[ طبـيـبـة الـحـب ❤ ]

البارت الـ16 من رواية [ طبيبة الحب ❤ ]

مياسين: ي غيبتك ي توتو بنخبرك خبرين 😽😭😭

اني : شن؟

مياسين: انخططبببتت 🙈

اني : كداااابةة 😻😻 م تقوليش ايمن 🙊

مياسين: اي 🙈

اني: وبااه والخبر الثاني؟ 😹❤

مياسين: بنخطبوا  اعفية لعوبا 🙊😹❤

اني: اااااه 😳😳 كييف صار؟

مياسين: والله ماما مشت لحوشهم بتعزيهم وعوبا داويلها عليها ولما وصلت اعفية للعزي امك شبحتها عجبتها وبيصير يلي بيصر 😹😹💜

اني: وحق ربي راعشتوني البنية م ليها ساعتين مسلمه عليا امتى وصلت زين وامتى عجبتهاا ماما الله اكبر عليكم الصراحه 😹😹☹💔

مياسين: راگ تحسدينا بس 🙊😂 وبنديروا العرس مع بعضنا 🙈

اني: ي كلبة الكلاب حسستيني اني صاحبتك اتخبري فيا رااه اني بنتكم افهموا شكلي بنروح بكرا اتخططوا من وراي 😭☹💔

مياسين: ابدداا الا توتو مزال ي قلبي حتى  التلبيسة ليين تاخدي اجازة او تروحي 😹💋

اني: ايوووه هگ باهي 😂💗 وباااه كملي ....

قعدنا انهدرزوا وتحكيلي ع خطيبهاا عريس الغفله 😹 الكلبة هادي ربي يكمل عليهاا 🙈🌸

نضت من البوفيه قعددت انفكر لمن بنعدي ☹
اعفيه وسافرت لليبيا وتقوى روحت لمصر 😭💔

قلت بنعدي انكمل علاجي مع وائل وخلاص ❤

خشيت للدار ..
ومعايا طيارة ومراة وراجل 💗

اني : هاا شن جوك توا

وائل:  الحمدلله

اني: عارف 88% من الحالات النفسية من قلة الكلام
وائل: كيف قصدك؟

اني: اي يبدوا في داخلهم هللباا من الكلام وم يبوش يتكلموا ف كل يوم تمشي معاهم العاده هادي ليين تركبهم زي الحاله يخافوا من الناس 💔

وائل: حقااا؟

اني: اي هي تكلم معاي انت شن يلي خلاك توصل هنا

سكت وم باش ينطق اي حرف اصلا كنت واتقه انه مش هيتكلم لان هكگ هما احيانا هم بروحهم مش عارفين السبب 💔

قلتله تماام اقعد ساكت 🍃
وطلعتله الطيارة وحطيت وسطها المراة والراجل ☹
وبديت انحرك فيهها ف الهواء ونمايل فيهاا 💔

اني: شوف خلينا نفرضوا هادم امك وبوك باهي هما توا في الطيارة ويبوا يسافروا توا هما مش عارفين روحهم يوصلوا او لا لو طاحت بيهم الطيارة مش هادا قضاء وربك كاتبه ولازم ترضى بيه؟

وائل: اي هادا من ربي ولازم م نعترضش عليه

اني: اهاااا اهو قلتها يعني مقتنع

وائل: اي

مايلت الطياارة ليين طيحتهاا 💔

اني: هاا شن بتقول توا 💔

بداا يبكي لييين بعبرته ☹💔 وقال ..
وائل: ربي يرحمهم ويجعل مثواهم الجنه ❤

اني:  ياارب 😭

شوي وخش مريضي محمود 💗

محمود: تدوو عليا قالوا ؟😏

اني: من قال 😹

محمود: عارفكم تقرموا عليا راه غير بلاش حلف 😹😠

وائل: ودامك عارف ومتأكد ليش تسأل 😹😹😉
وخيرا وجهك عرق وحاله ؟😹

محمود: تيي اسكت كنت ندرب بنضربك لعبت كارتي 😂

وائل: ادرب زين باهي 😂

اني: 😹😹

بدينا نهدرزوا وجوو وضحك 😹💛

شوي وخشت الممررضة وقالت في زائرة جايه تبي محمود 🍃

قلتلها هي جايين
طبعا مرت بوه 💔

طلعتلهاا

اني: اهلا

مرت بو محمود:  اهلين انتي دكتورة محمود؟

اني:  اي اني

مرت بوه: وينه هو اني جايه بناخده 😒

اني: نحسابه جاك؟

شوي ونسمعوا في هرجه 💔

مشينا لقينا 😳

يتبع ...

زعما شن لقوا الدكتورة تولان ومرت بو المريض محمود وهل يكون الشي متعلق ب محمود؟

استنوني في البارت ال17 💜

H, Ad 🌸🙈