أنت ملجئي

أنت ملجئي ٨

(أنت ملجئي) البارت ٨ للكاتبة ياسمين

حمزه وهوه ساكت كال اني طالع اذا تحتاجين شي اتصلي
احلام...اني احتاجك خليك يمييييي
حمزه...ياعمري انتي اخيرآ رجعت وحظنته انتي العمر
اني اتعجب بنفسي شلون بهيج فتره قصيره اتعلقت بيج
لهاي الدرجه
احلام...واني بس وياك احس بالامان اول مرة بحياتي احس بهيج امان وراحه
بس حمزه منو الي يسوه بيه هيج منو الي يكرهني
حمزه...والله مادري اني هم دخت وين الله واعرفه والله لا اسويه ١٠٠ قطعه
احلام...ممكن انام تعبت حيل والله
حمزه...اكيد يروحي اذا تردين اكوم اروح
احلام...لا خليك يمي ارتاح اكثر
حمزه...ياحبيبتي يلا نامي
اباوع عليه شلون نامت ماعرف اكثر شي انقهر عليه صعب الاهل من يتخلون عنك حتى ماردت اناقشه بهذا الشي
واني افكر ماخذتني نومه
احلام...كعدت الصبح احس كلي نشاط ومن الفرحه حتى ماحس بالوجع باوعت حمزه نايم
احلى شي صار بحياتي هوه ربي لا يحرمني منه
اتقربت منه وبسته
حمزه...اووو شهل صباح الحلو اشو تعالي
احلام...لا حمزه خلي نطلع
حمزه...وين نطلع واني مشتاقلج موت 💏💏💏💏
احلام سبحت وبدلت وطلعت الكل فرحان عمتي رايحه جايبه كيمر وكاهي وصمون دلال ماقبلت حتى أساعده
حمزه...اليوم راح اذبح ذبيحه علمود رجعت صحة احلام
واعزم عليه
ام حمزه...اي والله وليدي زين تسوي
حمزه...يلا سامر كوم وياي فلاح اليوم عنده دوام حتى نجيب الذبيحه
احلام...اني بس اتفرج معقوله هلكد يحبوني وبكلبي الف اه على اهلي
سوينه العزيمه وصارت هوسه وكلمن يشوفني ينبهر بيه
وبجمالي واحس دلال تظوج خطيه حقه
جان وحده تكول شبيج دلال كل عقلج مزوجه رجلج هيج وحده حلوه عاد
دلال...اي يستاهل اكثر شفتله احلى وحده
لا خيه مو هيج عاد انتي الخسرانه صغيره وحلوه
دلال...ابو أيه يستاهل اكثر
احلام...ودلال مابيه قصره والله تخبل ماشاءالله عليه وين اوصل جماله اني
المره....اي اي صحيح
احلام...شلون ناس ماتفكر من هيج يحجون راح يجرحون المقابل لساعه ١٢ يلا كملنه شغل اباوع على دلال ظايجه
رحت عليه ام أيه انتي ليش ظايجه
دلال...لا حبيبه ليش اظوج منج
احلام...بس انتي كلتي راح اعتبرج بنتي واختي ليش هيج
متغيره وياي والله اني احبج
دلال.... لا بس اني هذا طبعي
احلام...ماشي اني راح اروح انام تصبحين على خير
رحت للغرفه لكيت حمزه ياااا شدسوي هنا
حمزه...يعني شسوي غير غرفتي
أحلام...لا حباب كوم ورح يم دلال البارحه انت جنت يمي
حمزه...بس انتي صار سبوع يم اهلج
احلام...ميخالف ماريد دلال تنقهر وتفكر اني ماخذتك منه
ماريد مشاكل
حمزه...لا دلال عاقله ماتفكر هيج تفكير
احلام...حمزه اذا تريد راحتي روح اليوم يم دلال خطيه
حمزه...يعني تريدين تخلصين مني
احلام...لا والله اتمنى مافارك عيونك لحظه بس مثل ما اني الي حق بيك دلال هم اله حق
حمزه...ماشي راح اروح من عيوني بس من الصبح اجيج
احلام...هههههه ديلا روح راح حمزه واني مقهوره على دلال تصرفه حيل متغير وياي ولا كأنو هيه الي ماتت لو ماتاخذني لزوجه شلون وين ماروح حظي اعوج
كمت اشرب مي لكيت الحجيه كاعده تصلي رحت كعدت
يمه شلونج عمه
ام حمزه...الحمدالله يمه شنو رجلج وين
احلام.. يم دلال
ام حمزه...صار سبوع يمه وانتي البارحه جيتي
احلام...ميخالف والله ماريده تنقهر
ام حمزه...عفيه بنيتي بس شوفي يا يمه تره الفقير يروح حقه ولا تنطين حقج لاحد لو مهما يكون
تره يناكل حقج لا تبقين على نيتج
احلام...ليش عمه دلال مو زينه
ام حمزه...اني ماكلت هيج والبنيه مامبين منه شي بس يايمه لا تنطين حقج لاحد
احلام...صار عمه رجعت نمت بس كعدت من وكت
حظرت الريوك اتعجبت هيه تكعد من وكت يلا براحته
كملت كلشي بس اني وعمتي كاعدين بعد محد كعد
جان تطلع دلال اوي احلام جان كعدتيني
احلام  ماردت اخرب نومتج
دلال...تسلمين حبيبتي حمزه ماخلاني انام لصبح
احلام...سكتت مارديت وعمتي بس تهز راسه
دلال ...اني اروح اكعد حمزه
احلام...صفنت دام ماتحبني وتحب تقهرني ليش اخذتني جان عمتي تكلي هاا احلام وين صفنتي
لا عمه ماكو شي
ام حمزه..يمه لا تهتمين تره تريد تحرك دمج
احلام...لا عمه وليش انقهر من حقه مثل ماحقي والحق مايزعل
ام حمزه..عفيه بنيتي خليج دوم هيج عاقله
مرت ايام حيل حبيت حمزه ويوم بعد يوم احبه اكثر
بس دلال دائمآ تظوجني بتصرفه
وتسمعني كلام بس اغلس وماهتم يوم من الايام حسيت عندي حمل بس ماحجيت لحمزه رحت على عمتي
عمه عندي موضوع وياج وسديت الباب ماعرف صرت مارتاح لدلال
ام حمزه...هاا يمه كولي
احلام...حجيتله شنو عندي
ام حمزه...اي يمه هاي علامات حمل بس لازم نتاكد كومي اوديج اسوين تحليل
احلام..بس حمزه ماموجود
ام حمزه...اي خابريه كوليله احس روحي تعبانه
احلام...اتصلت بحمزه اكولك حبيبي احس روحي تعبانه ودايخه اريد اروح احلل
حمزه..اي من اجي اني اوديج
احلام...لا عمتي توديني
حمزه...ماشي بس لا تتاخرون
احلام...ماشي عيوني انت تسلم
رحنه وسويت التحليل حيل خفت ماطلع حامل اريد افرح حمزه طلع التحليل وصاحو اسمي كلولي مبرؤك حامل
احس روحي صرت طير وطرت من الفرحه
احلام...عمه ماريد احد يعرف اريد اسوي مفاجئه لحمزه
ام حمزه...تدللين ام حمودي
احلام..حمودي منو
ام حمزه...حمودي ابنج حمزه يريد يسمي ابنه على ابوه محمد 
احلام...ان شاء الله يارب الله يسهل واطلع حامل بولد
مرينه لسوك اخذت كم شغله احتاجه ورجعنه
دلال ....وين رحتو
ام حمزه...رحنه لسوك
احلام...ماحجيت شي رأسن دخلت للغرفه خابرت حمزه
حبيبي شوكت تجي
حمزه..اتعشو انتو اني اتأخر
احلام...ماشي حياتي فرحت من كال اتأخر حتى الحك احظر نفسي طلعت بسرعه اكلت
ام حمزه على كيفج وين تردين
احلام...عمه هيج بعدين احجيلج دلال حياتي اعذريني اليوم انتي اغسلي الماعين
دلال...اي مو مشكله
احلام...رجعت للغرفه رتبته وخليت جرجف جديد وعطرته
كعدت خليت مكياج خطر على بالي اخلي اوفر ابد مامخليه هيج فتحت شعري وبرمته لبست فستات احمر فوك الركبه باوعت على نفسي طلعت مزه💃💃💃
عززه اذكرت شغله اليوم ليلة دلال
حسيت اكو صوت جاي للغرفه ماعرف ليش ارتكبت دك الباب صحت
حمزه..هاي اني افتحي الباب دخل ويحجي ليش قافله الباب باوع عليه بقى صافن هاي شنو اليوم شطالعه
احلام...احم احم يعني حلوه
حمزه...مو بس حلوه تخبلين
احلام...اس تعال اكعد عندي الك فاجئه
حمزه...ههههه ونوب
احلام...اي شعبالك
حمزه...كولي حبيبتي
احلام...ام اني حامل
حمزه...شنوو
احلام...اني حامل
حمزه...ياعمري وحظنته حيل انتي اجمل هديه بحياتي
احلام...ياعمري انت الي اجمل هديه
حمزه...ياروحي💏💏
احلام...حمزه اكلك شي بس لا تعصب
حمزه...شنو
اليوم ...ليلة دلال ميصير لازم تروح
حمزه...لازم اتخبلتي اعوفج واروح بهيج يوم
احلام...بس ميصير
حمزه...اشششش 💏💏💏💏
احلام..كعدت الصبح ماعرف احس روحي خايفه من دلال
يلا لازم احجيله الي صار رحت لكيته بالمطبخ دلال ممكن نحجي احجي ومتجاوبني
دلال والله اسفه اني البارحه طلعت حامل
دلال..شنووو وليش الجذب مو كلتو بالسوك
احلام...مو ردت اسويه مفاجئه لحمزه
دلال ...ماكلج غير شي واحد مع الاسف عليج من اختاريتج لحمزه ماتوقعتج هيج
احلام...بس والله ماسويت شي والي صار مو بيدي
دلال..خلص كافي هل حجي الزايد ماله داعي
احلام بقيت صافنه عليه اختنكت حيل شكد حاولت
ما ازعله بس ما نجحت
للعصر واني بالمطبخ مارحت للغرفه ابد بقيت ملتهيه
بالطبخ والتنظيف دلال بعد مارجعت يمكن زعلت وحمزه بالدوام
واني التهيت ويه أيه والحجيه
اجه حمزه كلي كومي سويلي غده ويغمزلي راح للغرفه يبدل
واني بالمطبخ حظرت الاكل دا اريد اروح للغرفه ماسمع غير حمزه يصيح بعصبيه
احلااااااااااااااا....اتبع لا تكولون قصير😭😭😭😭
واللع هلكد طاقتي ودا اكتب الي اكدر عليه
اذا اكو سؤال ابالكم اتفضلو