ارجوك ان ترحل

البارت الاول

#ارجوك_ان_ترحل# البارت الأول    .غدير وسام

الحياة . جميله بلمة الاهل والأخوات .وإني الحمد لله  كل  هذا الشي  عندي .اخواتي  6  .و2 إخوان  والدي والدتي . طيبين  اني قبل الصغيرة .اسمي هبه  الي جانت مسؤوله عني اختي الكبيرة .دلال . جانت هي امي وأختي وصديقتي .وكل بدنيتي  فتحت عيني هي الي مهتمه  بكل أمور ..  كبرت وإني اعرف باختيار الأصغر من دلال .. سماح  تحب ابن خالتي .  طبعا  كان أصغر منها بينه وهذا كان المانع الوحيد  خالتي جانت رافضه هذا الزواج .عيسى جان يحب سماح . وهي تعشقه  سماح حلوة   بيه وتارسه وعيسى  جان أسمر وطويل . ضخم  الي يشوفهم  ميكول  هي أكبر منه .بس المن تحجي  . خواتي بدو  يزوجون  ولمتنه  بدت تقل  وإني كنت أكبر  وملامح  الأنثى  تطغى  بخصوصية  عن أخواتي كان  شكلي مميز  ناعمه وحلوه  بيضه مواليد 98  خالتي .تقدمت اليه . ورفضت ..هنا اختي  سماح انهارت وتاذت
سماح ..اياج تفكرين توافقين هبه
هبه ..مستحيل طبعا.شتحجين انتي 
سماح .. خلي تخطبله غيره ممكن اتقبل بس انو تاخذج انتي ممكن انجن لو اقتلج واقتل نفسي
. عرفت انو خالتي مستحيل تخطبها .. تقدملها شاب غريب . واهلي وافقو ومن سئلوها جانت شبه يائسه وافقت  عيسى حاول يثنيها كانت سنة 2013عمري جان 15 سنه  صف ثالث متوسط كلش احب دراستي  من تزوجت .رجعو خطبوني .  بس هلمره هو اجه حاجاني
عيسى ...هبه ليش رافضتني
هبه ...انت تعرف ليش بسبب سماح
عيسى سماح الله يسعدها تزوجت وراحت لحال سبيلها
هبه ..حتى لو صعبه انت جنت تحب اختي وهي تحبك صعبه
عيسى .بس كلشي انتهى من تزوجت .وهسا اني رايدج ومعجب بيج ياريت تفكرين وترجعيلي خبر . من طلع عيسى  عبالك انزرع بكلبي  كمت افكر بي واريده .حبيته    الكل بلبيت موافق ابويه واخواني بس اني متردده سماح سمعت .اجتي كالت اذا وافقتي لاانتي اختي ولااعرفج لو اقتل نفسي .لزمتها لاسماح على بختج والله ارفضه  وكلت لامي تبلغهم رفضي .. بس بكلب مجروح لان حبيت عيسى كلش   وتمنيت اكون اله بس اختي اعز مرت فتره اجه عيسى وطلب يحجي وياي .جيت نعم
عيسى ..ليش رفضتي
هبه انت ليش مجلب .بيه ياأخي اني مالي نفس بيك  عوفني  .
عيسى ..صار واعتذر . اني ضحيت علمود اختي وخسرت عيسى اول حب بحياتي   بعد شهر .خطب عيسى  من سمعت خطب متت قهر وندم لان رفضت    رحت بحفلة زواجه وبذاك اليوم شفت عيسى عريس وانذبح حلمي . وماتت كل امالي  وبقى حب عيسى بكلبي محد عرف بي حتى اختي اقرب انسانه اليه .  اختي هم تزوجت .  وبهاي الفتره عشت اصعب مرحله بحياتي بس ذبيت همي بدراستي وكتبي  . اكو من يلحكني والي يلمح بس مو يمي  . مفكرت ابد .
ارجوك .ان ترحل