ذكريات حب بين أزقة الماضي 1
الكاتبة #نسيم-الامل
نسيني وهوا نور عيني نسيني🎵🎶
نسيني وسبني ياعيني حبيبي🎶
ادك بالبواب بيوت الناس واصرخ بعلو صوتي أريد أحد بس يرد أو يسمعني ابد ماكو والدنيا ضلام يمكن صارت الساعة 2 ونص باليل والناس غارقة بسابع نومة منو بحالي ماكو انارة
بس شوية ضو القمر والشوارع فارغة والجلاب تعوي وإني ميتة خوف ومطفية الكهربة
وانا حالتي صارت اتخوف يلي يشوفني يكول هاذة ميت شارد من الكبر ارجف مثل اواحد شايفلة جني
ماضل بيا حيل يمكن بأي لحضة يغمى عليا بس لازم مااستسلم حتى لا هاذا الحيوان يشوفني اروح اختبي بذاك البيت الي بلا سياج فتت وعبالك اجاني الفرج واخيرا اكو ضو خفييييف يمكن إلا بلكوة يبين انا من شفتا
عالك ولمحت واحد دايمشي على كيف
من داخل البيت يعني بالهول جان شباكة على الخارجية
اتوسعن عيوني من الفرح يااالله دخيلك ساعدني
يااااا نااااس ياعالم
عمووووو الله يخليك خليني عندك أريد بس اتخبيني قبل لا يجيني عمو الله يستر على عرضك
قبل لا يرجع عليا عمو عمووو اجا اي اي اجا
فتحلي الباب وشافني الله ستر منجلط من مضهري المخيف
أبو جلال:انتي منو شجابج اهنا وضلمة الدنيا متخافين من الجلاب شعندج باليل
ثراء :خبيني الله يستر على بناتك وعرضك والله اني دخيلة عندك بس خليني راح احجيلك والله اني مستورة ماعيليا عيبة
مرحبا اني اسمي ثراء عمري 15 سنة
مواصفاتي عيوني زرق وبيضاء وشعري أشقر
يعني حلوة بشكل تركت الدراسة من صف الأول متوسط لأن مجان عندي وهس يادوب الحك للشغل مع امي وتركت المدرسة
امي وابويا همين كرايب بس من بعيد وعندي 2 خوات و4اخوة
سناء: متزوجة وعدها جهال
وشهد: طالبة بصف الثاني زغيرة
واني
اخوتي....
ابراهيم:متزوج وعندا محل تصليح سيارات بس بعد ماعندا جهال...
ومحمد:متزوج وعندا جهال ومتعين مدرس الرياضيات. ...
حسين:ضابط شرطة بكيارة وعندا بيت ومتزوج وجهالة وكحين
وعبد الله :ضابط شرطة مع أخوية بس ممتزوج
وابن عمي❤ اياد❤ رايدني وبينا قصة حب
من جنا زغار يعني 10سنوات ومحد يدري
واصلا عمي كال ثراء واياد البعض😍😍
مرحبا اني اياد عمري 20 سنة
مواصفاتي عيوني عسلي واسمر
وطولي مناسب وصاحب
محل للاقمشة بسوق كيارة والحمد لله كلش
الشغل تمام
ومخلص سادس وما مقدم على أي شي بس خلصت الدراسة لأن صار عندي محل ويا ابوية فاماالحك
عندي.3اخوة و2خوات
إيمان :متزوج وعدها جهال
ورقية :طالبة صف الأول متوسط
عادل :متزوج وعندا جهال
حسان:طالب سادس علمي
همام:زغير بعد بصف الأول ابتدائي
واني
اني أحب بنت عمي❤ ثراء❤ وهيا هم اتحبني بس محد يدري سبحان رب الخلقها جمال مشايف بنيا مثلها ودلوعة يعني من اروح عدهم هيا تستحي وتخجل واحلى شي عدها تلبس فدوة اموووت عليها بس ردتها تكبر حتى اتزوجها بس اتخرنا بسبب الصار بيها
عشك الزغيرونة ولا يكعد راحة😍
عذبتني واني صدك احبنها بصراحة😍
من كبل لا يكولون انتي الي عشكتج ياام عيون ذباحة😍( ماموزون بس حلو تاليف#نسيم-الامل)
ثراء .....قبل الاحتلال الامريكان بسنوات جدآ بعيدة كان اكو حب جنه أسطورة إلى حد الآن مذكور وموجودين بس بعد معانات هواية يلا انجمعو مع بعض
قبل سنوات عديدة البيوت كانت مفتوحة بمناطق كيارة قرب مدينة الموصل يعني الحوش كبير وسياجه قصير ماعالي وبعض منهم مابيهم سياج ف بيت أبو عادل بيتهم. كبير ما كان بيه سياج وبسبب الحدث الصار بذيج المنطقة الناس صارت اتخاف وتسوي سياجات بيوتهم عالية وبوابات محكمة والحدث أصدر ضجة كبيرة جدآ يعني كل العالم الغادي درو
بوقتها بس ربك ستر على البنية.....جانت الدنيا ليل. بعد التعليلة كان قبل الناس اتزور ناس ويتعللون يعني سهرة عائلية أو جيران يقضون بعض الوقت بسوالف وفواكه أو جاي
يعني ساعة ساعتين حسب الوقت المهم
الناس نيام الساعة 12 ونص ومحد اكو
الأم : روحي اغسلي مواعين يلا قبل لا تنامين وتنيسهم بساع وترجعين اتنامين حتى من الغبشة نعجن ونخبز
ثراء : اي يما هسه بس أخلص شغل تعزيل البيت...جانت عدنا تعليلة جيرانة بيت أبو جاسم أجو يخطبوني وإني رفضت طبعا محد يدري بحبنا
وهم ماحيل انتشر خبر اياد رايدني يعني جانت السالفة بس بين العائلتين متفقين بس اصير 16 ياخذوني
واجو خطبوني أبو جاسم وأمة كالت
أم جاسم:ابني شايف ثراء ومنعجب بيها ونريدها على سنة الله ورسوله هاااا شتكولون
أبو إبراهيم :والله ياام جاسم ابن عمها رايدها واحنا انطينة أن شاء الله يلكة احسن منها
....وراحت أم جاسم بس من درة جاسم اني رفضتا
قلب الدنيا وضل يصيح نحنا نسمعهم البيوت مفتوحة عاد كلشي ينسمع غير جن جنونة لأن هم اعجب بيا وجان رايدني
ثراء : وبيتنا كبير طولت يلا خلصت اختي جان عدها دراسة وماساعدتي ضليت وحدي اني طلعت اغسل مواعين يمكن الساعة 1
ومااحس إلا وايد مدت عليا وسدت حلكي أريد أتنفس ماكو هوى
ثراء:عااااا يمااااا ااااه عوفني عوفنييي
انت منووووو
...وسد حلكي بقماش حتى يكتم صوتي
ومحد ماسمعني
اممممم اممممممم
يتبع......
