One-sided Love

Chapter 10

Reiko

THIS IS the day na pinakahihintay ko. Ngayon ang unang araw na lalaban ang SWU Wolf sa ibang lugar. Syempre, paano ako hindi mae-excite e, overnight kami kasi malayo iyong lugar.

So magkakasama kami sa tuuluyan. Nakalagay sa waiver ko na may apartment kaming titigilan doon. Nakakatuwa nga kasi pinayagan ako nina Mom kahit nagdadalawnag isip si Dad. Ayaw na ayaw talaga niyang hindi ako nakakauwi sa bahay ng gabi.

Isa pang good news, nagulat ako dahil kasama si Ciara at akalain ko bang may waiver din siya para excuse siya sa mga klase. Naloka ako sa kakapalan ng bestfriend ko. Noong tinuruan siya ng assignment ni Kenzo, hindi na daw siya nagpaliguy ligoy pa. Ginawa pa akong dahilan ng bruha! Sabihin ba naman kay Kenzo na kailangan daw ay kasama siya dahil may stage fright ako. Kumbaga hindi ko daw kaya kapag wala akong kasamang kaibigan saka baka daw maiilang ako kapag hindi siya kasama. Baliw talaga si Ciara! Bilib na talaga ako sa kaniya.

Nakaupo na nga ako rito sa service naming bus. Ang tagal ng bruha. Baka maiwan pa siya.

"Besty! Omg!"

I rolled my eyes. Siya talaga ang pinaka-excited sa lahat. Tumabi siya sa akin pagkalagay niya ng bag niya sa itaas.

"Hindi ko kinakaya besty! Hindi pa nga ako nakatulog kagabi kasi you know, kailangan ko ng beauty rest para naman mahumaling sa kagandahan ko si Kenzo babe!"

Tunawa ako. "Iba ka talaga. Idol na kita. Hahamakin mo lahat para sa crush mo e."

"Oo naman 'no! Mababaliw ako kapag hindi ako nakasama. Kahit nga water girl, papatusin ko makasama lang ako 'di ba? Saka support mo nalang ako bestfriend tayo e.

"Ano pa nga ba? Narito ka na e. Saka masaya din naman ako kasi kasama kita."

"Yeee! Pero besty, may plano tayo ha?"

Kumunot ang noo ko. "Anong plano naman 'yan?"

"Mamaya pagkatapos ng game nila Kenzo, aabutan ko agad siya ng water saka towel. Tapos asarin mo ako sa kaniya ha!"

Nagpokerface ako. "Grabe, Ciara. Desperada ka na talaga."

"Eee! Basta besty ha! Saka dapat lagi mo ako asarin na may crush ko yata si Kenzo ganern, tapos ako syempre ngingiti lang ng pabebe kunwari naiinis. Tapos sasabihin ko, luh parang sira! With matching rolling eyes pa."

Hindi ko kinakaya ang kaibigan ko. Iba na talaga ang level ng kabaliwan niya.

"Sige na besty!"

"Oo na!" Sabi ko saka bumulong kay Ciara."Sa isnag kundisyon."

Kumunot naman ang noo niya. "Ano naman?"

"Ganunin mo din ako kay Enzo." Nahihiyang sabi ko.

"Ay letse ka! Maka judge ka sa akin tapos ikaw din pala. Hay naku, besty talaga tayo. Besty na kapwa umaasa. At besty na mapagpanggap at planado ang lahat!" Hunagalpak siya ng tawa.

Nanlaki ang mga mata ko nang sumakay na sa bus sina Enzo.

Kinurot ko sa tagiliran si Ciara. "Andiyan na sila. Behave na." Mahinang sabi ko.

"Oo nga, mashaket besty!"

Umayos ako ng upo. Ayokong makita ni Enzo na maingay ako. Kailangan babaeng babae na may class. Kailangan dalagang dalaga ang pagkakaupo ko para attractive.

"Hi, Reiko!" Bati ni Renzo. Napaka cheerful talaga niya. "Groufie!"

Hindi man lang ako nakapose ng maganda. Grabe talaga si Renzo. Ang hilig niya talaga magpicture.