للكاتبه: ود الباشا
گمر: مرت عمي كالت عمي هواي تعبان وهيه متعرف شسوي بسرعه بدلنه ورحنه شفنا متخربط سالم اخذه هوه مرت عمي للمستشفئ ردنه نروح ويا مقبل
بقينه علئ نار ماريد اخسره بعد ماشفت يمه حنان
گلبه طيب كمت صليت ركعتين ودعيت ربي يحفظه من كل شر
وره ساعتين خابر سالم كال مسوي سكته دماغيه
اني وسما كمنه نبجي كلبناها مناحه
سما: ولج گمر كافي انتي حامل موزين عليج
گمر: گلبي محروك داحس راح اخسر بابا مره ثانيه
سما: كافي حبيبتي الله يكومه بسلامه
گمر: يعني عمو راح يصير زين ونسمع صوته كلما نشتاقله
سما: حبيبتي ان شالله يصير زين بس ادعيله
گمر: صح مصارلي هواي من شفته بس حسسني بأمان مو طبيعي صوته بحد ذاته أمان بنسبه الي اخذتني سما للغرفه
سما: گمر حبيبتي فدوه اروحلج لا تسوين هيج بنفسج موزين عليج
گمر: ليش كل الاحبهم واتعلق بيهم يعوفوني ويرحون بابا عافني واني محتاجه اله وليث خلاني اتعلق بي وعافني وهسه عمو والله ماتحمل
ادري بيها مقهوره اكثر مني بس متريد تبين وتاذيني
اتمددت يمها وبقت تلعب بشعري علما غفيت
يمكن اني نمت ساعه ب 4 الفجر فزيت علئ صووت صياح هذه صوت مرت عمي شفت الساعه صايره ب 12 الضهر رجليه صارن خيوط لا بيه اكوم ولا بيه ابقى كاعده
بقيت بمكاني ابجي وساده اذاني بيدي
ماريد اسمع شي عمو مبي شي اكيد راح يطلع من المستشفئ ومن انقهر اروح اشكيله
ويمسح علئ راسي ويكلي بنتي لا تنقهرين من الدنيا مراح نحصل منها شي خليج مرحه وفرحي كل واحد يمر بطريق علمود يدعيلج
لا تخلين احد يدعي عليج
بقيت احجي ويا نفسي نفتحت الباب دخلت سما عرفت عمو خلاص مات عيونها حمرر
ولابسه اسوود
سما: لا تسوين هيج فكري بلبطنج
رايحه اجيبلج شي تلبسي
حتئ ننزل اسويلج لگمه تاكليها
گمر: هزيت راسي
محتاجه لشخص بهاي الضرووف وماعرف اذا جان هوه يفكر بيه لو لا
اجت سما جايبتلي فستان وشال اسود كمت بلكوه لبستهم ورحت غسلت وجهي اني وراجعه للغرفه صار بطريقي قيس
مبين عليه القهر
البقيه بحياتك كلتها ودموعي جرن
قيس: حياتج الباقيه
گمر: دارجع للغرفه وصاحني
قيس: تكدرين تحضريلي ملابس مستعجل
گمر: بقيت واكفه محجيت شي
قيس : اذا متصير عليج زحمه بنت عمي
گمر: مكدرت افشله احنه مو بحاله هسه نكعد نجادل ونتعارك مهما يكون هوه يبقى ابن عمي والميت عمي راح للحمام واني رحت لغرفته هسه اني شمدريني شيلبس وين يخلي ملابسه
فتحت الكنتور شفت بنطلون اسود وتيشيرت
اسود هم طلعت من الخانه الثانيه
رجعت فتحت الجراره وطلعتله ملابس داخليه
أنت تقرأ
نبضي الصامت
Romanceهل يجتمعان اليث والگمر هل الحب سيغلب كل الضروف ليتنا مثل الطيور ! إن ضاقت بنا الأرض؛ حلقنا نحو السماء.. بقلم ود الباشا ماحلل احد ياخذ قصصي بدون ذكر اسمي (ذمه)
