لم أعش طفولتي

البارت الخامس

بقلمي زهراء علي 😘

مساء الورد والياسمين

على احلى متابعين

يوم جديد 

ما بين الحزن  والأسى
يوم  كباقي الايام الألم يكون 
سيد الموقف  فيه

كعدت  الصبح  كلعاده 
علمود اسبح قبل لا اروح
للمدرسه

كان اول يوم الي بلسادس
احس  روحي حيل كبرت
بهاي الفتره
احس اني  مو سادس
ابتدائي يكول سادس
إعدادي

دخلت المدرسه استلمت
كتب السادس
وطبعااا ما درسنه
لان اول يوم
نكضي  بس تعارف
المعلمات  تسئل على
الأسماء
البنات الي بلشعبه
وكلمن  تكوم  تكول
اسمهه
واكو  بنات اجن  جدد النه

كانت ضمن النبات  النقل
ابنيه  من اهل بغداد  اسمهه
ايات

ابنيه حيل حبابه
ومثقفه  وشكلهه مرتب

عندي  صديقه مقربه 
الي حيل اسمهه نور

اتفقت انو تمر عليه
باجر للبيت  وروح للمدرسه 
سوه

رجعت للبيت كنت حيل تعبانه
مااكلت
رحت نمت

اكعدت العصر امي
كلعاده بس الاهاين منهه
احصل
كمت اتعاشه انو
احجي وياهه
واحاول انو ماانجمع
وياهه بنفس المكان
اجه الليل اعشق ضوء
القمر النجوم
احس بي جزء مني

الليل احب غموضه
لان الغموض الذي
في الليل
هو جزء من حياتي
لان حياتي يملئها 
الغموض

يقولون  لو علم الجميع

بماذا يخبئ لهم القدر 
أو علمو  المستقبل 
لتجنبو  الكثيرررررررررر
من أفعالهم
في الماضي.......

دوامي عصري
اليوم
كنت  متانيه  تجي نور

امي كانت بلمطبخ 
صار  بينه  كلام
كلت  لهه  انو
انتي  بحياتج
مافاهمتني 

هيه ضاجت  هواااااااااااي
من الكلام
وضلت  تصيح عليه بلبيت

وتسب  و تصيح  ام البول ام كصه الفكر
الي على عينهه  ما شفت  الخيرررر

اني هيه تحجي واني بس دموعي 
تنزل على خدي

بهاي الفتره  اندك الباب
باوعت  نور صديقتي 

بالباب
مسحت  دموعي وفتحت  الباب
دخلت نور 
وياريت  ما دخلت
امي كدامهه وتكلي
ام البول كدامهه
حيل اني 
تفشلت
كدامهه 
حيل

رحنه اني وياهه
للمدرسه  والطريق 
كله تسئل بيه
انو امج  ليش
هيج كالت 
ما عرفت 
شنو اكول الهه 
كلتلهه  امي مريضه
ليهيج تحجي 
مامنتبهه  لنفسهه
وسديه الموضوع  وياهه
دخلنه للمدرسه واني كلبي نار
والسبب كله امي
مااعرف شنو انطيهه
من مبرر 
هيه امي بس ليش هيج
تسوي بيه
مااااااااااااعرف
كملت اليوم بطلاع  الروح
لحد ماكالو للبيت روحي
طلعت وحدهه
واني بلطريق  للبيت
كلت اكيد امي حاسه
هسه بلندم  لان فشلتني
كدام صديقتي
بس
لا والف لا
ارجعت الكيتهه 
نفس ماهيه
اي تعابير بوجهه
توحي للندم  ماكو
بالعكس واكفه  بلطرف
مالت الحايط  وصارت
تباوعلي  وتكلي اليوم
حلوه من فشلتج  وفضحتج
كدام صديقتج 
اني اسكتت
ماحجيت
اي شي
والصمت كان هوه جوابي الوحيد
لسؤالهه
مانمت لان كلبي حيل محترك
مااكدر انام ابد
اكعدت وره البيت 
وعيني صدت  باسمه
وبس ابجي
واكول ليش هيج
اني شنو  سويت
حته اتعاقب  هيج
ظليت بس ابجي
ودموعي  هنه وحدهن يشرحن   وضعي لربي
اجه بابا سلمت عليه وكعدت  اتغده
بس قسما
بذات الله
سم يدخل الي مو اكل
اجه الليل فرشت لروحي
اصلااااا تعودت على هذه الروتين  انو
افرش لروحي واغسل  ملابسي  وحدي ...........
وكل هاي الامور.....لوحدي اسويهه

اتفاجئه بأمي انو مسويه الي مشمع 
الي ما يعرف شنو داحجي راح اوضح اله
هو لايلون ويحطو بقماش
صدك خليته فوك افراشي
وخليت  راسي على المخده 
وبدت دموعي تجري  على خدي
واكول ليش هيج اني
على شنو دا اتعاقب 
حته صديقتي درت بمرضي
شنو ذنبي امي هيج تسوي بيه

الدمعه التي نزلت من عين فاطمه
من الطفله  التي حرمت من طفولتهه
دمعتها كانت تحكي ألف  حكايه
عن معاناتهاااااااا
والتي تسبب بنسولها
أقرب انسانه
لها .
الإنسان  التي يجب أن تكون صديقتها
قبل أمها
لكن  للاسف  فاطمه لم تجد فيها
لا الصديقه ولا الام
التي يجب
أن تحفظ عندهاااااا
الاسرار 
لكن فاطمه
تحتفظ باسرارهاااا بوسط قلبهاااا ولا تحكيهااااا لحد
لسبب لا تقول لامهااااا
يا ترا
لماذا لا تقول وماهوه والسبب
وهل يصبح لفاطمه شخص تحكي له
اسرارهاااا
وماعاشته 
وهل سيحس  شخص
بمعاناه فاطمه
الى هناااااااا

أستودعكم الله
😘

حبايبي رجاءااااااا صوتو
لان اني كاتبه جديده
ومحتاجه  دعمكم
😍