آتُخٌيـﮯلَگ وُيـﮯتُوُردُ آلَبّآلَ

الجزء الاول

سميره: انتي يعانو ليكي شنو يا سمينه يا ما بتشبهي البنات  في واحد عاقل  يعاين ليكي 😏
و كان ل الون كلنا بيض يختي 😏
توته: عبق يلا ما تشتغلي بيها البت دي
ريناد: عبق علاج الجاهل التجاهل
انا:  ( طبعا خلاص فاض بي )  تعالي هنا يا دي 👏
نحن نححححححححمد الله يختي الغدا ضان والتحليه برتكان العشا حمام والتحليه شمام 👏
ومليانييييين يا انتي ' لا كوع يقد الوساده 👋لا ساق يضبح الجداده 👏 يا الاضنينا هبابه والفلجه بوابه 👏 يا الجبهه سبوره والنخره ماسوره 👏 ياليدينا مساويك وكرعينا مفاريك 👏
تقولي لي انا سمينه 😰 صحي الكديس لمن ما يلقا اللبن بقول عفن 👏و الما بتلحقو جدعو
السمن دا الناس بفتشو ليه بالقروش يا انتي امشي القي نظره علي روحك في اي قزاز عربيه حايمه كان ما عندكم مرايات 😏و لمن تفسخي تاني ما تنسي اضنينك عشان ما تبقي زي حلة البرستو 😏
مشيت خليتهم واقفين خشمم دا ملح ملح 😏 عشان تاني تتلائم الكلبه .والاهبل المعاها دا ما كان يفتح خشمو عشان اديهو حقو هو كمان
توته قال لي وب علي يا عبق عاد صدمتيني والله ما عرفتك عديل 😨
ريناد قالت لي  لا تعليق 😵
قلت ليهم  انا ذاتي ما اتعرفت علي نفسي وربي  😹💔
ريناد قالت لي طلعتي عندك مواهب مدفونه يا بت انتي والله دافنه روحك بالحيا ساي 🙊
قلت ليها لقيتيني كيف بلاي
قالت لي حلفتك تسجلي لي الردحي دا عشان احفظو 😹 قلت ليها غالي والطلب رخيص 😹
لكن والله اتصدمت فيها ما كنت قايلاها كده السماها سميره العويره ما كضب 😹 ما غايظني الا ذوقوالمعفن 😂
انا يقارني مع دي ؟ 😨
ما قلنا الشكل دي خلقه ربنا 😶
لكين ما شايف عمايلا وكلاما دا
لا وكمان تهزئني وهو واقف وما يفتح خشمو ما بعمل حساب للعشره بغض النظر عن اي حاجه تانيه
توته قالت لي يا عبق انتي ما شايفاها كانت بتتلكم مع امو كيف وهو ما قدر يرد عليها اليوم داك كنتي مستنيه منو شنو
قالت ليها سبحان الله يا توته كنت قايله نفسي حا اتاثر بالحصل دا لكن والله حاسه نفسي عاديه جدا وكانو ما حصل حاجه بالعكس حاسه نفسي يا دابو اتفشيت  💔
قلت ليها تخيلي قالت لي هو قال ليها عبق جاريه وراي وانا ما عندي ليها حاجه وقالت لي هو بحبني وانا بحبو عشان كده ابعدي من طريقنا 😰
ريناد قالت لي خلاص اكسري حنكا وشوفي قرايتك يا بت تالته دي ما هينه  قلت ليها ايوا والله صدقتي
قلت ل توته تعالي ادخلي ونسي معانا شويه الليله براي منفسنه
قالت لي ماشه اطبز في التلفون شويه من الصباح ما شلتو جيتك من المدرسه بيجاي طوالي عشان ما اتكلم معاهو ياخ مشتاقه ليه والله 😿 😳
قلت ليها يا بت قلت ليكي اتقلي عليه شويه عشان يحس بغيابك ويشتاق ليكي خليكي مفتحه ياخ نحن نعلمك ولا نربي عيالنا 😹 قال لي والله عامله تقيله زي ما قلتي
قالت لي والله يا عبق اخوكي دا والله خلاااااص حا يجيب لي الهارت 😿
قلت ليها يا بتي ياخ والله هو بيحبك بس مغرور حبتين وما بعترف بسهوله ياخ اطمني وختي في بطنك بطيخه صيفي مادام انتي معاي اصلا ما حا تخسري😹
ريناد قالت ليها والله البت دي بتخليه يعرس فيكي 😹
قلت ليها يعرس فيها شنو خليه يعرسا هي  بالاول 😹
توته قالت لي قالو البيباري الجداد بيمشي الكوشه 😏
قلت ليها ريتال 😒
قال لي اها قلت ليها اقطعي وشك قال لي ياخ بهظر 😅
قلت ليها برضو اقطعي وشك 😒
قالت لي خلاص ما تزعلي ياخ معقوله بس وحضنتني 😹
قلت في غلبي البت دي مسكينه والله 😹
قلت ليها توته يلا سلام ماشه اخت العشا للشفع ديل قبل ما ينومو
قالت لي انا ذاتي جعانه 😳
قلت ليها خلاص تعالي اتعشي معانا طوالي جات 😹
.
.
يلا ما عرفتكم ب نفسي
احم احم 😳 طبعا انتبهتو انو اسمي عبق بس الاسم كامل عبق الجنان ( طبعا ما بحب الاسماء المركبه 😒) لكن معنى الاسم حلو يعني 😄 عمري 16
سنه في تالته ممتحنه شهاده السنه دي ( بس اليشوفني يقول عمري 20😹😹 بتفهمو ل قدام ) الامتحان باقي ليه شهر وانا ما قادره اركز ولا قادره اقرا اي حاجه 😿 الحاجات الحصلت لي في الفتره الفاتت دي ما هينه😿 لكين دا مستقبلي ولازم اركز فيه عشان نفسي ما عشان ذول تاني
يلا نواصل
كنت ظابطه المنبه الساعه 3 صباحا عشان اقوم اقرا 😳( نظام البت جاده وكده )😹💔
قمت اتسوكت غسلت وشي قعدت في المكتبه حقتي وفرشت الكتب قدامي وما عارفه ابدا من وين 😿 راسي ضارب  فتحت التلفون لقيتو داخل كالعاده   قلت ليه صباحك ثكر قال لي  صباحك عثل 😹 مع انو انا لسه ما اصبحت بالنسبه لي وراجع انوم تاني قلت ليه النايم ليها شنو النوم دا كان بنفع كان نفع الكلب 😏 قال لي بتقارنيني بالكلب 😱😰 قعدت اضحك قال لي ما هو انا لمن اصحا من النوم برجع انوم تاني عشان ارتاح شويه من النوم الكنت نايمو 😹 😳 قلت ليه عالم كسلانه.😏 قال لي ما تغيري الموضوع متاخره 5 دقايق
قلت ليه مسافه اشطف واصحصح 😳😹 وبعدين اموت واعرف البيشربك سماعتي ويسرحني تسريحة بوب مارلي بالليل منو 😪
قال لي الشعر القرقد بالدهان ما بيرقد 😹💔
قلت ليه قرقد شعر كديستكم 😒
والغريبه بحلم احلام بدون بدايه يعني فجاءه بلقا روحي جاريه وفي 10 نفر جارين وراي 😹😹 طيب يقيفو يفهموني القصه شنو يمكن تتحل بالتفاهم 🙍
قعد يضحك قال لي تكون ما بتصلي العشا بس
قلت ليه بصليه والله 😹
قال لي قلت البت دي راحت عليها نومه 😹 قلت ليه عشان تعمل لي محاضره الصباح ؟ لالا ما بديك فرصه زي دي قال لي يلا قولي بسم الله وصلي ركعتين واقري بتركيز ماشي ؟
قلت ليه احمد قال لي عيونو وشنبو 😹
قلت ليه عارف طريقه للانتحار تكون حلال انا خلاص يئست 🔫😿💔 قال لي اممممممم قايتو الا تشنقي نفسك ب سبحة 😹
قلت ليه شوف الحاقد دا بالله بدل تقول لي وحدي الله وارجعي عن قرارك دا 😒
قال لي انا اصلي ما بوقف في طريقك وبقيف معاك في اي قرار تاخديه 😹💔
قلت ليه تف بس 😒 المهم يعني هسي انت ماشي تنوم وتخليني مساهره💙🔫😿 ؟ ضميرك يسمح ليك ؟ 😿😳 قال لي ما تكتلي لي عويناتك ديل ضميري يسمح لي ونص انا زمن ساهرت ما شويه وبعدين عندي شغل الصباح 😏 قلت ليه وانا عندي مدرسه 😒 يعني الحال من بعضو 🔫 😒 قال لي الفرق انو انتي الممتحنه ما انا فشنو استكيني 😹 اصلا كتر خيري القعد اصحا مخصوص ذي الساعه دي عشان اتقلك وما تملي واتاكد انك قمتي 😂
قلت ليه قلت كده
قال لي ااااي 😹
قلت ليه اقول ليك شي قال لي قولي قلت ليه انا سفهتك خلاص 😒 وطلعت خليتو وقفلت البيانات
قلت في قلبي ما عارفه لو ما كان في حياتي كنت عملت شنو بالجد الحمد لله
واصلت قرايه لمن الساعه 5 ابوي جا داخل قال لي صاحيه قلت لي ايوا يا ابوي
قال لي الله يوفقك يا بتي 💜
قلت ليه ويخليك لي يا ابوي
قال لي اها اتوقعك تجيبي كم وتسعين كده ؟ 😹
قمت وقفت علي حيلي شلت المقلمه وقعد اغني ليه
خااااااايف اوعدك موفيش 💃 اقلك في تلاقي مفيش 💃
قعد يضحك قال لي والله ب هبالتك دي ما اظن
يلا قومي صلي وصحي اخوانك مسافه اعمل ليكم الشاي والسندوتشات
قلت ليه خليهم انا بعملم قال لي انتي عارفه عندي مزاج في الحاجات دي قلت ليه سمح😹  مشيت صليت وصحيت الجماعه الطيبين ( طبعا كل واحد زي الميت الا اخمو خم 😪 الساعه 6 فتحت التلفون لقيتو داخل قال لي علي الموعد مظبوط 👌😂
قلت ليه دا كلامك
قال لي اها قريتي تمام
قلت ليه تمام التمام 😁 يلا لمن العصر عشان ماشه اجهز نفسي عشان المدرسه قال لي وانا كمان ماشي الشغل قلت ليه يا حظك لا قرايه لا وجع فشفاش 😪 قال لي يا بت هو انا ولدوني كبير؟؟!  😹 ما مريت بنفس الانتي ماره بيه هسي دا قلت ليه حتى ولو انا بتكلم عن الحاضر 😒
قال لي حاقده خلاص😹
قلت ليه بطل نقه يلا حا اتاخر 🙋💚 سلام قال لي خلي بالك نفسك لمن نتلاقي بعدين قلت ليه وانت كمان يلا جاااو ✋😹 وطلعت
مشيت المدرسه وجيت زي الساعه 3 ونص كده  لقيت اخواني جو  دخلت استحميت وكاني في ملاح من امبارح في التلاجه عملت معاهو رز  وحمرت بطاطس مشيت كتبت الهوم ويرك حق الرياضيات وابوي كمان بعد نص ساعه جا اتغدينا ابوي عندو نومه بعد الغدا لانو بعد المغرب بيرجع تاني الشغل اخواني اي واحد طلع كراسو يكتب واجبو ومهند مشا رقد مع ابوي جوا وانا مشيت ناديت خالتو نعمه بالشباك سلمت عليها طبعا دايره لي حجه عشان اشوفو 😻 ( عارفه نفسي هبله وما تبت من قصه امبارح )
بعدين ريتال جاتنا تتلفت قلتا ليها نايم جوا يختي ادخلي ساي 😹 وقعدنا نتونس والشفع طلعو الشارع يلعبو
قلت ل ريتال اها الجديد شنو
ريناد قالت ليها اها نصائح الاخت ماشه معاكي كيف
توته قالت لينا مش قلت ليكم الا انا اسال منو هو ما بيسال مني 😳
قلنا ليها بخشم واحد اااي
قال لينا امبارح رسل لي ازيك 😳
ريناد قالت ليها ما تقولي لي سفهتيهو 😂
انا قلت ليها اها وعملتي شنو
توته قال لي قلت ليه وانا كمان بحبك 😿
قلت ليها شنو 😱
قال لي ومسحتها قبل يقراها وكتبت تمام 😿
طبعا انا وريناد متنا من الضحك قلت ليها ما جاده وربي 😹 يلا اتونسنا شويه كدا ومهند جا مارق يعاين بطرف عينه جا سلم ومرق وتوته دي سنونا انبكشن برا شلوفتا وتاني البدخلن شنو 😹
طول القعده البت تشيل وتتكشم
ريناد قال ليها شافني شفتي عاين لي 👏💃
انا قلت ليها لما شفتو حمر لي 👏💃
توته قالت ليهنا اها اقلبوها حفله يا سجم 😳
قلت ليها والله انتي يا توته مجنترره 😹😹
المهم اخدت ونستا ومشت
بالليل ونحن بنتعشا فاتحين التلفزيون بنحضر في فيلم المهم من ضمن الحاجات الفلم فيه شفع امهم بتحكي ليهم كل يوم قصه لمن ينومو مؤيد ورنا طبعا اتكيفو قالو لي عبق بعدين احكي لينا حكايه لمن ننوم 
قلت ليهم ديل كفار ساي ما تشتغلو بيهم وابوي قعد يضحك قالو لي ياخ عليك الله وقعدو يحتسو فيني
قلت ليه سمح 😹
ساعه خلاص رقدنا قايلاهم نسو عملت رايحه مؤيد نطا قال لي يلا القصه
قلت اخرف ليهم اي شي اتخارج منهم
قلت ليهم كان يا مكان
مؤيد قال لي ياتو مكان
حمرت ليه قلت ليهم في بيت صغير في الغابه
رنا نطت قالت لي بيت ناس منو
قلت ليها بيت امو وابو
مؤيد قال لي ما عندهم اولاد
قلت ليه لا 😒
رنا قال لي لشنو
قلت ليهم اسمعو وانتو ساكتين
قالو لي ثمح 👼
قلت ليهم في يوم من الايام
الاتنين بخشم واحد قالو لي ياتو يوم
اديت اي واحد كف في جلحتو ومشيت رقدت
ديل شنو الشفع ملاح الويكه ديل 😒
عارفاكم ما ناشقين حاجه لمن هسي بس بتفهمو ل قدام ✋
...نرجع بالذكريات شويه 😹
لمن ولدوني 😚😚 هوي هوي ما ترجعو قدر دا امشو قدام شويه😹
خلوكم متذكرين الجزو الفات دا لانو حا نرجع ليه بعد نجي من الذكريات 😹 يلا ارحكم 🏃👉🌚