آتُخٌيـﮯلَگ وُيـﮯتُوُردُ آلَبّآلَ

الجزء الثالث

قلت ليك اقول ليك شي ؟؟ قال لي قولي 😹😹 قلت ليه اقطع علاقتك بي ماشي 😒 قال لي ياخ معقوله دا زعل جد جد دا 😹😹 يا ود يا زعول انت 😹 طبعا انا بالجد بغير لما يجيب لي سيره بنات وكده مع انو عارفه انو بيهظر لانو قبل كده قال لي ما قعد اتكلم مع بت غيرك وهو ما بكذب قلت ليه يا ذول اختاني بس 😒✋ انا ماشه اصلي قال لي وانا ذاتي ماشي الجامع يلا لمن بعدين قلت ليه طيب يلا مع السلامه وطلعت
طبعا انا كنت بدخل كل يوم العصر ومرات بالليل المهم كل يوم كنا بنتكلم
هو كان شغال في شركه مصمم انشاءئي بيصمم خرط مباني وكدا يعني طول اليوم بكون قاعد في الابتوب ومنو بكون فاتح الفيس
يلا قمت صليت ومشيت حوش ناس خالتو نعمه مشيت لقيت الارنوبه ولدت😍 وااااي انبسط لي بسطه 😍 ماشيت اتصور معاهم دخلت جوا القفص امهم جات ناطه فيني وانا من الخلعه التفلون وقع وانا وقعت فوقو اسمع ليك كششششش 😭 😭😭 وااااي يا غلبي قلت انشاء الله الصوت دا يكون من عمودي الفقري قمت لقيت التلفون مدشدش عاد كيف ما يدشدش وانا انبطحت فوقو زي دا كان عندو خشم كان قال وا ضيقي 😭😭😭 شلت تلفوني وانا خشمي ملح ملح فتحتو ابا يتفتح شكلها الشاشه ما نفعت جري مشيت ل ابوي كان يادابو جاي من الشغل قلت ليه ابوي تلفوني اتكسر 😿 قال لي مالو حكيت ليه قال لي اها والمطلوب 😒 قلت لي صلحو لي قال لي اديني ليهو بكره لمن اكون طالع قلت ليه ثمح 😍 الصباح قبل اطلع المدرسه ختيتو ليهو جمب مفتاحو حق العربيه عشان ما ينساهو وقلت ليه ابوي ما تنسي التلفون قال لي كويس مشيت المدرسه جيت العصر لقيتو قاعد في محل ختيتو وااااي طبعا الصدمه كانت قويه علي مشيت شلت تلفون امي ضربت ل ابوي قلت ليه ابوي تلفوني ما شلتو ليه 😭 قال لي والله طلعت نستعجل وما انتبهت 😄 قلت ليه ابوي والله بالغت معاي 😥 قال لي خلاص بكره بشيلو طبعا باقي اليوم داك باقي لي طويل طول زهجت زهجه قلت خلاص امشي علي ناس حبوبه مشيت بالباب كدي النشم هوا شويه مشيت حبوبه قالت لي عبق 😰 قلت ليها مالك يا حبوبه بسم الله 😅 قالت لي الجن ولا النفسيات الليله مرقتي من علبك ما كان بنشوفك الا مره في الاسبوع ومع امك 😒 قلت ليها شنو يا حبوبه الواحد ما يجيكم ولا شنو قالت لي نحن لاقنك وين الليله جيتي والله جابك تعال مشطي لي شعري دا 😏 قلت ليها هسي لو ما جيت يا حبوبه قالت لي كنت برجاكي بيه ليوم السبت 😶 قلت ليها سمح بمشطو مشطو ليها وقلت ليها يلا بعد دا بمشي قالت لي بدي قلت ليها خلاص المغرب بعد دا ماشه اقرا شويه طلعت منهم لقيت بت جيرانا ساكنه قصدانا قاشره والكحل دا كيف والروج شي عجيب وشايله ليها كيس اسمها سميره قالت لي عبق ازيك قلت ليها ااهلين سميره كيفك قالت لي عاش من شافك وين يا بت انتي قلت ليها قاعده بس مع المدرسه قال لي هندي انا خليتها وقعد وريحت راسي قلت في قلبي ما خليتها بمزاجك سقصي ثالته 3 مرات واهلك قالو دي ما شبه القرايه 🙊 وقعدوك المهم قلت ليها والله ريحتي رقبتك هسي قاشره كده ماشه وين قالت لي مشيت الدكان قلت ليها دا كلو عشان الدكان قال لي اي 😹 قلت ليها ما جاده طبعا قالت لي انتي ما شفتي سيد الدكان الجديد قلت ليها بري ما شفتو قالت لي وااااي كسرني بقيت لو ناس البيت دايرين كبريته بقشر وامشي اجيبا ليهم قلت ليها يا بت استهدي ما كده قالت كان شفتيه ما كان قلتي كلامك دا قلت ليها طيب تعالي ادخلي بدل واقفين في الشارع كدا قالت لي خلاص تعالي انتي اكمل ليكي القصه قلت ليها خلاص خليها يوم تاني لانو عندي قرايه عاينت لي من فوق لي تحت قالت لي خلاص خلي القرايه تنفعك قلت في غلبي دي مالا دي قلت ليها اصلا حا تنفعني يلا سلام رجعت البيت لقيت ابوي جا يادابو بيتغدا قلت ليه ابوووووي😿 قال لي بسم الله يا بت مالك قلت ليه تلفوني😭 قال لي كدي سلمي اول قولي كيف امسيتو 😒 قلت ليه ابوي حسا بي ياخ 😭 قال لي خلاص ما تنقي لي بكره بشيلو 😒 مهند جا ناطي قال لي حا تموتي كان قعدتي كم يوم بلا تلفون يعني قلت ليها ما خصاك انت 😒 قال ليه شفت يا ابوي بتك دي بقت طول اليوم بتطبز في التلفون حا تضيع مسقبلا ابوي قال ليه وجاي تتكلم كمان قايلني ما شفتك درجتك حقت اختبار الاسبوع الفات محمد طوالي قطع الحركه وبقا يتسحب لحدي ما مرق المعفن عجبني ليه 😹 مشيت قريت شويه ونمت الصباح مشيت دخلت التلفون لابوي في جيبو حق قميص الشغل قلت عشان ما ينساهو ومشيت المدرسه وجيت مستنيه ابوي بفارق الصبر عشان اشيل التلفون قعدت اقرا قلت عشان اتفرغ للتلفون بعدين امي قالت لي ارقدي اخدي ليكي نومه شويه بعدبن اقري قلت ليها امي تلفوني لي يومين ما شلتو 😿 قالت لي التلفون يطير يا يمه المهم كملت قرايتي بعد شوي سمعت صوت عربيت ابوي جري مشيت فتحت البيت ابوي جاي داخل قال لي شنو الاستقبال دا الليله قلت ليه ابوي قول بسم الله طول عمري قعد استقبلك خلاص نكرتني قال لي اطمنك تلفونك ما جبتو قلت ليه ليييه 😰😭 قال الراجل قال بكره بيكون جاهز مشيت جهزت مع امي الغدا ومن الزعله زاتو ما اتغديت بعد شويه مشيت افتش في المطبخ كان في شي ياكلو قلت تلفون شنو كمان البيحردو ليه الاكل زعطت تمام ( لست من النوع الذي يمتنع عن الطعام لانه يشغر بالحزن ✋🌚 فلا شان لمعدتي البريئه بتفاهات هذا الكون الاليم✋ 🙍 ) مشيت اتونست مع ناس امي شويه ونمت تالت يوم ابوي نسا التلفون ما جابو ورابع يوم نفس الشي قال لي اضربي زكريني عارفاني نساي المهم جاب لي التلفون بعد اربعه يوم شلتو وجري حوش ناس خالتو نعمه فتحت الفيس كنت مشتاقه لاحمد الصراحه لقيت ليك كميه من الرسايل منو وكان داخل قلت ليه 🙋💚سلام
في كسر من الثانيه رد علي عليكم السلام وين انت يا بت الحصل عليكي شنو مالك انتي كويسه ؟
انا قلت ما بتجي تاني 😭😭😭 مالك ياخ حرام عليكي قلت ليه كركور قول بسم الله مالك 😳 قال لي ونفسك فاتحه تتكلمي ياخ انتي ما عارفه الحصل علي شنو 😭😭 انا اربعه يوم ما نمت ولا اكلت 😭 قلت ليه سجمي عيان ؟ 😅 قال لي بتهظري صح ؟ 😒 قلت ليه يا روق 😄 اشتقت ليك يا سجم قال لي ياخي انا خلاص قربت اجن ياخ انتي ما عارفه عملتي فيني شنو 😭 ياخ انا ما بقدر اقعد ولا يوم بلاك هسي لو ما جيتي تاني انا كان عملت شنو عبق حرام عليكي والله يومي بقا ما بيكمل بلاك انا كل يوم بستناكي متين تجي من المدرسه بفارق الصبر تجي تغيبي 4 يوم ما شفتيني كنت مقلق ومتوتر كيف الايام الفاتت دي 😭 قلت ليه ياخ معليش والله لكن ما بيدي 😿 قال لي المهم انتي كويسه مالك الحاصل عليك شنو انا قلت البت تكون اتوفت 😅 قلت ليه الله يطول عمري 😒 قال لي احكي مالك ؟؟ حكيت ليه قال لي انت جاده دخلتي جوا قفص الارانب 😹💔 قلت ليه اي 😒 قال لي انتي جنيتي يا بت ؟ قلت ليه شايفني بمعط في شعري ولا جاريه في الشارع بلا هدوم 😒 قال لي اها واتصورتي مع الارنب قلت ليه اي 😒 قال لي كدي رسليها 😍 قلت ليه هسي مش قلت جنيت ؟ مافي 😒 قال لي عشان عارفه نفسك شينه خايفه اشوفك😹 قلت ليه حرام عليك والله ما شينه😿 قال لي اثبتي قلت ليه جادي انت ؟ قال لي يا بت انتي عارفه ما بتهمني الحاجات دي بهظر ساي 😂 لكن كان مصره رسليها 😹 قلت ليه تحلم قال لي علي العموم خليكي واثقه من نفسه واليقول ليك شينه قولي ليه دي خلقه ربنا 😹 قلت ليه احمد اقول ليك شي قال لي قولي قلت ليه انا سفهتك خلاص ✋😒 وطلعت خليتو قلت في غلبي غياظ واحد تف بس💦😒 طلعت صليت المغرب ورجعت جيت لقيتو كاتب لي مجنونه 😹 قلت ليه الجن الكلكي قال لي خلفو قلت ليه عيون خلفو وحواجبا 😳 قال لي داير رقمك قلت ليه شنووو 😰😨😱 قال لي رقمك مالك ما بتسمعي 😄 قلت ليه قلت شنننووو 😱 قال لي يا سجم جادي معاك انا لو ما جيتي هسي كان عملت شنو قلت ليه الما بخليني اجي شنو قال لي الظروف ما بعروفه انا داير حاجه توصلني بيك لو ما لقيتك في يوم من الايام قلت لي احمد ياخ ما تعصر علي😅 قال لي انتي ما بتثقي فيني يعني والله يا عبق حا احفظو عندي وما حا استعملو ولا كانو عندي الا اذا احتجتو قلت ليه ما حكايه ثقه انت عارف انا بثق فيك قدر شنو قال لي امال حكايه شنو قلت ليه انت عارف اني اول مره اتكلم مع اولاد في حياتي وما كان عندي برامج تواصل اصلا وكل حاجه بالنسبه لي غريبه وكتر خيري القعد اتكلم معاك اساسا قال لي قلتي كده قلت ليه عليك الله ما تزعل ياخ 😿 قال لي ما زعلان دي حاجه تخصك في النهايه وانتي حره فيها قلت ليه ما زعلان يعني قال لي لا قلت ليه احلف قال لي استغفر الله خلاص قلت ليكي ما زعلان قلت ليه احمد حرام عليك 😳 قال لي ما تكتلي لي قلبي انا اصلا ما بزعل منك في زول بزعل من نفسو يا سجم قلت ليه حييييي يا قلبي الصغير قال لي مالو قلبك 😱 قلت ليه ما بتحمل 😳 قعد يضحك قال لي اها اخبارك المدرسه شنو قلت ليه والله انا كان باريت القرايه دي الله يعوض شبابي الجنه بس 😹 قال لي شدي حيلك عشان اشوف ليك شغل معاي في السعوديه قلت ليه بري انا سودان السواد دا ما بفارقو لو كتلوني قال لي يعني كان جاكي عريس مغترب ما بتوافقي قلت لي الدايرني يجيني 😏 قال لي يا بت يا خطره 😹💔 قلت ليه لقيتني كيف بلاي قال لي لالا مافي كلام طلعتي وطنيه وانا ما عندي خبر قلت ليه والله لا وطنيه ولا شي الحكايه عشره بس 😹 عارفني عندي عشره وحثاثه 😹 قال لي اكيد طبعا دي ما بيحكو فيها اتنين قلت ليه يا ولد انت مالك نقناق كدع انا ماشه اقرا قال لي بدري ياخ قلت ليه عشان قريت واامنت مستقبلك واشتغلت ورطبت واغتربت وعملت ليك قريشات داير تضيعني معاك يعني قال لي خلاص خلاص امشي دا شنو الحقد الانتي فيه دا اعوذ بالله من عينك 😹 قلت ليه غيره ونفوس شريره قال لي اموت واعرف كلمة بحبك دي ليه الواحد ما بيحرك فيها لسانو 😶 طبعا انا قلت بحبك في سري قال لي احي انا وانا بموت فيك والله 😹😹 قلت ليه اهبل واحد 😹 💔 قال لي يلا اقطعي وشك بتجي بالليل قلت ليه حسب الظروف يلا سلام قال لي الله يسلمك خلي بالك من نفسك وطلعت
عدت الايام ونحن متواصلين وكل يوم بنتكلم ويوم اكون ما فاضيه او عندي امتحان بجي اقول ليه واطلع او بكلمو قبلو بيوم