ثمن طيبتي
البارت السادس
ابو رقيه ....تفضلي تكدرين تشوفين ابو .....
حسناء ..شكرا ..دخلت للمكتب جان شخص وقور بنهاية الاربعين ..تفضلي .
حسناء ..نطيته المعامله ..باوع ..
كال .. شسمج
حسناء ..
......سبحان الله اسم على مسمى .. شبي هذا الغبي الي طلكج
حسناء .. قسمه
.. ...فعلا قسمه وقسمتنا تجين ونتعرف عليج ..هاي توقيعي هاج وهذا كارتي اتصلي اذا احتاجيتي شي
حسناء....لا مو وقعتها بعد شسوي بي اشكرك ..اترخص
ابو...كعدي ليش مستعجله
حسناء ..لا الحك
طلعت بوجهي على الدائرة لكيت البنيه ..كالت بعد توقيع من نفس الشخص منوقعه لازم ترجعيله
حسناء .. بس هو وقع كدامي
الموظفه ...اي اكو نقص رجعيله .
حسناء خذتهن وركض بلكي الحك بي ..رحت ابو رقيه كال طلع .. رجعت اتوسل على الرقم ..ابو رقيه ..اتصل بي واشوف شيكول اتصل ..وبعدها انطاني الكارات دكيت عليه .جاوب
...الو
حسناء ... الو استاذ اني حسناء الي جيتك على المعامله .الموظفه تكول نقص
....اي .مو.كتلج ..تحتاجين الكارت ..يله مصار شي عموما اني باجتماع وحتى لو اوقع لباجر يله تكدرين تكمليها لان دوام انتهى . باجر اني اتصل بيج .
حسناء ..شكرا ..الله يوفقك
..... مع السلامه
حسناء ..ابو رقيه اروح هسا للشركه
ابو رقيه ...اي روحي الحجي منتظرج
رحت على العنوان ..دخلوني على رجال وجه نوراني تقريبا مواليد ٦٠ جبير ووقور
متزوج وعنده 5 اولاد الحجي اكبر تاجر بالنجف املاكهم بكل مكان عده عدهم شركات منضمات هواي اخو عالم كمياء.
كال انتي البنيه الي كال عليه ابو رقيه
حسناء .ي اني
الحجي ...هلا بنتي تفضلي انتي شغلج ويانا راح تستلمين الحسابات
حسناء .ان شاء الله
الحجي ابني ابو رقيه هواي مدح بيج
حسناء ابو رقيه ابن حضرتك
الحجي .اي ليش متدرين
حسناء لا
الحجي .. عموما من باجر باشري
حسناء .ان شاء الله طلعت مرتاحه
رجعت للبيت . اتصلت .زينب ماما خطوبه بابا خربت
.ميريدها ..ويكول اذا ازوج ارجع امكم .
حسناء .. شكو ..خربها وشيريد مني .هسا راد حسناء
زينب ماما ..ارجعي
حسناء ..الله كريم بنتي باجر اجيج للمدرسه وامر لحسوني
زينب ..صدك .ماما مشتاقتلج .
حسناء اي يله راح افطر اليوم جعت من الفرة جان فطوري اما جبن وخبز او اسوي بتيته وطماطه .بس من يجون اولادي لا اسويلهم لحم ودجاج رحت ثاني يوم للمدرسه شفت زينب جانت من الاوائل .ومدحو بيها .
طلعت لمدرسه حسوني ..دخلت للمدير .
المدير... صافن بوجي انتي ام حسين اياد
حسناء .. نعم اني
المدير... ممبين عليج امه . صغيرة انتي
حسناء .. اشكرك شبي حسين
المدير ...مبين عليج انسانه مثقفه واعيه ليش هذا الاهمال من جانبكم بحق حسين كم مرة دزيت على والدة وعلى حضرتج
حسناء.. حقك استاذ بس اني ضروفي تختلف .اني منفصله عن ابو .. وهما برعايته وماعندي علم بس اخته اول مابلغتني تركت اشغالي وجيت
المدير ...اعتذر مجنت اعرف انتي منفصله
حسين وضعه متردي تقريبا بنصف المواد راسب .وعنيد
حسناء ..بجيت متحملت من كال راسب
المدير .. اي ليش تبجين اني دزيت عليكم تتلاحكو بعد عندة مجال .
حسناء دخيلك استاذ بس لايرسب .
المدير ..الي بيدي اسوي واساعدج بس هو هم يشد حيله .. وراح اعيدله كل الامتحانات واخلي اللساتذة تنتبهله بلشرح ويفهمو بعد بس هاي الدموع متنزل
حسناء .. شكرا استاذ واني هم راح احجي زيا .وعلطول اجي اشوف مستوا .
المدير ..والله ياريت هم تابعين ابنج وهم نكسب شوفتج .
حسناء ..اشكرك استاذ اترخص ..
طلعت .دك تلفوني ..ابو .
حسناء...نعم استاذ
ابو ..هلا حسناء ..شلونج ..وين انتي .
حسناء .. استاذ يم مدرسه ابني ..ب؟
ابو ... زين .قريب عليج اني انتظريني يم .المدرسه
حسناء ..تمام .
شويه طبكت سيارة .وصعدت ويا
ابو ..اي شلونج حسناء
حسناء ...بخير الله يحفظك
ابو.. شوفي حسناء ..اجيبها الج من الاخير ..حلال محمد حلال الى يوم الدين .وحرام محمد حرام الى يوم الدين
حسناء مفهمت شنو .يعني
ابو... يعني شغلتج متخلص هيج
حسناء .. يا ابو ..ماتخلص الى بفلوس
ابو ..😂 لا بغير شي ..نزوج متعه
حسناء ..ها .. بس اني شيوعيه .. ماامن بحلا ل محمد .وانعل ابوكم لاابو راتبكم الي دوسون بي على اعراض المكسورات وتستغلون ضعفهن .
ابو ... فكري ماكو وحدة قبلج كالت لا انتي اول وحدة
حسناء..لعد كم ركبه ارمله ومطلقه كاسر الله ينتقم منكم .
نزلت وركعت الباب ورحت للدائرة كلت اذا .. حجت هاي الموظفه الى اموتها .
دخلت ..وكبل عليها ونفس الكلام ..واني هنا متحملت . كتلها مو كافي صار سنه اراجع ..روحي لفلان وتعالي لعلان .وتفرون بينا ومخلينه لكمه لهذا وذاك .
الموظفه لاتصيحين .
حسناء ..اصيح واعلي صوتي واشوف اكو جبير هنا لولا .
شويه واجه المدير .شكوو ليش الصياح
الموظفه استاذ معاملاتها مكامله .اكلها تهجمت عليه
حسناء ..كذابه .صار سنه اراجع وكل يوم تكلي بس هذا التوقيع اوقع تكلي بعد ممنطينا من جيوبكم احنا لوما محتاجين .من نتوسل بيكم ومخلينه لكمه بيد هذا وذاك يتلاعبون باعراضنه ..وكله لعبه بينكم .المدير .اشش وين اوراقج ..جيبيهم ..يتبع ..شتتوقعون .. شراح يصير
أنت تقرأ
ثمن طيبتي
ChickLitقصه منقوله للكاتبه غدير وسام سلسله حكايا وقصص قصيره، معاناه امراه عراقيه الحكايه الاولى ثمن طيبتي قصص.عن نساء عراقيات. ، والتطرق عن كل تفاصيل حياتهم ومعاناتهم والظلم الذي يتعرضن له
