#ثمن_طيبتي#
البارت السابع .
غدير وسام
حسناء .خليتونا لكمه لهذا وذاك يبيعون ويشترون باعراضنا
المدير جيبي وينها معاملتج
نطيته ..وقع كلها وقعي وانطيها الها بس سنه يله امشيلج راتب عقاب الج على هذا الصوت
حسناء ..سنه سنه بس خلصوني هي شعره من جلد خنزير .
اخذتها وطلعت فايرة رحت للبيت ونفس للضيم ..كتلني البرد .والقهر .حبست نفسي بلغرفه كمت اخاف من اخواني من ينطوني شهريتي اخاف يكلي ازوجج متعه ..تحفظت بتصرفاتي ويا الكل ..اتصل المحامي ..المحاكمه باجر ..طلعت .ونفس الاجرائات وتاجيل واني ادفع وبعدني محلك سر رحت لشغلي بلشركه .ماطلع من الغرفه واخاف من الكل .. بيوم جانت عندي محاكمه ولازم مااداوم .رجت للحجي
حسناء ..حجي من رخصتك باجر مااكدر اجي
الحجي ..ليش بابا اكو شي مريضه
حسناء ..لا ضرف خاص .
الحجي ..احجيلي اني مثل ابوج احسج مهمومه
حسناء ...اي بدت رحمة الله .هي تبدي بابا وعمو وبعدين تجي وراها الطلبات
لا ماكو شي
الحجي ..كعدي بنتي احجي يجوز اكدر اساعدج
حسناء ...جان بصوته حنيه خلتني احس بامان وماعرف شلون حجيتله كلشي
الحجي ..الله يساعدج بابا لو جبل جان نهار بس انتي قويه .
اني اساعدج. ان شاء الله بلي اكدر عليه اذا بلفلوس او مساعده معنويه
حسناء الله يخليك حجي ويطول عمرك ..طلع فلوس ضبه ونطاني وكام كل مايعرف باولادي يجون ياخذني بلسيارة .يتسوكلي ويشتري ملابس لبناتي ولحسوني وينطيني مصرف ويكول طلعي من وكت .شبعي منهم .بهاي الفترة اياد خطب ٣ مرات وفسخ .. اتصل بيه بيوم .
اياد ..اريد ارجعج حسناء
حسناء .. ليش شسوي بيه اني مااشرفك ومانفع اربي بناتك هذا مو كلامك
اياد .. غلطج جان جبير . وماتحملت .
حسناء ..وهسا شنغير .
اياد ..متغير شي بس اني ماتقبل غيرج مرا.ماكو بنظافتج ولاحنيتج
حسناء ..روح اياد ..الرجال الي باعني بامس الحاجه اله ماريدة سديته منه ..المحامي اتصل علمود الجلسه رحت شفت الحيايه🐍اثنينهم الله لايوفقجن .. شفت ابو عزيز وياها ..فهمت اني جنت ضحيه شبكه ..وكل الي جان يصير بتدبير بينهم ..دخلنا القاضي خلاني احلف و سئلني .ناطيتها . فلوس ..
حسناء حلفت..نعم .وصلتها تقريبا كل المبلغ وهاي ثاني مرة ادفع وتنكر
القاضي عندج شهود .اثبات .
المحامي ..نعم استاذا ..هذا وصل موقع من الطرفين بلاستلام بحضور زوج المدعى عليها وزوج اخت المدعيه .
القاضي ..اخذه .. شاف المبلغ .وقارن .طلب منها تحجي كالت اني ماعدي محامي واجل المحاكمه .
طلعنا برة اجت هاجمه علينا انته تضحك عليه مو اتفقنا متضهر الوصل
اني ختلت ورا خفت تبسطني
المحامي ..حلال حرام ..مو هاي مامنتني .روحي منا يله
حسناء ...شنو القضيه استاذ
المحامي ...اجتني كالت شتريد حاضرة نسوان فلوس ..اي شي .طبعا هذا اسلوبها ويا القبلي وجابتهم للطريق بس اني طمنتها ..وكتلها صار بس وداعتج الى اخلصج منهم
حسناء ...هيج واخلص الله يخلصك من نار جهنم
المحامي .. يله عيني الجبانه امشي اوصلج .. وصلني ..للبيت . استمريت بلشغل والحجي ممقصر ويايه ساعدني هوايه .
اخر محاكمه .قبل لااروح توجهت ااامير المؤمنين ..توضيت وصليت الفجر .وبحيت ..حسناء ..يااعلي ..هذا حدي بعد ماعندي قدرة احارب ..الكل ضدي لااهل ولاازوج والكل يريد ينهش لحمي . وبعد مااكدر احارب طلعت ..ورحت للمحكمه. القاضي .. حكم لصالحي .. وانتهت اصعب مرحله بحياتي ..خلصت من جثوم ..جثم على صدري ٥ سنوات .. ذنب ارتكبته وماارتكبته ..كل ذنبي ..ردت اساعد بشر ..بس اكتشفت محد يساعد احد دون مقابل .ولااجر .. رجعت فرحانه بشرت بناتي واخواتي ..جنت طايرة مدرسه ابني . بديت اراجعها ومرات اكعد ادرس حسوني بلادارة .يم المدير انسان محترم بس جانت عيونه تعبر عن اعجابه بجرئه .وطلب نزوج زواج حقيقي على زوجته خفت ارفض لايرسب ابني بديت اتبع اسلوب التخدير افكر واهلي ميقبلون ساعد ابني ونجحه بمواد وساعده بغيرها زينب من الاوائل كملت سادس .كاعده العصر اتصل اياد
شلونج ..حسناء (غدير وسام)
حسناء بخير .
اياد ... مفكرتي بلرجعه اليه .
حسناء ..شتريد اياد كتلك رجعه الك مارجع ..
اياد ...سمعتو بابا .بأذانكم امكم متريد ترجع مو مني الصوج
اجتي زينب تبجي ليش ماما اني تعبت ومحد حاس بيه
حسين زعل مني .ومريم تبجي ..حاولت اوضحلهم مفهموني
اختي فيحاء ارجعيله الي تعرفي احسن
حسناء .شلون ..ارجع والي صار
فيحاء ..ارجعي بشروط .بناتج وابنج محتاجيج لوعاجبتج غرفتج .. هاي وعيشة ابوج وذلته
حسناء ...افكر ..
رحت ..كلت للحجي .
الحجي ..ارجعي لاولادج بنتي بس حفظي حقج
حسناء .ان شاء الله
اتصل اياد يريد جواب
حسناء ارجع بشروط
اياد ..كولي
حسناء ..اولا بيت وحدي ..وثانيا ..اهلك مااشوفهم ولايشوفوني . اياد .صار بعد
حسناء.. رجعتي الك .. مجرد ام راجعه لااطفالها ماكو بيني وبينك اي علاقه . وابقى بشغلي ..ماابطل .
اياد ...موافق .. بعد عندج شي ..
حسناء البيت باسم اولادي
اياد ..ليش ما اجي باجر ونتفق على الرجعه ونعقد
أنت تقرأ
ثمن طيبتي
ChickLitقصه منقوله للكاتبه غدير وسام سلسله حكايا وقصص قصيره، معاناه امراه عراقيه الحكايه الاولى ثمن طيبتي قصص.عن نساء عراقيات. ، والتطرق عن كل تفاصيل حياتهم ومعاناتهم والظلم الذي يتعرضن له
