للكاتبه: ود الباشا
گمر: تعبت مداتحمل احس ماعندي طاقه الشي اريد افكر اريد اعرف اني الاريده شنو
ليث: يجرالج اذا ترتاحين هل اسبوع اخذج تدللين بس خليني بين عيونج بكل قرار تاخذي خلي هل گلب هذه بين عيونج لا تعذبي فوك عذابه
گمر: ليش هيج يصير وياي معقول ماذيه احد وهاي حوبته دتطلع بيه گمر انتي من كل عقلج تردين تبتعدين عنه والله تموتين
انتي ساعات الشغل متحملتي وداومتي ويا
حسيت نفسي راح اتخبل صرت احجي ويا نفسي ادورله اعذار
گمت اتصلت علئ سما حجيتلها كلشي
سما: حبيبتي تعاي فتره ارتاحي واخذي قرارج لا تتسرعين افتهمي من نفسج شتريدين بضبط
گمر: اريده اله سما اريده بس بغير ضرووف سما انتي اختي اكثر وحده تفتهمني ليش هيج يصير وياي والله حبيته حبيته اكثر من نفسي اعرف واحس بي هوه هم يحبني بس احس الضرووف اقوء من كلشي ضروفنه صعبه عنده عائله اخاف يقصر بيوم عليهم واكوون اني السبب مناقصه واحد يدعي عليه
سما: حبيبتي ارتاحي هسه وماريدج تفكرين بشي ابدد هل اسبوع تجين يمي ونحجي بكل شي واكيد نلگه حل
گمر: الله كريم سما دوختج وياي
سما: انتي اختي اذا الج مادوخ لعد المن ادوخ
گمر: امير شلونه شون صحته
سما: بخير الحمدالله كل فتره داخذه لدكتور يجيك حاله
گمر: حبيبي مشتاقتله بوسيليا
سما: صار ديري بالج علئ نفسج
گمر: ان شالله كطعته من سما بقيت صافنه علئ حياتي صحيت من صفنتي لان لو اصفن منا ل الف سنه ماستفاد شي نزلت للصاله شفته كاعد يخابر والجكاره صارلها كم يوم متوكع من ايده خايفه عليه هواي رحت للمطبخ طلعت دجاج و وتمن يحب برياني ودجاج بلفرن سويتله الاكل اليحبه والزلاطه
خلصت وعزلت المطبخ ونصيت النار علئ الجدوره بس اريد اشغل نفسي ماريد افكر بشي رحت للصاله شفته متمدد ماعرف نايم لو لا جان داير وجهه علئ الطرف الثاني
رحت جبتلها غطه داغطي كام وسحب ايدي عوفني ليث
ماريد منج شي بس تعاي خليني احضنج. تعبان اريد انام
بقيت ساكته ماكدر اشوفه متاذي احسه قطعه من گلبي
ليث: صاعد گمر لحكيني انتضرج
گمر: كعدت واحس نفسي ضايعه ماعرف شريد لا اني الاكدر اعوفه ولا اكدر اتقبل مره ثانيه بحياته مسحت دموعي ورحت شفت الاكل صاير طفيته وصعدت فوك. بقيت واكفه كدام الباب هواي حجي دار بين گلبي وعقلي بس اخر شي گلبي فاز علئ عقلي فتحت الباب شفته متمدد خال ايده جوه راسه وصافن علئ السكف اكرهه نفسي واضوج منها من اعرف نفسي سبب ائذيته شافني واشرلي تعاي يمي
أنت تقرأ
نبضي الصامت
Romanceهل يجتمعان اليث والگمر هل الحب سيغلب كل الضروف ليتنا مثل الطيور ! إن ضاقت بنا الأرض؛ حلقنا نحو السماء.. بقلم ود الباشا ماحلل احد ياخذ قصصي بدون ذكر اسمي (ذمه)
