها بقوة
أنت تقرأ
احتويني
Romansaهو كسر قلبه على وفاة حبيبته هي كسر قلبها على وفاة والدتها ياترى كيف سيجبر احدهما قلب الاخر هذا ماسنتابعه في (((( احتويني)))) للكاتبة: Lamar Alzankna (( باللهجة العراقية))
