البارت اثنان وعشرون
#اهنت_عليك
............................
للكاتبةNuha-d-h
ورة ما رجعنا من الزيارة
گامت صابرين تجهز لمهرها واشوفهة تطلع هي وزوجات اخوانها للسوك سوية حتى مرات اشوف سلوى تطلع وياهة
وين استاذ جراح مايجي يشوف مرته تطلع للسوك براحتها لو بس گادر على حضي
خرب حضي والله ماعندي شغل وعمل وگاعدة اراقب الناس صدك من كال من راقب الناس مات هماً
صرت اضرب من ام قصي جارتنا الفضولية
ايباه اه ه ه
والله ايام عبالك صارلهة عمر مو عبالك ذاك اليوم من جنت احس بشوگ لشوفت يوسف كل يوم الصبح والله الدنيا تنسي اكبر واحد اوف اوف
ورة كم يوم سمعت عياط من بيت عيالي وصياح جراح
اقتربت من الشباك مالت الغرفة مالتي لان هي اقرب شي على بيت اهل جراح فاگدر اعرف شصاير بيهم
شفت جراح طلع من باب المطبخ وهو يدكم القميص مالتة وشعره مهوس مامشط وطلعت وراه سلوى لازمة قميصه وتبجي
سلوى -لاعفية جراح لاتطلع وتعوفني والله اموت بس خليني افهمك
جراح-شتفهميني انتي ضحكتي علية قشمرتيني
شفتة طلع وعافها
وسلوى وراه مفرفحة من البجي والله زرفت گلبي بس انتبهت عليها لزمت گلبهة ووگعت بالگاع ومحد جان يمهة وجراح طلع وعافهة حتى ما التفت عليها
اني گبل عفت حسن يلعب بالعابه وحسين نايم
ورحت اخذت شالي بسرعة وطلعت عليها وتقربت منها
شلت راسها
وخليته بحضني
اضرب على الخفيف على وجهها وگعدت افرك صدرهة على جهة القلب حيل لان عندي معلومات بالاسعافات الاولية
سلوى سلوى شيوجعج
وشوية شوية رجعت سلوى لوعيها وشافت نفسها بحضني
وظلت تبجي وگومتهة
سلوى -شكرا رسل تعبتج وياي اني صرت زينة
رسل -لا عادي تعبج راحة خو ما يوجعج شي
سلوى -ما اعرف شگول سالفتي ماتتسولف وزعلت جراح مني
رسل -اذا تحبين تحجين بالسالفة فعادي اسمعج اني هم مثل اختج
سلوى -اشكرج خاف ادوخج بمشاكلنا انة وجراح
رسل-لاسلوى لاتحجين هيج انتي وجراح مفضلين علية هواي فشنو راح اسويلكم ما اجازي جميلكم وياي
سواء انتي بتقبلج الي بان جراح ياخذ عليج وحدة ثانية او بجراح الي وفر الحماية الي ولاولادي على حساب استقرار عائلته
مشت سلوى وياي للملحق ودخلتها وفوتتها على الحديقة حتى نگعد هدوء وتسترخي وتشم هوة نقي ورحت سويت الها شكولا ساخنة وقطعة كيك ما اعرف ليش من شفتها حسيت حنيت لاختي رفل
اي حنيت لاختي على الرغم كل السوتة بية
تبقى اختي الي كضينا احلى ايام عمرنا سوية ما يوم افترقنا عشنا حياتنا. بحلوها وبمرها
فحبيت اقدم العناية لسلوى احس بيهة ضعيفة
قدمتلها الصينية
سلوى -الله شلون جمال حديقتج تجنن بيها حياة وترد الروح حقها عمتي من تجي هنا كل يوم اثاري مسويتلها اغراءات
رسل-لاوالله بس من واني وصغيرة جنت اتمنى عندنا حديقة وازرعها
فمن اجيت شفتهة متروكة اهتميت بيها
سلوى -عاشت ايدج
رسل-ايدج العايشة
يالله هسة احجيلي عنج شنو مشكلتج
سلوى - شوفي حبي انت تعرفين قصة ضعف القلب عندي وتصير عندي صعوبة بالحمل ومضاعفات احتمال تؤدي الى فقدان حياتي
فلذلك صارت عدنا زينة بالشافعات وردت اموت بيها والله سترني اني وجراح نحب بعض من كنا صغار
رسل-الله يهنيكم
سلوى-فكان كلش يخاف علية وعلى صحتي فمن صارت عدنا زينة وشاف شلون عانيت بيهة
قرر ان بعد ما نسوي اطفال كلي انة هيج مقتنع ومرتاح انة ما شاكيلج بوية انة ما اريد جهال هي كوة
ومرت الايام وكبرت زينة واخوانه قصي وجاسم صار عندهم اطفال واحنا ظلينا بس على زينة وجراح خطية ابد ولا يوم. حسسني بالنقص ابد ويموت على زينة
لكن يوم عن يوم احس خالتي ام جراح تذب بسامير
وكل ساعة تسمعني فلانة جابت وفلانة صارعدهة بزر
فقررت اتفق وية دكتورالقلب المشرف على حالتي القلب ان يكتب لي تقرير
على مسؤليتي بعد توسل يالله قبل ان يكتبلي تقرير حتى اراويه لجراح ان انة صحتي تسمحلي بان اسوي حمل ثاني وصار الحمل لكن بالصدفة عرف جراح انة كذبت عليه بسالفة گلبي وهسة هوة طلع زعلان مني
رسل -ليش ولج خطية شلون هانت عليج بنتج اذا يصير عليج شي ما خفتي على جراح شراح يصير بي من بعدج ترة روحج مو بس من حقج.. الناس اليحبونج الهم حق باتخاذ القرار عنج مرات
وحقة جراح يزعل من عندج والله لو منة العب بيج طوبة
سلوى -هههههههههههههههههههههههه حلوة هي مال العب بيج طوبة
رسل-بس لاتخافين مادام يحبج راح يرجع صدگيني اليحب مايترك حبيبة حزنان ويعاني
سلوى -الله كلامج شكد حلو
هسة انتي سولفيلي شنو قصتج وليش انتي هنا
وكعدت رسل تفضفض
لسلوى قصة حياتها من كانت صغيرة الى طعنت اختها الى وفاة امها مروراً بتحرش زوج اختها
وهي هاي كل قصتي يابنت الناس
سلوى-اوووووف والله قهرتيني بعدج بعز شبابج وهذا كلة صار بيج واختج هسة وين صفة بيها الدهر
-والله ما ادري عنها مرات من اشوف گبال عيني حسن وحسين وضحكتهم. اگول لوما سواية رفل بية كان ما التقيت باولادي ولا شفت هاي الضحكة الحلوة مالتهم
تدرين همة سبب سعادتي وحياتي كلها
فبسببهم يوم ورة يوم احن عليها
لان مابقالي من الدنيا غيرها
سلوى -وهذا شبابج هيج تضيعيينا علمودهم
رسل - سلوى شتحجين مكتفية اصير حتى لو خدامة بس كون يبقوني يمهم واربيهم بحضني... سلوى الواحد من يغرگ يگوم يجلب بگشاية وانة هذا حالي
-زين يوسف شصار عليه ما حاولتي ترجعين تشوفينا
جراح -احم احم شنو هاي انتي هنا گلبت البيت عليج كلاب ما لگيتج
سلوى بأبتسامة راحت وشمرت نفسها بحضن جراح وهو استقبلها بحضنه وباسها من راسها
-مخبلة وتبقين مخبلة ليش تسوين هيج بروحج
سلوى -عفية لاتگعد تلومني الصار صار خليني اتهنا بحملي
رسل ببتسامة-واني مني الك وعد اگابلهة واكعد لان اني مثل ماتعرفون جنت ممرضة بالمستوصف وعندي خبرة
فراح اشرف على حالتها
التفت علية جراح ببتسامة شكرا -مشكورة رسل راح نتعبج ويانة
رسل -لايابة تعبكم راحة اني ما انسى فضلكم علية وعلى اولادي
جراح دخلت على رسل وسلوى بعد ما دورت بالبيت كله على سلوى وشفت باب الملحق مفتح وسمعت اصواتهم كانو يحجون ما انتبهو علية بس انصدمت من حجت سلوى لرسل وتسئلهة عن شخص اسمة يوسف الظاهر كان حبيب الخانم قبل لاتتزوج وسلوى تسألها عن الرجوع لحضن يوسف بس ما اعرف شصار بية من سمعت كلام سلوى حسيت بشعور يفتت گلبي
اخذت سلوى وطلعنا من بيت رسل وصعدت بيهة فوك واني خايف عليه خاف يصير بيهة شي اموت على سلوى وطيبتها وحنيتها وما مستعد اخسرها
لكن واحنا نايمين وهي نايمة بحضني
سلوى-اگول جراح ممكن اسألك سؤال
جراح-جواب
سلوى -خطية رسل خوما تبقى طول عمرها معلكة لاهي المتزوجة ولاهي الارملة وانت خايف على اولاد المرحوم
جراح-وين السؤال بالموضوع
-انتظرني جايتك بالكلام شوف حبيبي راح اجيك من الاخير
نواف اخوي كلش معجب بأخلاق رسل ويحب اولادها وهو هم ابن عم ابوهم مثلك يعني ان شاء الله ماراح يفرق عنك بشي بس ان هو يحبه ويريدها زوجة على سنة الله ورسوله ويگول انة اتكفل بكلشي وخلي الورث والاملاك يبقن عند جراح هو الي يديرهم
يگول انة اهم شي عندي هي توافق علية والله اسويها اميرة
هي سلوى حجت هذا الكلام وانة ما ادري شصار بية ماعرف ظليت اتگلب شلون التزوهر من القهر واريد اشوف نواف گبالي هسة اسيح دمه وامسح بي الگاع العار
حاط عينه على مرتي والله عرفت ان هو هاويها وهي ماقصرت لعبت بحالة لعب هي مجرد كلام وياي وبشفايفها ادوخ مو تتمضحك وتتشاقة وياه
مو زين ما صارلها قرد معلگ عالشجرة اخ الله يعني نواف هم جاي يتخيل ويحلم برسل تصير مرته يعني مثل ما تجيني التخيلات واحلم بيها. . اااخ الله
راح اتخبل وين اوديهة هاي المصيبة الوگعت فوك راسي وهاي هي ما تطلع من البيت كل يوم اشوط من القهر للسما
اباوع حتى سلوى حبتها
جراح يحجي وية نفسه
زين يجراح انت شنو تريد من رسل ماتعوفها تشوف حياتها ووتخليها تتزوج الي يحبها ويتمنى يعيشها اميرة
معقولة الي جاي احس بي أتجاه رسل غيرة
هذا الشعور ابد ما مر علية حتى من حبيت سلوى
جراح وهو مصدوم معقولة گلبي يحب ثنين هاي شلون صارت يعني لا اكدر استغنى عن سلوى واخاف عليها ولا اتحمل اتنازل عن رسل اصلا ما اتحمل اشوفها تحجي وية واحد او حتى تبتسمله زين مو هاي سلوى مرتي وياهة اشو عادي عندي وية اولاد عمي وتضحك وتسولف وحتى اخليهة تطلع للسوك براحتها.
لكن هنا رسل تختلف ودي احطهة بقفص بس الي
وبدأت الحرب العاطفية في قلب جراح
اتمنى ان ينال اعجابكم هذا البارت
مع تحيات كاتبتكم
nuha-d-h
شاركوني بأرائكم
