.البارت الثاني ..غدير وسام
بيوم بابا كال كرايبي بمنطقه المحموديه عازمينا حضرو نفسكم رحنا كل عائلتنا جنا بس اني واثنين اصغر مني .واخواني وابويه وامي .وصلنا مزرعه جبيره ومنطقه ريفيه استقبلونا ورحبو شفت شاب كلما اشيل راسي يباوع عليه . شكله حلو كلش ومرتب مهتميت وتصرفت طبيعي .بلجمعه امي لفتت انتباها بنيه حلوه ونادره سئلت طلعت بنت عمهم امي كالت تنطونا الحلوة .لسرمد ..ابني كالو كبعو واخذو .بس احنا هم نريد مره منكم نريد هاي الحلوة .عليه .اني نصدمت ومحجيت بس دموعي تنزل لان اعرف بابا ميكدر يرفض الهم طلب بابا صاحةتعالي بابا هبه سلمي على عمج .رحت . ور0عت لماما عفيه ماريد اتزوج
ماما...اششش بلبيت لاتحجين طلعنا الطريق كله ابجي . احب دراستي واريد اكمل طبينا بيتنا اخوتي يتشاقون ها عيني من اول طلعه حصلت عريس اني وين وانت وانتو وين بابا دز عليه .تعالي هباوي شنو رائيح كتله بابا ماريد اتزوج وبجيت بابا كال فكري محد يغصبج .
ماما ..بنتي خوش ناس اقبلي والولد بس هو لاهله وحالتهم زينه
بابا ..عوفيها تفكر وتكول
رحت اتصلت بدلال .كلت شتكلي اسوي ..حجيتلها .
دلال ارفضي لاتوافقين شنو كصه بكصه وانكطع الاتصال بلليل اتصلت .كالت هياوي وافقي استغربت ليش عيرت رائيها المهم .كلت لماما موافقه خلص اني وافقت هما اجوي ثاني يوم مستعجلين لان وحيدهم ويردون يفرحون اخويه هم خطبناله بيوم خطوبتي خذت اجازة من المدرسه وعزمت صديقاتي ردت اعيش هاي الاجواء وانسى عيسى لبست فستان تركوازي وشعري كلش طويل بعمري مكاصته .تسريحتي بسيطه من رجعت بابا شافني ضحك كال محروسه واني كنت مميزه عنده ويحبني اجتي دلال .سلمت وباستني .بس احسها ضايجه
كتلها شبيج .دلتل
دلال ..ماعرف شكلج اني مموافقه على زواجج
هبه .شلون موكلتي وافقي
دلال ا..رفضت بس زوجي يمي ومكدرت احجي احناةشنعرف عنهم بس صارت يله بلكي يخيب ضني من حجت هيج متت بجي خربت المكياج والدموع متقبل تسكت كالو اجوي مسحت دلال وجي وعدلتلي وجي اني كلبي بين رجليه صار طب هو لابس قاط اسود .كلش حلو وكشخه اني بجيت كال على كيفج ترا بس حلقةالبسج مراح اخذج عرفت انو ماعنده اسلوب . دنك عليه ..كال شسمج .كتله هبه
كال واني انمار
هبه ..عاشت الاسامي لبسني الذهب و هما جايبين كلشي على ذوقهم وحتى مو قياسي لعبت نفسي من الملابس والجهاز بس طلعو ركضت انزع البدله واكلهن ذبو الجفن مني
ماما ..اسمله شبيج انتي
هبه اختنكت ماما شبيكم ماتحمل ..
ماما .اسم الله انحسدتي اكيد
هبه . ماما .. احس نفسي تسرعت
بنتي اكيد هيج تحسين . لان هذا قرار مصيري
رحت لغرفتي .وخواتي اجتمعو .سماح لليوم ماخذه مني موقف وابد متتعاطه ويايه .
دلال .فكيها ..يجوز يطلع حبابا
هبه ..مبين .من اسبلوبه .😕
دلال ..ميصير تحكمين عليه من هسا ..جايتج فتره خطوبه تعرفي بي اكثر واكيد تتغير نظرتج اله ياما للاحسن او للاسوا
هبه ..مممم
دلال انطي نفسج وانطي فرصه . عندج منا لنهايه السنه قرري واكيد احنا وياج مو ضدج
هبه ..ان شاء الله .
بابا ..مبروك هباوي
اخواني هم فرحانين وناصبين عليه
انمار يتصل بس ماتحمله لذلك قررت افسخ ..شتتوقعون . راح يكون تصرف هبه ..
أنت تقرأ
ارجوك ان ترحل
ChickLitقصه منقوله للكاتبه غدير وسام احيانا نطلب الرحيل. ولكن برحيلهم موتنا. يغيرنا ونضحي وننسا انفسنا. ااطلب رحيلك ام رحيل حياتي. ونبضات قلبي
