ذكريات حب بين أزقة الماضي 3
خلي يولي هل جذاب ماكو بكلبة حنية يكسر كلبي يوميا عمرة مايحس بيا خلي ولي 🎵 جذاب🎶🎶🎵🎶🎶🎶🎵🎶🎵🎶
..مشى وكل خطوة يخطيها يلتفت وراه حتى يشوفني انهزم لو لا. بس سبحان الله معجزة من عندة ابتعد واختفا بين الضباب اليل اني اهنا كدرت اهرب بس على كيفي مثل الحرامي من ينهزم
و صرت اسحف نفسي للهرب شوية شوية بس شنو يعني منضر فد مرة يخوف واكو بنايا قديمة لي ورى الكبور من عبرتها صرت أركض ركض السباق والله جنت بذيج اللحضة ميتا رعب وأريد بس أحد يشوفني حتى يساعدني لأن جان قبل ماكو بيوت هواي يم المقابر أتذكر جان اكو هاذك البيت القديم بس وصاير مثل الهيكل من أثر الهجر محد ساكن به من قبل سنوات يكولون جانو يسمعوني أصوات مرعبة عاد الناس عافوه وإني خفت اختل بيه لان يخوف والدنيا بليل عاد من ركضت سريع يعني أبالغ اذا اكللكم وصلت جحلة هاي منطقة هم مو هواية بعيدة عن المقابر يعني المسافة مابين جحلة وكيارة قريبا يمكن ساعة أو أقل الواحد يصلها عاد اهنا صرت ماريو (لعبة الاكترونية المشهورة)
من كثر الخوف مدري لا يشوفني المهم صرت أتنفس سريع صار نفسي يتكطع مكدر أجر الهوا صار ينسحب بلكوة وخااايفة واكول الله يعلم بس لا اكيد شافني ويريد يكتلني اه اه اه اه 😣
جاسم:شفتج ثراااااااااء
شفتها تركض من بعيد هاي جانت تضحك عليا بسيطة هيا رادتها اموتج إلا اموتج واركض وراها مثل الصقر لمن يريد يصداد فريستا وعيوني يريدن يطلعن من وجهي لأن ضحكت عليا لاتضنين تخلصين مني اني الج بالمرصاد إلا أخلص عليج ووصلت اجحلة على إثر ركضتها لأن جانت الطرقات التراب وتبين آثار الاقدام واضحة اني اشوفها من بعيد كلش بس يمكن مسمعتني لمن صيحت عليها.....اشو هاي اختفت وين صارت اكيد بين البيوت
ثراء.:ادك بالبواب بيوت الناس وكل جسمي يرجف
واصرخ بعلو صوتي أريد أحد بس يرد أو يسمعني ابد ماكو والدنيا ضلام يمكن صارت الساعة 2 ونص باليل والناس غارقة بسابع نومة منو بحالي ماكو انارة ولا اكو احد وإني وحدي أخاف لا يطلعلي
والدنيا ضلام جدا يعني يادوب اشوف طريقي
بس بشوية ضو القمر والشوارع فارغة والجلاب تعوي وإني ميتة خوف ومطفية الكهربة صرت ارجف من الخوف ووعيوني مثل ذبلان تعبت كلش
وانا حالتي صارت اتخوف يلي يشوفني يكول هاذة اكيد ميت وشارد من الكبر ارجف مثل اواحد شايفلة جني أو راح يعرف بوقت موتا انا اشلون يارب
ماضل بيا حيل يمكن بأي لحضة يغمى عليا بس لازم مااستسلم ابد حتى لا هاذا الحيوان يشوفني اروح اختبي بذاك البيت الي بلا سياج فتت وعبالك اجاني الفرج واخيرا اكو ضو خفييييف يمكن إلا بلكوة يبين انا من شفتا ردت روحي لجسدي 😦😦
عالك ولمحت واحد دايمشي على كيف يمكن رجال جبير بالعمر أو حرمة والله بوكتها ضل هاذة المنضر
أبالي مانسيتا ولا يوم راح أنساه ذكرة تأريخية مؤلمة انطبعت وادك على الشباك حتى تسمعني أو يسمعني أريد الفرج بس يلتفت هاذا الشخص الي
من داخل البيت يعني بالهول جان شباكة على الخارجية وتكدر اتشوف شنو بالداخل البردة جانت مفتوحا على أجل نجاتي من هاذا الوحش المفترس
اتوسعن عيوني من الفرح يااالله دخيلك ساعدني
يااااا نااااس ياعالم عمووووو يااااا الله اني خايفة
عمووووو الله يخليك خليني عندك أريد بس اتخبيني قبل لا يجيني عمو الله يستر على عرضك
قبل لا يرجع عليا عمو عمووو اجا اي اي اجا اجااااا
فتحلي الباب وشافني الله ستر منجلط من مضهري المخيف جني على هيئة بشر من وحشية الضرب
أبو جلال:انتي منو شجابج اهنا وضلمة الدنيا متخافين من الجلاب شعندج باليل شنو سالفتج روحي لا تبلينا بلوة عاد شيخلصني اني عندي بنات
ثراء :خبيني الله يستر على بناتك وعرضك والله اني دخيلة عندك بس خليني راح احجيلك والله اني مستورة ماعليا عيبة والله بس خمش وجهي والله مخليتا يلمسني هربت بالكوة منا اجيت اتحامة بيكم ياابوووو الغيرة اسمعني والله بس مساعدة
أريد بس اتساعدني لاتسوي شي أخاف عليك بس اطلب منك طلب لا تردني ارجووووك اتوسل إليك عمووووو اااااه ااااه الله يستر عليكم وحجيتلة قصتي المأساوية التي وصلت لها زين وكتها ضليت عايشة والله اتذكرة إلى حد الآن لحضة لحضة
واكلة عمووووو والله ماخليتا يلمسني والله اني بعدني أبنية الله يخليك شوف شوف ايديا ووجهي والله صديتا وماخليتيا
أبو جلال:والله ماانام اليل والا ارجعج بس لحضة وجايج فوتي ماكو أحد غريب انتي من أهل البيت
دخلني عندة ومابيها لحضاااات واجو زلم اتهز الكاع
وجابو سيارة كيا جبيرة وكالي تعالي انتي مثل بنتنا وعرضنا دلينا على بيت اهلج ومايصير إلا وحقج يصل لي يمج وخذي هاذة الحجي من شواربي يلا
بس اوصلج للبيت اهلج ونطلع احنا والربع اندور عليه لا تخافين انتي بامانتنا
.. بعد ساعة يلا وصلت واشوف امي وابويا واخوتي والجيارين بس بيت أبو جاسم مشفتهم يمكن درو بسواد وجه ابنهم وكلهم شايلين الفانوس وكل واحد بيدة واحد وينادون باسمي ومتقسمين مجموعات ويدورون عليا اني اهنا ردت روحي
يتبع.....
