بقلمي زهراء علي 😘
مساء الورد والياسمين عليكم يا احلى متابعين
حياتي واي حياه هيه اكملتها ب الدموع والحزن
لااحد يعلم بحالي غيرك ربي الذي اناجيه في كل شده
من كال بابا هيج اعرف انو اليوم اخر يوم الي على الأرض
وما كان الي امل واي امل اتمسك به وانا أرى
موتي لامحال له
يتكلم وكل الشر يخرج من كلامه
لم يكن لي بصيص امل ولا حتى بقدر
بذره
كل تفكيري كان هو الموت
وفعلن أخذني للبيت بس لكيت ماما ما طالعه
وباقيه ب البيت دخليت وظربني خله الدم ينزل من حلكي و شفتي
كمت اركض ال ماما
علمود تحميني بس للاسف خيبت آمالي بيه
هههههههههه هههههههههههههه
عادي هاي مو المره الاوله الي تجرحني
لارا ما نسى موقفهه هيه وسيف
ظلو يبجون ويميلون بابا عني
اهنا صدك حسيت عندي اخوه واكفين بجانبي
بابا من شاف لارا وسيف هيج كال ال ماما
اخذيهم وروحي ال بيت اهلج احسن ماتشوفون
شي ما يعجبكم
ماما كالت يي يي طالعه
حاولو يميلون سيف ولارا عني بس هم فديتهم
ما يرضون
بابا عصب وشالهم شيل
طلعو واحس روحي طلعه وياهم
احنه بمجتمعنه البنت مظلومه وهواي
اجوه اهلي والعشيرة مالت بابا
اني هنا استسلمت لقدري
وكلت عادي خلي يقتلوني واني ارتاح احسن
من هاي العيشه الي عايشتهه
اجو اعمامه واحد ظربني راشدي والثاني
دفرني حسيت اظلوعي تكسرو
واني مو سمينه كلت يارب خلي يظربوني طلقه وارتاح
ولا هذه الظرب الي جاي اخذه
استسلمت للقدر ولم ائمن بئنه سوف ينقذني
لكن كان للقدر رأي آخر
معي اول ما خلو المسدس ب راسي
اني تشهدت وغمضت عيوني
بس دموعي ما منعتهم من النزول
يردون يرون عليه
فجأة دخل شخص وكال لا لا ترمونهه
وفعلن ذبو السلاح من يدهم
وتركوني
اباوع للولد تعبان كلت اكيد جاي ركض علمود ينقذني
كالو اعمام ابويه ال ابويه خلي زوجتك تجي هسه للبيت
خمس دقايق ب الظبط واجت ماما ولارا وسيف
شافوني لارا وسيف وظلو يبجون ويبوسون بيه
اني على كعدتي والدم ينزل مني
وماتكدر اكوم
كالو ال ماما هاي ظل محبوسه ب الغرفه وماتطلع
لارا اهنا ظلت تعيط بيهم شنو هيه حيوان حته تحبس
من عياط لارا وسيف كالو خلوهه بس ما تطلع للباب مالت البيت
طلعو كالو ال بابا لحكنه للديون يعني للمظيف مالت
العشيره
طلعو وبابا يصيح أخ أخ منج والله لو مو
اني ما عرفت منو الي ادخل ونقذني وليش الكل ظل ساكت من كال لهم الفلان بل باب
طلع بابا وظليت اون من الألم لارا وسيف كوموني
ودخلوني للغرفه وماما ولا هامهه شي
بدت ملابسي ولارا جابت مرهم ودهنت الجروح
وره شويه اتصل بابا على ماما كال الهه
راح اجي اخذهه للعشيره
يردونهه اني متت خوف لاياربي راح يرجعون يقتلوني
لهنا انهي البارت لليوم لا تنسون التصويت 👍
وشاركوني آرائكم
واذا اكو اي خطأ
اعذروني لان مريضه
لا تنسوني من دعائكم
وكثفو التصويت على مود انزل الكم بارت بليل
هذه البارت مفاجأ علمود عيوني الي كالو نزلي
أنت تقرأ
لم أعش طفولتي
Детектив / Триллерالطفوله هيه الابتسامات الضحكات هي ايام المرح اللعب هي اجمل الايام التي يعيشها الإنسان 😊 الطفوله هي الشي الوحيد الذي نتذكره حينما نكبر لان كل ما عشناه بها عشناه بكل التفاصيل ............... لكن اليوم احب...
