عشق الخمسيني
بقلمي(وردة الجوري)
السلام عليكم خلي اعرفكم على نفسي اني ايوب وعمري 51سنه اني مهندس خلي احجيلكم عن بدايه حياتي من جان عمري 16 سنة
......ايوب ولك ايوب تعال اصبر شويه
ايوب...ها يوم اش رايده كولي بسرعه
ام ايوب... تعال روح جيبلي كيلو طماطه وكيلو باذنجان
بسرعه اريد احضر الاكل كبل ما ابوك يجي
ايوب... اي يوم جيبي بسرعه الفلوس اصدقائي راحو عالملعب
ام ايوب... هاك يمه روح الله يحفظك
ايوب
طلعت من البيتنا اروح اجيب طماطه احنا مأجرين بيت بمنطقه فقيره كلش لان ابويه جان من عائله فقيره اتزوج امي الي جانت جيرانهم وره زواجهم بسنتين جدي مات وقبلها جدتي جانت ميته وجان على جدي كومه ديون فجان مجبور يبيع البيت باع البيت و وفه الديون فاجر بيت صغير وهسه احنا كاعدين بيه عندي اختين شهد وشروق وعندي اخ واحد اصغر مني بسنه اسمو جعفر هو عاف المدرسه وكام يشتغل عامل بمطعم وخواتي وحده متزوجه الي هيه شروق وشهد هاي صغيره الدلوعه رحت عند المخضر اشتريت المسواك ورجعت عالبيت وراها طلعت عالملعب لان راح نلعب طوبه اكو واحد من اصدقائي عدهم فلوس هوايه هو اقرب واحد اليه دائما سويه ابد ما يتحسس مني لان اني فقير واني هم ما احسسو انو احنا حالتنا صعبه دائما اكول الحمد الله على كل حال
حتى بالمدرسه احنا بنفس رحله نكعد ونتنافس منو ياخذ اعلى درجه اسمو عمار
ابد اني ما اروح على بيتهم ولاهو يجي من نريد نتشاوف نروح عالملعاايوم من رحت شفت سياره جت سياره كلش حلوه واسود نزل منو عمار لمحت بنيه بالسياره بس ما دققت لان عيب اش راح يكول عليه عمار اذا شافني اجا وكمنا نلعب خلصنا لعب وكلمن راح على بيتو رجعت عالبيت شفت امي مسويه تمن ورك باذنجان ابويه جان راجع من الشغل يشتغل حارس بالمستشفى واني بالعطله اشتغل عماله
كعدنا اتغدينه وابويه جان راجع من وكت لان جان مريض وره غده الكل نمنا العصر كمت علمود اقره لان باجر عندي امتحان رياضيات اني بصف رابع علمي
مشه الايام نفس الروتين ماكو شي جديد
بيوم من الايام واحنا عنلعب وكفت سياره نفس سياره ابو عمار عمار وكف اللعب نزلت بنيه جانت تقريبا اقصر مني بشبر وشعرها قصير جوه اذانها لونها اسود وملامح وجهها حلوه عمار راح يمها حجو شويه ورجع عمار يمي
عمار ... ايوب حبيبي اني راح اروح لان ابويه اخذوه عالمستشفى
ايوب... وييي عادي روح وطمني على ابوك
عمار... انشاء الله يلا فمان الله
ايوب ... فمان الله
اندار يروح رفعت راسي شفت البنيه ادحك عليه ابتسمت وهيه هم ابتسمت نزلت راسي خجلت هاي اول مره ادحك على بنيه وابتسم الها حسيت بدكات كلبي اتسرع عيونها جانت كلش حلوه الله يحفظها راحو همه
واني رجعت عالبيت
مرت الايام ما شفت البنيه بس دائما من انام بالليل اتذكر ابتسامتها وابتسم وادعي انشاء الله تكون من نصيبي
بيوم من الايام جنت راجع من المدرسه شفت نفس البنيه هي ما شافتني بس اني شفتها وكفت وهي جانت تمشي باتجاهي .....
يتبع
هلو بنات هاي اول بارت اعرف قصير بس عدنا خطار ابيتنا انشاء الله باجر انزل بعد
علقولي ودوسو لايك ..
