ذكريات حب بين أزقة الماضي 7
عم يرجف البي ياامي كأني برداني ليل انهار بحس بدمي نار وشعلاني🎶🎵
مكانة الحلو نبع وشجرة احلا مكان بس ماجنت هواية اشوفها اروح بختل ولا اخلي أحد يشوفني بس خطية ضعفانة مو مثل ماجنت اعرفها قبل ادور عليا ومشتاكتلي بس شسوي اني هم مجبور😢
ثراء:اليوم زواج حبيبي راح يزفوك وإني مو يمك ادري ليش هيجي اني حظي فكر يعني اسنين حب وتالي شنو الصار راح وعافني ولا سأل عني شيفيد
الحجي من القهر لا أكل ولا نوم حتى المي طعما مر
ولا ينجرع كوة امشي امي خطية محتارة وين اتودي بيا ياعلى طبيب ياعلى أم قاسم المضمدة
بس مو أنها المشكلة الدوة يلي يطيبني ويرجع حيلي هوا الراح وعافني بس اني لازم مااضل هيج
لازم مااخليه يكول أثرت بيها وبعدها رايدتني اااااه
سراب:لو أني بمكانج جان ولا اهتم مو كافي خلصتي على روحج والتالي يعني يرجع اذا ضلتي هيج لو هوا صادق بحبا الج جان اجا وكال أريد ثراء بس عمي الحجي ميفيد بيج ضلي جنج صرتي جني اتخوفين لج امشي ولا اتباوعين وراج الماضي راح خلص انتهى يلا كومي ساعديني حتى نلحك انروح على الزواج لا نتاخر تعالي انطيج فستان يخبل عليج والله البسي واتمكيجي واركصي ياعوبة شوفي جهرتج حتى الجني يخاف منج كومي اني هم صرت أخاف منج دكومي اسبحي صارلي ساعة احجي ولج جنت احجي ويا منو اووووف دكومي
ثراء:لج عوفيني مااروووووح مااروح هيا كوة 😠
سراب:لا اشو إلا اتروحين راح اضل ازن براسج😡
...كوة خلتني اسبح وطلعت من الحمام امي فرحت عبالها اني بلشت أنساه بس لو اضل العمر كلو ماارتاح إلا بشوفتا بدينا نلبس ونتحضر جابت لي فستان أحمر طوخ وبيه تول أسود من يم الصدر
ومن جوة ماحيل طويل يجي لي يم ساق الرجل وشوية أعلى لبستو طلع فد حلو اني انعجبت بنفسي وحطيت مكياج خفيف كلش حلو ولبست عباية فوكاها وطلعنا بعد ساعة يلا وصلنا وشفت ألوان لبس من فتت للبيت بس نسوان اني شلحت العباية ومرت أخوية جايبة جنطة وخليت العباية بيها المهم بعد شوية رحنا على بيت العروس ومن فتت الكل شافني اشلون طالعة اخبل صارت كعدتي اكبال العروس اني مو متقصدة بس يمكن القدر اختار لازم القلوب تتلاكة وصارت هوسة يم باب الغرفة اجا العريس وإني ماتحركت خطوة وكعد يمها معرف شنو كللها اشو كامت تضحك اي اي اضحكي انعل اليوم الي جيت بيه خطبتني ياجاسم خربت فرحتي جان لازم هاي مكاني والضحكة ضحكتي بس ااااخ ااخ شيفيد ذكريات حب قديمة ولازم تنطوي لازم اني مااضعف وبلشت الحفلة والركص بس هوا ولا شافني اي حقك يمك منو يلي ينسيك ثراء وإني ناررر تكوي بصدري إلا احرك كلبة مثل ماحركلي كلبي بس اشلون كمت اتمشيت صرت اكبالة وإني اهنا متعمدة وبديت اركص بس اشلون ركص بلا وعي من القهر بس جان تحفى مااحسيت بنفسي ضليت اركص يمكن طلعت حركت كلبي بيها وربك ستر ماانكشفت لأن جنت ابجي اشلون موقف جان اااه
والحلو همين صارو يباوعولي مثل الدائرة حواليا امسوين على غفل جت مرت أخوية سراب وجرتني
اياد:اتحضرنا للزفة والنهار كلة هلكت لبست القاط وزفوني البيت العروسة وهيا كاعدة حنان مستحية ومندنكة رأسها همست الها اشبيج رفعي راسج اشو هاي كامت تضحك ضليت صافن قابل نكتة حجيت المهم طربكة نسوان وماتخلص ضلن يركصن اكبالي عبالك سباق يلي تركص أحلى اشو على غفل وكفن سون دائرة يباوعن ويصفكن اني مشفت شي ممنتبه كلت يجوز وحدة منهن فازت عليهن
مااحس إلا ومرت إبراهيم جرت وحدة من نص النسوان ركزت على البنية طلعت ثراااااااااء معقولة اني طالعة روحي وهاي الخبلة خلتني اجن الا شوية
وطلعت برة بحجة أمها اتريدها أريد اعرف هاي
اشجابها اهنا وإني ليش مااعرف اشو بعد شوية رجعت وعيونها حمر لج ااااخ لو بيدي اخذج واروح الآخر الدنيا بس اشلون طالعة جنها كيكة والله يا ثراء حتى انتي وذبلانة اتخبلين لج الثوب انتي حليتيه بجمالج والله حنان ماتجي ضفرج بس اااااه
والمصيبة كعدت اكبالي على أساس اني ناقص قهر
ثراء:طلتعني سراب برة وأمي جبرتها تسحبني واكفتلي ورى بيت أبو عادل محد جان اكو ملتهين بالزفة مااحسيت إلا وكف يفر راسي فر فعلا أريد اصحة مااريد اضل عايشة بوهم خجلت من موقفي
الام:اني صوجي جبتج لو ضالتج بالبيت احسن لج فشلتيني اني اعرف ليش بس الله سترج محد يدري بينكم حب إلا جان هسه انفضحنا عيب اني هيج ربيتج ولج حتى أم العروس ضلت تسألني هاي منو حتى أكثر من اخت العريس ركصت وإني متت بدمي من الخجل هاي آخر مرة يطلع منج هيج تصرف اتحملتج هواية لا أكل ولا نوم كلت أزمة وتعدي بس تجين وتسوين هيج حتى لو ابن عمج وتفرحين وتركصين بس مو هيج أريد بس تكعدين فقتي الضاهر ماجنتي بوعيج لولا سراب خليتها اجيبج إلا جان الله يعلم شسويتي بعد اكعدي احسلج لا يطلع غضبي عليج مفهوم ترى مااعيد
ثراء:اعتذر يما اني آسفة الصار كلة خارج عن اراتي
الام:بنتي اني من خوفي عليج مااريد هاذا الشي ياثر عليج كافي بعدين راح تتعبين أكثر وإني اعرف بشنو اتحسين أن شاء الله راح تنسيه ويتقدملج احسن من اياد الف مرة
يتبع.
