آتُخٌيـﮯلَگ وُيـﮯتُوُردُ آلَبّآلَ

الجرء الثاني

زمان لمن دخلوني الروضه عندنا ولد جيرانا اسمو ايمن
كان شين شنه شناتو تقطع الخميره من العجين 😹 الشعر مزعمط والحال بالبلا ( اللهم لا شماته😽 )وانا يا حليلي كنت بخاف منو ✋😹 خوف جد عديل كده والله 😖 كان في تالته اساس 😹 امو كانت صحبة امي اسمها نعمه  وكانو جيرانا بالحيطه
المهم يلا الروضه  الدخلوني فيها كان قريبه من البيت طبعا دي نصيحه خالتو نعمه لامي قالت ليه دخليها في القريبه دي توفرو حق الترحيل وبتك تكون تحت عينك 😒  وايمن يوديها معاعهو وهو ماشي المدرسه 😈 ( ليه كدا يا خالتو نعمه 😿👊)
يلا اول يوم في الروضه الصباح لبسوني هدوم الروضه وسرحوني قمبورتين ( القمبورتين فيني بتطلع ثمحه والله 😶)  انا كنت حلبيه ووشي مدور وشعري طويل وناعم كنت حلاتي يعني 😝💔 المهم شلت فطوري ومشيت شحدت ابوي قروش اداني جنيه ختيتو جوا الكيس مع العيشه ( طفوله معاقه😹) دخلتهم جوا الشنطه ( فرحانه طبعا باللبس الجديد)
يلا خالتو نعمه نادت امي بالشباك قالت ليها اها ريم جاهزه عشان ايمن طالع يسوقا معاه😀
امي قالت ليها  لا خليها انا بدويها الليله لمن تتعود ( انا طبعا ما عارفه السجم دا حا يوديني بعد كدا 😒) المهم امي لفحت توبا ومرقنا وصلنا الروضه قعدوني في كرسيني وامي وصت الاستاذه ( ماما اميره ) وقبلت كده دار تمشي 🙊 فندرب نطيت ليك من الركسي امي ماثه وين ..ماشه البيت يا بتي بجيكي بعدين ..خلاث بمثي معاكي ونجي بعدين .. لالا انتي خليكي قاعده فالحه بعدين بديكي قروش كان قعدتي( كنت مرتشيه زمان 🙈) .. ماما اميره مسكتني من يدي قال لي اقعدي معاي عشان تلعبي مع الشفع ماما بتقعد تحرسك ( يا غشاشه😒👊) ( طبعا شفت الالعاب عيوني بقت كدا 😻 ومشيت العب )
امي قفلتني ومشت
بعد ما لعبت شويه كده فكرت ل امي لقيتا مافي فكيت ليك الجوعيره 😭
اهي اهي اهي 😿
واااااااااع 😭
😭😭😭😭 اميييييييييي
ماما اميره تحنس فيني ساعه كامله وانا حلفت كان اسكت لمن حسي انقرش😭😑
ماما اميره ساقتني جابتني البيت اصلا هو قطع زلط بس وهي بتعرف ناس امي من زمان
امي فتحت الباب لقتني منكشه ومخاخيتي ماشه وحالتي بالبلا 👃😳
ماما اميره قالت ل امي بتك دي صعبه خلاص  فرجت فيني ناس الشارع بس شويه شويه بتتعود المهم امي دخلتني وقالت لي اصبري الليله عن ابوكي وانا بقيت عامله كده 😳
استحميت غيرت وقلت ل امي ماشه عن خالتو نعمه (..يلا نحن بيتنا ناصيه وبعدين ناس خالتو نعمه وبعدين ناس حبوبتي ام امي في صف واحد ملصقات في بعض بينا وبين ناس خالتو نعمه في شباك وبين ناس خالتو نعمه وحبوبه شباك ..) قالت لي امشي ياها فلاحتك 😳
ختيت البنبر وخشيت بالشباك يلا ناس خالتو نعمه قاسمين بيتهم نص لانها اصلا براها بس هي وولدا  فارشين نص والنص التاني زراعين فيه ومربين جداد وبط وارانب وكده ( يلا انا كنت بمشي ليها عشان ديل 😹✋)  طبعا بمشي اخد قعدتي قبل ايمن يجي راجع من المدرسه برجع بيتنا( طبعا خالتو نعمه ناقشه اني بخاف من ولدا ) ..مشيت طوالي الحوش التاني ولا سلمت لخالتو نعمه زاتو قاعده كده اجري ورا الارنب دا واقبض الجداده دي خالتو نعمه جات قعد تضحك قالت لي انت تلعبي مع ديل وتخافي من ولدي 😹
( اجي يا بنات امي شن جاب ل جاب يا خالتو صحي القرد في عين امو غزال ) المهم سمعت الباب يخبط عرفتو ايمن جريه وحده نطيت في بيتنا خالتو نعمه قالت محن ومشت فتحت الباب 😹😹
ابوي جا العصر امي شكتني ليه ابوي حنسني وقال لي بكره كان قعدتي بجيب ليكي عروسه كبيره المهم اقتنعت وقلت ليه ثمح يا ابوي 😳
تاني يوم قمت امي لبستني وسرحتني قمبورتيني (بالشرايط طبعا وهاك يالفيونكات 😹) سمعت امي تتكلم بالشباك وقالت لي يلا امرقي مش عرفتي السكه قلت ليها ايي ( عيني علي العروسه طبعا 😍) مرقت القا ليك ايمن خشم الباب طوالي عملت خلف دور وجيت راجعه امي قالت لي بسم الله مالك قلت ليها ما ماثه 😿 ابوي اداني هرشه طلعت وطلع معاي قال لايمن عاينو كويس وانتو بتقطعو الزلط وامسكا من يدها
وااااااي وهو جاي علي بشعرو المزعمط داك ومكرفس وشو زي الجزمه 😈 مسكني من يدي وانا قلبي دا رب رب رب يرزع فيني المهم ساقتني وصلني الروضه وانا جري دخلت ماما اميره قالت غريبه الليه عبق جايه بي كرعيعها بلا جوعير 😹 طبعا الروضه ارحم لي من الرعب الكنت فيه دا 😹المهم شويه شويه اتعودت علي الروضه وايمن كل يوم يوصلني الخوفه راحت وبقيت بمشي بيتهم عادي وهو قاعد ونلعب في الحوش التاني ونجي مطينين خالتو نعمه تشطفني وامشي بيتنا بالشباك 💚😄
عدت الايام ومشيت المدرسه وكلو يوم نمشي سوا ونجي سوا هو اكبر من ب 5 سنه يلا هو كان ممتحت الاساس وانا كنت تالته ولسه بنمشي نلعب في الحوش بهناك يلا كل يوم الصباح لمن يشوفني طالعه من البيت عشان نمشي المدرسه بقموراتي وشرايطي وجزماتي ديك بيكون عامل كده 😻 المهم ما كنت شغاله بيه كتير .. يوم ونحن ماشين المدرسه قال لي يا عبق قلت ليه اها قال لي تعرسيني 😍💚 قلت ليه شنو 😶😳 قال لي كان عرستيني بجيب ليكي دهب كتير وحاجات سمحه 😍💚 قلت ليه تجيب لي بشنو وانت ما عندك قروش قال لي بديكي دهب امي وببيع عجلتي اديكي قروشا ..قعد اضحك وقلت ليه انت شين ما دايره 😹 قمت جاريه وقلت ليه سباق لحوش المدرسه
مرت الايام وايمن كل يوم يقول لي كده ونحن ماشين المدرسه وكل يوم بنقلبا هظار وبنتسابق للمدرسه  😄ايمن امتحن وجاب 197 (ياهو شبهو 😹) هو فاضي من اللعب بالجداد
يلا ايمن عندو عمو شغال في الصين وهو ولد اخوه الوحيد قال يسوقو يقريهو هناك ويشتغل معاها
يلا قام ايمن سافر 😿
وهنا بقيت امشي المدرسه براي 😿 فرق معاي والله ب شعرو المزعمط داك😹
عندي اخوي اسمو مهند اصغر مني  يادابو خش المدرسه وبقينا نمشي سوا
لمن وصلت سنه سابعه بقيت اسمن فجاءه ( هرمونات البلوغ وكدا😳 )
اسمي الرسمي بقا في البيت ( يا بقره ) طبعا دا مهند😾
وااااي طبعا الكلمه دي بتحرقني جوا مصاريني
وصلت تامنه ولسه ماشه اسمن ما عارفه دار اصل وين 😢
يلا كنت شاطره شديد وخوافه خوف الجن يعني انا اليوم كلو ممكن اكون ماسكه الكتاب لانو بكره عندنا تسميع لسوره انا اصلا حافظاها 😯
المهم امتحنت وجبت 275 وابوي جاب لي تلفون هديه وانا كنت مبسوطه شديد😳🙌
مشيت الثانوي وبقيت دبه ( لكين لسه حلاتي😳 )😭 وثقتي في نفسي بقت ضعيفه شديد
يلا ما كنت بلبس حاجات ضيقه بلبس قمصان كبيره وواسعه اقول عشان تغطي ( مع انو كانت بتبيني سمينه اكتر 😹)
المهم لمن وصلت تالته بقينا 6 (ما شاء الله )
صح انا لسه سمينه بس جسمي منسق 😉👌 ( يعني اي سته في حته واي جركانه في مكانه😹 ) بس برضو ما كان عاجبني الحال 😿
مع انو اخواتي ضعاف وامي ما سمينه شديد ما عارفه انا طالعه لمنو 😿
يلا في التلاته سنين الفاتو ديل بقا عندي تلفون 😍
ودي حاجه جديده بالنسبه لي 💚😍
يلا مع اني ما كنت بفرط في قرايتي بس كان وقت فراغي كلو انا وتلفوني في حوش ناس خالتو نعمه 😹
بمشي بهناك بطبظ في التلفون واصور في الجداد 🐔واتصور مع الارانب🐰 (قايتو حاله صعبه )
لحدي في يوم من الايام اكتشفت في برنامج اسمو فيس بوك 😍💚 بقيت مدمنه طول اليوم اتفرج واشارك واعلق طبعا دا في وقت الفراغ لانو زي ما قلت ليكم خوافه انا 😹✋
يلا كنت داخله في قروب كلو سوريين ( بيعجبني كلامهم 😹) جمجره مني ساي قاعده فيه 😹
يلا لقيت ليك واحد عامل لي طلب صداقه من الناس الفي القروب قمت قبلتو قلت النشوف فهمو شنو 😳 علي اساس سوري وكدا 😳 يلا قبلتو وطلعت كنت دار انوم 😁
قفت تلفوني ختيتو في الشاحن بكره الجمعه قاعده من الصباح يمكن الكهربا تقطع ونمت ( دار اامن مستقبلي 😹)
الصباح قمت فتحت عيني شلت التلفون 😚 طبعا ما عندي قضيه مع نضافه وكدي😹
فتحت الفيس القا ليك رسايل من زولي بتاع امبارح دا 😰😰 لا وشنو عامل اسمو الكرار 😖 يكركر راسك يا يمه كرار شنو وانا قايلاك سوري تفف💦💦😒
المهم لقيتو كاتب السلام عليكم وانا شفت كلامك في القروب وعرفتك سودانيه واحابي اتعرف عليكي وكده سفهتو وقفلت التلفون وقلت كرار شنو يا يمه يكروك من عضنينك 😒 تف قمت صليت  لقيت امي في المطبخ تسوي الشاي وخاته حله  فطور الجمعه في النار  وابوي قاعد في المصلايه يقرا قران صبحت عليهم ابوي قالي ما تنسي تكوي لي جلابيتي (ياها شغلتي 😹الوحيده) قلت ليه ثمح يا ابوي
..امشي صحي اخوانك ديل كافيه نوم .. تنقش تنقش مشت محمد مهند هوي قوم منبطح زي دا (البطانيه والمخدمه في الواطه 😹) وهو الكراع دي هناااك واليد دي مدلده خلاص دار يتكفي في الواطه قلت في نفسي استغفر الله بس اديتو خبطه قام زي كانو ما حصل حاجه 😒 مالك يا بقرره 😁 قلت ليه بقره الفي بالك 😒 قال لي انتي في بالي💚😁 (غبي خلاص 😒) المهم قام مشيت صحيت رنا وريناد ( طقم✋😹) ومؤيد ومصعب(ودا مهند كمان طقم 😹✋) انا بس الكلمه الشاذه 🌚
قولو ما شاء الله 😽💚
يلا صحو قعدنا شربنا الشاي بالكيك (ثابت يوم الجمعه 💚😍 واتونسا شويه ) يلا الجمعه ثابت غسيل شعر وحمام يعد الفطور  وكده 😖
مشيت قريت شويه لمن ساعه الفطور جات فطرنا استحميت غسلت شعري شلت تلفوني وقلت لي امي ماشه عن خالتو نعمه قالت لي امشي بتموتي في الفارغه انتي  وانا عامله كده 😳
تنقش تنقش مشيت
طبعا الشباك داك بقا ما بيدخلني 😹 بقيت بنط بالحيطه عديل (كراع في السرير وكراع في الشباك واطلع في الحيطخ واجي ناطه (ررررررب. 😹 امي بهناك تكورك يوم بترمي الحيطه دي انت والله 😿 طبعا الموضوع دا ماكل معاي جمبه 😒😿) طوالي انقشط في الحوش البهناك طبعا خالتو نعمه براها في البيت عشان كدا باخد راحتي 😄
مشيت قعد في الحوش البهناك وفتحت التلفون لقيت برضو كميه من الرسايل من عمنا داك قلت كدي النرد اصلا ما عندي موضوع 😪 المهم رديت ليه وبقينا نتونس ( طلع ظريف والله 💚😹) ساي ظلمتو لكين اتخيلو معاي اسمو الكرار وخاتي صوره بتاعر ضفدع كدا 😒 عليك الله حا يطلع منو شنو دا 😹
يلا طلع محترم شديد ووكلامو راقي كده 😍 قال لي جمعه مباركه قلت ليه عليك وعلي اهلك وعلي كل عيلتك 😙😜 قال لي دي شتيمه ولا دعوه 💔😹 قلت ليه دعوه 😳 قال لي دعوتك عينه والله 😹 قمت قلت لي النبي فيك كان ما غيرت الاسم دا وغيرت صورتك دي تجيب المرض قال لي ابيييييت 😒 وبعدين دا اسم جدي وانا بحبو شديد مالو ما عاجبك !؟ لمن قال جدو طوالي جريت واطي 😹 قلت ليه لالا اهم شي راحتك بث 😹
اتونسنا كتير بعدين قال لي بعد اذنك بمشي عشان اجهز للصلاه 😳 بس قال الصلاه طق اتزكرت جلابيت ابوي😰 راسي دا قال زننننننننن😵 الليله ابوي بيضبحني 💔🙊
جري قمت ولا قلت ليه مع السلامه قفلت التلفون وجيت ناطه رررب مهند مسك في كراع السرير قال هزه ارضيه امي قالت لي اعقلي يا بتي  وانا بقيت واقفه كده 😳
المهة مشيت كويت جلابيه ابوي سريع سريع مهند جا جدع لي جلابيتو (غبي خلاص 😒) كويتا ليه وقمت اتوضيت وقعد اقرا قران شويه لمن قامو الصلاه وصليت تاني رجعت للتفون  عمنا داك جا لقاني فاتحه قال لي مالك قبيل مرقتي فجاءه انا اقول ليكي ماشي وتمشي انتي 😹😹 المهم قلت ليه اتزكرت حاجه وطلعت 😅
يلا عدت الايام وبقينا اكتر من اصحاب 💚😍 ياخ حبيتو عديل 😍 يعني ما الحب الحب داك حق العرس يعني برتاح لمن اتكلم معاه المهم يوم قال لي ما دايره تشوقي الزول البتنضمي معاهو طول اليوم دا 😁 قلت ليه دار اشوفو 😄قام رسل لي صورتو 😍💚 وااااااااي يا قلبي ياخ الود قرض لكين اتكسرت وادشدشت احيييييي يا حظي المعفن هسي الولد الشكولاته دا كان شافني بيتكلم معاي تاني 😿💔 مامشكله اهم شي جمال الروح 👼😹 يلا لمن شافتي طولت ما رديت (طبعا انا متنحه في الصوره واشيل واخت في نفسي 😳)  قال لي اها ما علقتي يعني 😹😹 قلت ليه وحلاتي وحلاتي 😻😻 دا منو العثولي دا ود جيرانك ؟؟ قعد يضحك وكملنا ونسه عادي 😶 سبحان الله كل المده دي وما قال لي عايز اشوفك ولا قال كلمه كده ولا كده زي باقي الاولاد وكل يوم كان بيكبر في نظري اكتر واكتر 💚 كنت بحس تفكيرنا قريب لبعض وكلامو بحسو من قلبو ودايما يوصيني علي نفسي وصلاتي وكده وما بيستحمل ازعل منو ولا دقيقه وبيعتذر حتي لو ما غلطان ( مع انو ما كان بزعلني بس انا براي بستهبل وبكوس المشاكل واقعد ادلع وامد بوزي 😹✋)
يلا بقيت بحبو شديد وبدخل الفيس مخصوص عشانو وهو نفس الشي 😳💜
يلا انا دايما كنت بخت في البروفايل صور بنات محجبات وارانب وحاجات طفوليه كدا وكانت بتعجبو شديد 🌚
كان دايما بيقول لي اول مره القا بت بسيطه وبريئه زيك وكان دايما بشكر فيني وانا اقعد اتكشم واتبسم واتخجل واتعولق ليه وهو بيقول لي دا العاجبني فيكي 😹 كنت بحكي ليه اي شي وهو نفس الشي  😳
كنت بقول ليه كركوري عي حسب خاتي اسمو الكرار نظام دلع يعني 😹😹 مع انو اسمو الحقيقي احمد وهو بيقول لي يا خلفوو وانا كنت بتغاظ ولمن هسي ما عارفه خلفو دي يعني شنو 😹😹 المهم بحبها منو بس ببين ليهو انها ما عاجباني 😀
يلا شنو فتحت الفيس لقيت من رسايل كتيره قلته ليه صباح الخير كان داخل قال لي وين انتي يا خلفو من امبارح ياخ مشتاقين .. قلت ليه بلاكتر والله شنو طول اليوم داخل انت الفيس دا حق ابوك 😶😹 .. قال لي بفتش لي في مزه داير اامن مستقبلي ✋ قلت ليه تامن مستقبلك من الفيس ؟ ما جادي طبعا 😹 قال لي ااي الفيس مالو قلت ليه ياخ ناس الفيس ديل كلهم كذابين تلقا الوحده خاشه ب 10 اسم وكل اسم ب حبيب قال لي ليه كده هسي الفار بدا يلعب في عبي 😒 قلت ليه خلاص اكسر الحنك 😹 قال لي خلا
طص فتشي لي عروسه ب معرفتك  اخوك قرر يستغر قلت ليه بس كده غالي والطلب رخيص 😒 قال لي طيب مالك صريتي وشك قلت ليه براي 😒 قال لي خلاص انجزي لي في موضوع العروسه دا بلاي عارف ذوقك سمح دايره مزه مزه ما زيك 🙊 قلت ليه يعني انا ما مزه 😰😨 قال لي انا شن عرفني 😳
قلت ليه تف بس 😒💦 قال لي ليه كا ما اجيب ليكي سيره المزز بتتنرفزي 😄😏 قلت ليه اناااا ؟؟😨 قال لي اي انتي اصلا عملتيها واضحه 😂 قلت ليه اتنرفز ليه بغير ولا بغير ؟ قال لي هسي انا قلت بتغيري براااكي منفسنه يختي قلت ليه يخلخل ضروسك ويملاها ليك شطه  😒