البارت العشرون
#اهنت_عليك
.............................
للكاتبةNuha-d-h
رسل
اليوم دورت السنة مالت المرحوم زامل
و صارت السنوية ببيت عمي زامل واجة عزام اخذني لبيت عمي بعد ماطلبت من خالتي ام جراح
ردت بس احد يودني لبيت زامل
واني بالطريق اجة اتصال لعزام وشوية كلي هاج هذا جراح يريد يحجي وياج
-الو هلة جراح
جراح-اكلج انتي اشو مابعينج احد شنو مالج رداد
وبكيفج تلعبين تطلعين من البيت بدون علمي
شوفي ولج هسة ترجعين بسرعة للبيت
وانا اعلمج يالله بسرعة طلقة الكاج بالبيت
-عفية جراح لاتسوي مشكلة على شي مايسوى
واليوم سنوية زامل
وردت اخذ الاولاد حتى خالتي ام زامل تشوفهم
ويبرد گلبهة
جراح -انة گلت ترجعين گبل بوجهج للبيت
رجعنا من نص الطريق للبيت بس ميتة قهر من استاذ جراح
وحسيت اكو سيارة تراقبنة من بعيد بس ما اهتميت ما دام اني زوجة جراح والكل صار عنده علم اني مرته فمحد راح يكدر يأذيني
رجعت للبيت ودخلت بوجهي للمحلق جنت لابسة جبة سودة
انتبهت لعزام اخذ الجهال وفوتهم وياه لبيتهم
احتمال يعرف بطباگات اخوه
فما حب الجهال يسمعون صوته العالي
فاخذهم وياه واني عرفت من حركة عزام
ان جراح ماناوي يجيبها البر
ما اعرف ليش لاؤل مرة بحياتي حسيت هيج خوف من رجال واسويلة حساب وما اتمنى زعله
موحبا بيه لكن
احتراما لشخصه لان هو يفرض احترامة وين ماكان
ومو من صالحي اعاديه
لحظات ودخل جراح للملحق
-شوفي يبنت الناس تجرين عدل وتغيرين تصرفاتج
والا قسماً بالله اراويج وجهي الثاني
ومتأكد ما راح يعجبج
فلتگعدين تجربين حظج عندي لان ماهو بالكثير
فخليني اگول خطية ويتيمة وصاحبة اطفال لكن اذا تتجاوزينِ وتتعدين احترامي وكلمتي
بوكتهة لاتوگف بعيني يتيمة ولاخطية ولا اي شي وساعتهة جيبي اليفكج مني
رسل بخوف
-شنو قصدك تمد ايدك علية
طبعا اني احجي وابلع بريگي ومبين علية من رجفة صوتي ميتة من الخوف منه
جراح:
اشوفهة خايفة بس عجبتني من تتصنع القوة وتبين گدامي هي قوية لكن خانتهة رعشت صوتهة
انة اقتربت منها وعيوني مثل الثعلب عليه
اترقب ردة فعلها على كلامي
جراح- اي امد ايدي عليج بس مومثل ما انتي متصورة
امد ايدي على جسمج بس مو بالضرب باللمس
رسل شفته تقرب علية وانة ارتبكت ماجنت مهيئة نفسي لتصرفه المفاجئ
رجعت ورة حتى ما يقترب مني
لان بعدها كلماته بذاك اليوم وية امه
ترن بإذنِ لحد الان ما ناسيتها
لزمني جراح من خدي وهو يقترب
اني بسرعة نترت ايده عن خدي وبعدتها
وابتعدت من عنده وحجيت بعصبية
-شيل ايدك عني
دير بالك تتجرئ وتلمسني
