البارت الستة وعشرون
#اهنت_عليك
..................................
للكاتبة nuha-d-h
جراح
ستونة واصلين لبغداد
واجاني اتصال من رقم رفل
جراح-الو هلة رفل شلونج
رفل وبخوف-الو جراح الحگني داخلة على الله وعليك
جراح بخوف
ورسل قريبة عليه تسمع الكلام وصوت اختها الي حنت عليه وكأن تعرف اختها التوأم واكعة بشدة
رسل لزمت ذراع جراح بترجي تريد تسمع صوت اختها
لان جانت كلش محتاجتها مثل الطفل من يشوف اهله يظل يبجي عليهم
جراح يأشر الها تصبر شوية يريد يسمع رفل شتكول
رفل-جراح ابن رسل المخطوف جان عندي بالبيت لان وصلني عن طريق صديقتي سولاف هي عبالها ابن صديقها امانة لان هو على اساس راح يسافر وماعنده احد يبقيه عنده
واني ما اعرف بي مخطوف بس قبل شوية عرفت خاطفينه وعرفت بالصدفة هذا يكون ابن اختي رسل
والعصابة تعرف مكاني ويعرفون صديقتي مبقيته عندي
فاني اتصلت على ابن خالي امجد وسلمته الطفل من صفحة السياج الخلفي لان هسة بيتي مراقب جراح اني خايفة لان قتلو صديقتي عفية الحك علية لان خاف يجون و ما يلگون الطفل عندي ويسون بية شي
جراح -لاتخافين رفل جايج بمسافة الطريق ابقي ببيتج لاتطلعين
رسل وبخوف تسإل جراح-شكو شبيهة اختي
جراح بعدين افهمج بس خلي اجري كم اتصال للجماعة حتى يطوقون بيت رفل بس اطمني حسن بامان هسة
وهمة بالطريق لبيت رفل
حجة لرسل كل الكلام الي گالتة رفل
رسل -يمة سودة علية اختي جانت خايفة على وليدي
وبعدته عن بيتها حتى مايصير عليه شي وهددت حياتها للخطر يمة عزة بس لايوصلون الها قبل لانوصل
من وصل الخبر لابو سهير
امر العصابة يخلصون على رسل لان مابقى عنده حل ثاني
لان ما جان حاط بحسابه يفقدون الطفل ويرجع لرسل فالاحسن يقتل رسل
اتصل جراح على رفل من وصلوا لباب بيتها وكللهة طلعي احنا بالباب
رسل وبكل لهفة من شافت اختها طلعتلهم بالباب نزلت ركض على اختها وحضنتها وشمتها بحنية واشتياق لحضن الاخت العزيزة الي قاسمتها جميع لحظات حياتها بحلوها وبمرها بنت امها وابوها
رفل -افييييييييشششششش ياريحة امي ارويحة الجنة افيششششش يااختي العزيزة الغالية ااشتاقيت لحضنج ولسوالفنا وايامنا وليالينا وية امي حتى اشتاقيت لرزالتج الي
وباست ايد اختها ورجعت ضمتها لصدرها
لكن شاء القدر ان يقطع عليهم لحظة الوصال الجميل
رفل وگعت عيني على واحد ملثم لابس اسود يصير بعد شارع عنهم وعرفته هذا حامد صديق سولاف
لازم بيده سلاح وموجه على رسل ...وجراح ما منتبه للولد كانت عينة علينا
وكانت اختي رسل حاضنتني حيل وظهرها صاير بتجاه الشارع واني كان ظهري بتجاه البيت من هول اللحظة
كنت خايفة على اختي تروح مني مثل ما راحت امي اعرف نفسي ما راح اتحمل اعيش بعدها
فبدون تفكير ولو للحظة
درت اختي بكل قوتي وسرعتي وبدلت الاماكن وسمعت صوت رمي الرصاص وحسيت بشي ساخن اخترق ظهري ووگعت بعدها بحضن اختي
رسل نزلت وحضنت حبيبة الطفولة وصباي وشبابي والعمر كله بحضني جنت اتمنى اخليهة بظلوعي وكعدت اشم بيها ريحة امي شفتها نزلت على ايدي وباستها واني رفعتها ورجعت احضن بيها لكن حسيت على اختي جرتني حيل بكل قوة ودارتني وهي صارت بمكاني وبلحظة سمعت صوت الطلقة واتبعها ثلاث طلقات اتلقتهن رفل اختي بدل مني
ووگعت بحضني ووراها ماحسيت الاوصار رمي عشوائي بالجو وقتلو المجرم
رفل وهي گوة تاخذ النفس وبصوت هامس-ساامحيني يابنت امي سامحيني يا اختي ونظر عيني اندعليلي الله يغفرلي سامحيني لان اذيتج
رسل بصوت مفجوع على اختها الي وگعت بحضنها وانترس حضنها كله بدم اختها -لا على بختج رفل لاتگوليها لاتسويها وتعوفيني لوحدي ولج گومي مويومج هذا ولج رفل بعدني ماشبعت منج يخيتي
رفل وباخرانفاس-رسل اقتربي مني خل اشم حضنج اشتاقيت لحضن امي وبعدها
رفل فارقت الحياة بين احضان اختهة العزيزة وكانت هذه اعز امنية علية ان تشوف اختهة وتحضنه لكن مع الاسف تحققت الامنية وكانت لها اخر الامنيات
رسل -لالا لا ااااااااا رفل لا ليش ولج ليش ولج شلون اهون عليج وتعوفيني لوحدي ولج ماگلتي هاي اختي خطية ابقيها لوحدها
ولج خية انا بعازتج لاتگولين ما ادري
(أهنتُ عليكِ
لتتركيني وحدي تائهة في دروب اشتياقي لك معانقتا اثار الوئام الاخير
أهانت عليك الايام والليالي التي قضيناها في احضان امي
أهُنتُ عليكِ يا اُخيتي لتركِ وحيدتاً من بعدكِ)
بقلم (nuha-d-h)
