دخيله بنت الشيوخ

4

#دخيله_بنت_الشيوخ
بارت 4
بقلمي نوره ..

شفته ذابل ..
عرفت صارله هواي من جاي سجاد
ومخلي هنا الي .
. متت قهر لازم اتقوه واكعد انتظره هنا حتى اشوفه اكحل عيني بشوفته واريح كلبي وارتاح انه من سؤالاته عليه ..
رجعت للغرفه ادندن ..
ولازمه بيدي الورد فزت فطم
يمااااااي
وجع شبيج
هي شنو شكومج ولج عبالي شبح لابسه ابيض وتفترين وتغنين بالغرفه موتيني حتى لو ابطني فرخ جان طاح
ههههه ان شاءالله يصير عندج فرخ وفرخين وتلاثه
وافرح بيهم
اخوج يوميه يهددني يتزوج
مايسويهه يحبج
اووف ان شاءالله اكول هاله منين هي الضبه
اووف وجعتي كلبي
ليش ولج لايكون عاشكه لطمت على رجلهه
اخخخ صوب كلبي بسهام العشك
منو هذا
سجاد
بس لا هذا سجاد صاعود النخل
اي هو وموغيره
ولج هذا عار
نجبي لاتكولين عليه هيج
والله عار كلهم يكولون عنه هجي
اكرميني بسكوتج وروحي نامي يم رجلج
عمي مايقبل وكال انام يمج
جاوبتها وانه اشم بالورد والياس انه صرت زينه حبيبي رجعلي. .
انت صدك تحبينه لو لعب منج هذا ..
احبه احبه ..
هالو انت جاي تلعبين بالنار هاا تره
امووت ع اللعب بالنار احب اغامر اتمرد هالشي اله لذه بالحياة مليت من الروتين ./
انه كايمه انام اذا ردتي شي صيحيني
طلعت وانه كعدت اشم بالياس والورد الحد مانمت
مرت ايام وانه اراقب النخله اروح يمهه
فد يوم ظليت للمغرب يمها حسيت بخطوات قريبه انداريت لكيت واحد ملثم جاي .. وكفت بمكاني حسيت هذا سجاد
رحتله وكفت يمه وخر اللثام عنه شفته طار كلبي من الفرح .. كال .. ماخفتي من شفتي واحد ملثم جاي صوبج
لا
انت شنو ماتخافين
حسيت بيك انت اباوعله وعيوني لمعت بدمع وهو هم عيونه تلمع احلى احساس ماقبل الاعتراف بالحب احساس يخبل
جيتت ااا
جيت تشوفني
اي
ليش
لان
لان شنو ؟! احجي
لان احبج وانه ادري انه مومن ثوبج بس حبيتج وجيت اشوفج ههه مجازف وجاي اذا انلكفت وكالو للعشيره ايكطموني ويذبوني للجلاب
اسم الله عليك الف اسم
كعدنا بالحشيش نسولف ونضحك بهمس
كلي .. كومي روحي دخلي جوه دنيا مغرب واخاف
عليج من العكارب الحيايه
ماخاف بس من الخلقني
ادري بيج گوية عين بس اذا انت ماتخافين على روحج اكو من يخاف عليج .. 
صدك منو
يعني ماتدرين منو
باوعتله مبتسمه لا منو
مو كتلج انه احبج ... وانت هم تحبيني
اي لعد شمكعدني هسه وياك
تعجبني جرائتج
يعجبني كل شي بيك
هسه يله روحي .. تره لاحد يلكفنا وانه لازم افلت
يله دير بالك على نفسك بس شوكت تجي
اشوفلي يوم
ماشي الله وياك
الله وياج يالحبيبه
...
بقينه ع هالحال .. ...  تمر الايام ونلتقي ومرات يلتحق بالجبهه ويظل فكري يمه ويطول ومايجي وماادري عنه شي ..ومحد يوصلي خبر منه  اخاف عليه اتمرض .. اموت بحيرتي
الى ان يجي وسعادتي مايسعها الكون
مرت سنه على علاقتنه ...
بفد يوم اجه وكتله اخطبني مابيها مجال
شون اخطبج يمعوده مااكدر
ليش لعد احنه جاي نلعب
ولج انه بنظر اهلج انه انه عار
انت مالازم تتحمل ذنب ابوك
متحمله غصب عني متحمل الذل والاهانات والتنقل من ديره الديره بسبب ذنب ابوي سواه ومات وتركني للذل .. يحجي بألم وحسره ويأشر ع روحه
گتله شسوه ابوك
ابوي شافوا جاي يتحرش بمره وطردوا
لاتأيس سجاد حاول عفيه
بعد محاولات بتقنيع سجاد.  .. اجه خطبني من ابوي واخوي جانت ضيفة اخواني اله كتله معدله زورگوا وكتلوا كاله مصايره بعد عيني انه بوكتهه تمنيت الصوابات هي بيه وبنفس الوكت فرحت لان تجرأ واجه خطبني يعني بحبي هذا انه مامتندمه حبيت رجال مثل سجاد جان يدري بروحه راح ينطرد وينكتل بس سواهه واتقدم
مرت الايام والاشهر .. وتقدملي جاسم ابن عمي واجهت اخواني وكتلهم مااريده رادوا يجون يكتلوني بس ابوي وكفلي وكال
مااريد احد يكتلهه تعاي بويه  كعدي يمي انت ليش ماتردين جاسم
يابه مااريده جويسم ابو كرش مااريده
ليش الرجال موبشكله الرجال وجاسم شيخ وتاج الراس وابن عمج
مااريده يابه مااريده من رخصتك بعد ماخلص محاضرته
صعدت الغرفتي
ومرت الايامو الاشهر  وانه رافضه ابن عمي جاسم
وعلاقتي هي هيه بسجاد من داير فتره الفتره اشوفه واتكحل بشوفته بقى حبنا طاهر وشريف
ويوم عن يوم اخواني يزنون براس ابويه
حتى اتزوج جاسم ...
بفد يوم اجه سجاد وكعدنه نحجي ..
كتله سجاد انه بعد مااتحمل
شسوي ياعيوني انت شفتي شلون اهلج عاملوني من جيت خطبتج
دز عليهم ناس سوي شي اذا تحبني سوي شي بعد فدوه يهون عليك انام بحظن رجال غيرك يهون عليك انه اصير الغيرك بس جاوبني سجاد جاوبني
لا شون اقبل امووت كبل لايجي هذا اليوم
انه الاموت انتحر واخلص من روحي ....
لعد حاول سوي شي
ميخالف راح ادزله رجال ونشوف
خوش انتظرك
ومن صدك دز ناس اله ناس بسطاء لان هو ماعنده احد وهم رفضوا اخواني
وبيوم قررت اواجه اهلي وابويه كله عمود سجاد
جانوا ابويه واخواني كاعدين بالهول رحت دخلت عليهم
وكفت بالباب .. كتله يابه اريد احجي
احجي بنيتي
ليش جاي ترفضون سجاد
انه كلت هيج اجو اخواني اللتموا عليه يردون يضربوني
صاح عليهم ابوي وكاللهم محد يجيسهه تعاي بنيتي كعدي تعاي ... كعدت يم ابويه
كلي باعي هذا سجاد ابو عار ومطرود من كل العشاير  وانه شيخ وانت بنيتي الوحيده شون انطيجيا وانزل راسي كدام الناس
مكدرت احجي اكثر بس شفت ابوي وتعامله وياي بلين ورقه تمردت اكثر وعصيت وهالشي خلاني مااتنازل عن سجاد ابد ..
كمت احضر  فكره براسي واخلي اهلي كدام الامر الواقع اتزوج سجاد وانهزم ويا احنه اثنينه نحب بعض وماانكدر نتخلى عن بعض
بيوم اجه سجاد كتله سجاد انه مااتحمل واهلي قافلين انت لازم تتزوجني
شون اتزوجج ماتكليلي
ننهزم ونتزوج
تخبلتي انت تنزلين راس اهلج لا مااسويهه
سجاد انت مو رجال
رجال غصبا عليج ولج بس لان انه رجال ماسسويهه
خوش راح اخليك غصبا عليك تسويهه

راح سجاد بعد ماتعاركنه .. ظليت احوص وافكر قرب موعد خطبتي من جاسم .. وانه كلت مستحيل اخلي ياخذني انه من حبيت سجاد حسيت بده عمري ..
من جان سجاد يجي جنه نحجي .. واسئله وين كاعد شوكت ترجع من الجبهه ومن هالحجي عرفت مكانه
وبليله ظلمه .. حضرت هدومي وكل مستمسكاتي
وكبل الفجر .لفلفت روحي و. طلعت ورحت الديره البيهه  سجاد. .
رحت اسئل عليه واليسئل مايتيه واندليته اندليت بيته .. كعدت يم الباب انتظره وكل ساعه اباوع للدرب
جانت الدربونه ترابيه وكصيفه حتى ماتدخل الهه سياره ..
من بين نظراتي لبعيد .. شفت واحد جاي يتمشى
لابس هدومه العسكريه .. حسيت بي اي هذا هو محبوبي سجودي اجه رحت اله تلكيته وكفت يمه
باوعلي انه ماطالع شي مني
كال تفضلي خويه تردين شي
رفعت البركع كتله افااا انه من بعيد عرفتك وانت ماعرفتني
شافني انصدم كال 
هاله شتسوين هنا
جيتك حتى تتزوجني
ولج تخبلتي شجابج انت مسودنه
ايي انا مسودنة عشگ منو كال العاشك عاقل
يبت الشيوخ احنه
اشش اسكت لاتنطق والله والخلقني ياسجاد اذا ماتتزوجني ارجع البيت اهلي ومااخسر على روحي بس دبة بانزين وعود شخاط واحرك روحي ومااصير لجويسم ابو الكرش .. هاا تريدني اموت بسببك

انت من يمته هنا
صارلي يومين كامله ولك متت جوع وانه اتانيك هنا
جذابه
او ليش اجذب
لا ياخبله
هاا تتزوجني هسه لو احرك روحي ..
امشي هسه طبي جوه خل نفتهم ..
طبينه للبيت .. جان عنده .. علاكه بيها صمون جيش وطماطه وخضره ..
كال رايح اجيبلنه اكل واجي
جريته من ايده مايحتاج هالقاسمه الله ناكله
تتحملين الفقر وياي هاله
اتحمل كل شي وياك انه من عرفتك بده عمري
هاله هالطريق صعب وبدايته خوف ونهايته موت
قابله اعيش وياك حتى لو بالخوف وقابله اموت وياك

خبله مو براسج عقل
احبك
وانه احبج وراح اسوي اي شي حتى احافظ ..عليج

كعدنا اكلنا وكال يلا سرينه
رحنه عقدنا سيد وطلعنا للبصره لهنا
كال عنده صديقه .. جندي  ويا يكدر يدبرله مكان
جانت اغلب العوائل مهاجره الغير محافضات بسبب القصف . والحرب ..
شاف النه مكان وكعدنا بي وتزوجنا وصرت اله امراه بقيت ويا شهرين يمكن جانت احلى ايام رغم بساطتها ماجنت خايفه ويا لا خايفه لاافقده صار جزء من روحي
بل روح بجسدين ..

بيوم كال لازم اطلع اشتغل ماايكدر يلتحق هم لان خاف اهلي يلزمونه ..

وبيوم مثل كل الايام طلع سجاد للشغل .. وانه بقيت بوحدي بالبيت .. اندكت الباب طلعت فتحتها تفاجئت شفت ابوي .. واخواني .. اخذوني سحل للبيت ودك كتل كالو هسه نبقيج هنا الحد ما نلزمه هذا الكلب ونكتلكم واحد كبال الثاني
ومن لزموا انه اشردت منهم جانو ملتهين بي ونسوا الباب عليه مفتوح .. كلت بلكي مايكتلونه لان هم كالوا نكتلكم اثنينكم وماادري عن سجاد شي بس كلبي يكول كتلوا وماادري شسوي انه مثل المبنجه
ماجاي احس بشي انه ورطته وياي ادري تمردت لا بل تخبلت .. بس هي صارت بعد
وهي كل قصتي ياشيخ وادري انه وجودي هنا يسببلك مشاكل بين عشيرتك وعشيرة اهلي بس انه دخيلتك ياشيخ الك القرار انه صح غلطت وغلطتي شنيعه بس ماسويت الحرام تزوجت وبس وهسه انت بكيفك بعد تلفيني لو تطردني ..
الشيخ تمار ...

يتبع ..

اعتذر ع التاخير 😊