آتُخٌيـﮯلَگ وُيـﮯتُوُردُ آلَبّآلَ

الجزء السادس

يلا يا توتتي اول حاجه نعملا حا ندخلك في قروبنا حق العائله 😳  لازم نخليه يعرف رقمك وانتي تعرفي رقمو 😶خير البر عاجله😂 يلا هسي بدخلك طلعت تلفوني ودخلتها القروب وكتبت نورتي قروبك ومطرحك ريتال 💃 والناس بقو يرحبو بيها ومن ضمنهم مهند
ريتال قعد تقول لينا وااااااي يا قلبي قال لي نورتي احيييي انا  😿💜 قلت ليها ابردي يا بت 😹 اخدنا ونستنا توتا قالت لينا يلا انا بعد دا ماشه قلت ليها طيب والموضوع دا خليه علي ✋🙍 ريناد قال ليها والله البت دي بتضيعك 😹 قلت ليها يا بت احترمي من رأى الشمس قبلك قالت لي اها سكتنا النشوف نهايتك شنو وقامت مرقت
يلا  بالليل قاعده بتونس مع احمد كدا لقيت ايمن مرسل لي في الواتس ني هاو مشيت قلت ليه ني هاو دي هناك في بلدكم لكين هنا تقول سلام عليكم 😝 قال لي سلام اها ما تزعلي قلت ليه عليكم السلام قال لي المصحيكي لحدي هسي شنو قلت ليه ولا شي بطبز في التلفون قال لي اها قلتي لي شنو قلت ليه في شنو قال لي اشتقت ليكي 😍 قلت ليه اشتقت لي ؟ 😨 قال لي اااااي  قلت ليه قدر شنو😹😳 قال لي شدييييد 😉😁 قلت ليه دقيقه بس امشي اقيف في الركن اخجل 😳😝 قال لي طيب دقيقه انا اجي اقيف في الركن اخجل معاكي 😹 طبعا دا كلو بجي ارد ل احمد كلمه وبرد ل ايمن  المهم اتونسنا شويه كده قلت لي ايمن اها جو السودان معاك كيف والحله لقيتا كيف قال لي والله زي ما خليتو والحله كمان زي ما هي وناسا ياهم😶 صصحي ما قلت ليك قبيل وانا قاعد في الشارع لاقتني بت ضعيفه كده بيضا قالت اسمها سميره جات سلمت علي وعرفتني بنفسها ومعطتني ليك معطه قريب الساعه وهي واقفه تتكلم معاي 😅 قلت  في نفسي سبحان اللهرسميره بقت بيضا 😹💔 قلت ليه اي ولسه ما شفت حاجه
مشيت هناك لقيت احمد قال لي مالك بتتاخري في الرد نعستي ولا شنو لو نعستي قولي ما تخليني اقعد احرسك وتشريني زي يوم داك قلت ليه لالا بتكلم مع ايمن في الواتس ( طبعا ما اتعودت ادس منو حاجه وقلتها عفويا  😿) قال لي ولقا رقمك وين ايمن😒 قلت ليه هو براهو شالو قال😳 لي كيف يعني يشيلو براهو 😒قلت ليهو والله العظيم براهو شالت التلفون ومسكل في رقمو قال لي عشان تعرفي الرقم 😭 قال لي لو ما اديتيه فرصه ما كان عمل كده بس علي العموم تمام  اعملي الحاجه التريحك وانتي حره و يلا انا ماشي انوم عشان الشغل قلت ليه من متين يا زول قال لي يلا سلام وطلع 😶 طبعا استغربت واتوترت اول مره يطلع كده فجاءه وحتى ما قال لي تصبحي علي خير ( يعني باختصار قفل الرساله في وشي 😱) 😭 طبعا مزاجي اتعكر وقلبي بقا يوجعني بالجد والله اتاثرت ب حركتو دي مع انها حركه عاديه وممكن اقبلا من اي ذول بس هو لا 😭😭😭
المهم رجعت ل ايمن قلت ليه يلا تصبح علي خير نعست قال لي بدري ياخ لسه ما شبعنا منك قلت ليه بكره مدرسه قال لي طيب يلا باي وطلعت
صحيت الصباح قبل امشي المدرسه لقيتو ما داخل قلت ليه صباح الخير ومرقت مشيت اتسوكت وصليت وشربت الشاي كان الوقت بدري قعد مع امي شويه كده وقمت اتجهزت للمدرسه
طلعت لقيت ايمن واقف برا برضو سلم علي قلت ليهو انت البصحيك بدري شنو كده يا ولد والله انا لو محلك كان نمت نومه  😽 قال لي بصحا عشان اشوفك 😻 قلت ليه ما جادي طبعا 😹 قال لي جادي والله انا سكتت😳 😵 قال لي عبق قلت ليه اها قال لي عايزك قلت ليه عايزني كيف يعني قال لي عرسيني 😁 قلت ليه يا ود انت جنيت انت قايلنا لسه شفع ولا شنو عيب الكلام دا وبعدين الكلام دا دا ما وقتو ولا محلو قال لي والله يا عبق انا ما نسيتك ولا يوم من يوم سافرتا وما صدقت رجعت ولقيتك وما دار اضيعك من يدي وانا طبعا قلبي دا يضرب وعرقت وما عرفت اقول ليه شنو ( ما بعرف شعوري كان شنو ما بين مبسوطه وخايفه )
قلت ليه علي كلن دا ما وقتو وطوالي الترحيل جا قلت الحمد لله وانقشط جوا
جيت  من المدرسه مشيت  استحميت ولبس قميصي حق الهزاز داك تتزكروه 😹👆 خاشه ومارقه زي ام العروس امي قالت لي مالك يا بت قلت ليها امي انا ختيت تلفوني في الشاحن ومشيت لقيت التلفون نازل والشاحن مافي قالت لي اديتو ل ايمن قال شاحنو ابا يشتغل قلت ليها طيب كان خليتي تلفوني يشحن 😿 قال لي لي هسي الفات شنو وحمرت لي 😒طوالي جريت واطي امي دخلت جوا وانا لسه في وقفتي ديك اسمع ليك زول قال سلام عاينت لقيتو ايمن بالشباك قال لي الشاحن وهو عامل كده 😳 ما عرفت اعمل شنو مشيت شلتو منو ودخلت قلت في قلبي دي المره التالته يمد راسو بالشباك يلقاني بالقميص دا 😳  لفتحت التلفون لقيتو برضو ما داخل وااااااااي لكين يا ربي مالو يا ربي زعل ؟ طيب يزعل ليه يا ربي عشان هو قال داير الرقم وانا قلت ليه لا وهسي اديتو ايمن ؟ ولا انا قلت حاجه زعلتو 😭😭😭 طبعا قلقت شديد
وانا بفكر كده جاني طلب صداقه دار ادوس رفض دست قبول طوالي رسل لي قال لي ممكن نتعرف ؟ قلت ليه اممممم قال لي انا سعيد من المغرب قلت ليه وانا متضايغه من العصر 😒
اظن حظرني  ولغا الصداقه😹
بعد شويه لقيت احمد دخل ورسل لي مسا الخير رديت ليه بسرعه احمااااد وينك الصباح😭😭 قال لي معليش يا عبق لانو امبارح اتكلمن معاكي باسلوب ما حلو وطلعت فجاءه 😖 قلت ليه كده يا احمد تقفل الرساله في وشي 😿 قال لي يا ستي حقك علي وهاك جبت ليك معاي  ارنوب 🐰 وانا بقيت عامله كده 😻 قلت ليه ياخ فقدتك الصباح انت زعلان مني😿 قال لي انسي اي حاجه وزي ما قلت ليك انا مستحيل ازعل منك ولك العتب حتى ترضي قلت ليه ما للدرجه دي 😄 قال لي اها جديدك شنو قلت ليه ابدا والله بس الحصه الاوله كان تسميع والتانيه والتالته دبل كيمياء مع استاذ في كميه من الملل ما طبيعيه والرابعه تصحيح هوم ويرك والخامسه تست والساته تفتيش كراسات والسابعه الكهربا قطعت و جروها لينا لانو الدرس كان طويل قال لي لا حولاااا يعني الليله يومك كان كلو كوارس 😹 قلت ليه ايوا والله ما عارفه كنت قعد اتصبح بوش منو كل يوم والليله عمل فيها تقيل وخرب لي يومي قال لي دا منو الما عندو دم دا 🙊 قلت ليه واحد عوير واهبل بس يومي ما بيكمل بلاه 😏 قال لي وهو زاتو مصدع من الصباح عشان ما اتكلم معاكي قلت ليه انت القال ليك منو قال لي احثاث 😹 قلت ليه يا ود يا حثاث انت 😹
قال لي اها قعد تعملي شنو قلت ليه قعد اسمع غنيه قال لي برضوو قلت ليه ااااي  قال لي ما تكون حقت طيور الجنه حقت اليوم داك قلت ليه عرفت كيف 😨 قال لي يا بت انتي هبله دي تاسع مره اكون بتكلم معاكي وانتي بتسمعي في نفس الغنيه 😹  قلت ليه انا من النوع اللو عجبتو غنيه يقعد يسمع فيها 900 مره لحدي ما المغني ياخد مؤبد في جهنم 😹💔 قال لي كر عليه 😹
المهم قعدنا اتونسنا شويه كده وقلت ليه يلا تصبح علي خير بكره مدرسه دار اقفل البيانات كدا لقيت ايمن مرسل لي قال لي سلامو عليكو قلت في قلبي ما انا من قبيل متنيله قاعده تف بس 😹💦 قلت ليه و عليكو السلام
اتونسا حبه قال لي انتي القميص الابساهو دا اللبس الرسمي حق البيت ولا ما عندك غيرو 😹💔💔💔 قلت ليه عندي غيرو والله بس انت توقيتك غلط يا حيوان وبعدين مالو القميص زيييي العجب والجو سخن مالي ومال التجبص والتزبط 😹 قال لي احلا حاجه التزبط والتجبص دا 😉  وبعدين اي حاجه فيكي حلوه خصوصا انو  يدينو قصيره 😉 قلت ليه كيف يعني قال لي ولا حاجه اها قلتي لي الجديد شنو 😅قلت ليه مافي جديد والله مع المدرسه بس قال لي اها موضوع الصباح دا رايك فيه شنو قلت ليه ايمن انا ما دار اتكلم في الموضوع دا ياخ قال لي عبق انت ما دار تفهميني ليه قلت ليكي عايزك انا 😿 قلت ليه يلا يلا تصبح علي خير الوقت راح ابوي لو جا لقاني صاحيه بضبحني وقفلت
( يا ربي هو عايزني بالجد ولا بيستهبل ولا يضيع وقت ولا الفهم شنو 😪 ما عارفه حاسه ب احساس غريب تجاهو )
نمت وانا بفكر فيه 😪
صحيت الصباح مشيت المدرسه جيت لقيت ليك امي مافي وريناد مطيره عيونه وقاعده في البيت قلت ليها مالك متنحه وامي وين قالت لي امي تعبت شويه ابوي وداها الدكتور وخالتو نعمه معاهم  قلبي اتقبض قمت جري مشيت شلت التلفون ضربت في رقم ابوي رد علي قلت ليه ابوي امي مالا قال لي كويسه خلاص هندا راجعين علي البيت قلت ليه طيب اديني ليها قال لي اها امسكي قلت ليها امي مالك سلامتك قالت لي لالا خير الحمد لله قلت ليها الدكتور قال ليكي شنو قالت لي لمن اجي البيت بقول ليكي وقفت منها
وانا مقلقه طبعا قلت يا ربي امي دي مالا اصلا ما بتحب مشي الدكاتره ده الا كان تعبانه شديد ومخي دا بقا يودي ويجيب يا ربي الحصل عليها شنو
وانا طبعا لسه بهدوم المدرسه سمعت صوت الباب فتحت لقيتو ايمن قال لي سلامتا امك اها جو ولا لسه قلت ليه الله يسلمك لسه ما جو  والله قال لي خلاص لمن يجو ناديني قلت ليه كويس ومشا مشيت غيرت هدومي ولسه مقلقه
وقاعده علي اعصابي ومستنياهم متين يجو
بعد شويه سمعت صوت عربيه ابوي قمت جري مشيت فتحت الباب ابوي جا داخل وشو متغير وامي جايه وباين عليها التعب وخالتو نعمه ساندها انا مشيت مسكتها قلت ليها امي مالك سلامتك قالت لي كويسه يا ريم مافي شي قلت ليها طيب الدكتور قال ليكي شنو