عشق الخمسيني
بقلمي( وردة الجوري)
ايوب بالليل رحنه عدهم استقبلونه شربنه جاي ابوي بده يحجي
ابو ايوب... ابو عمار اليوم احنا اجينا طالبين ايد بنتكم لابنه و اي شي تريدوه احنا حاضرين
ابو عمار..
انصدمت من طلبهم اني مستحيل انطي بنتي لابنهم احنا مو من نفس مستواهم مستحيل يكدرون يعيشون بنتي نفس عيشتها ابيتي
واصلا قبل اسبوع اخويه طلبها لابنها دكتور جامعي واني وافقت لان ابن اخويه جدا محترم
... والله ابو ايوب ما اعرف اش اكلك بس انت تعرف كلشي قسمه ونصيب بس بنتي قبل اسبوع احويه طلبها وانت تعرف ابن العم اوله بالبنت وانشاء الله ايوب يلاكي بنت الي تسعدو طول حياتو
ايوب..
اش احجي اش اكول انصدمت عمري ما فكرت بهاي شي استحيت من ابويه هم لان جبتو واتفشل اني عبالي راح يوافقون دنكت راسي ومحجيت شي
ابو ايوب... صح كلامك خويه كلشي قسمه والله يوفقها
يلا ابني اتاخرنه
ابو عمار.. اكعدو بعد وكت
ابو ايوب.... لا والله مستعجلين لازم نروح فمان الله
ابو عمار... فمان الله
طلعنه من البيت ابويه محجه شي واني محجيت دخلت عالبيت راسا رحت نمت ما حجيت ويه اي احد كلش ضجت وانقهرت حسيت كلبي وكف اسودت الدنيا بوجهي الصبح كمت اتريك
ابو ايوب... ابني لاتضوج كلشي قسمه هسه ادرس واشتغل وانشاء الله تلاكي بنت الحلال
ايوب... لايابه مو ضايج اصلا بعد وكت علما اشتغل بعدين افكر بالزواج
ام ايوب... ابني والله الا اخطبلك احلى بنيه
ايوب... انشاء الله يوم
ايوب
خليت كل فكري بالدراسه امتحنت وزاري خلصت طلع النتائج الحمد الله ناجح ومعدل عالي قدمت قبلوني هندسه
عمار هم نجح بس هو معدلو اعلى قبلوه طب
عمار وره ما رحنه خطبنن اختو زعل مني كلي ليش كا كتلي كتلو ردت كبل اجي اخطب احسن وما صارت قسمه الله يوفقها
رجعنه اصدقاء مثل قبل الحمد الله بس ولا يوم طلعت من بالي نوال دائما اتذكرها اتذكر عيونها وابتسامتها اتذكر شعرها
حبي الها ما اتوقف ابدا حبيتها حب مجانين هسه تكولون اشون هيجي تحبها وانتو اصلا ما كاعدين سوه ولا كن حجيتو مع بعض كثير
اكوللكم الحب مو بالحجي ولا بالكعدات الطويله اني حبيتها حب بريئ حب صادق حب حقيقي مستحيل اي وحده تاخذ مكانها داومت هندسه واتخرجت طبعا ما تعينت لان الهندسه بالعراق ما عدها تعيين
بهاي الفتره ابويه كعد بالبيت لان تعب كثير بعد ما يكدر يشتغل واخويه فتح مطعم صغير وشغلو ماشي واختي اتزوجت اني كمت اشتغل بشركه اهليه عمار شافلي هاي الشغله
مره سمعت نوال اتزوجت وزوجه اخذها وسافر ما عرفت اي بلد انقهرت كلش ما عرفت اش اسوي من وره قهري رحت كلت لامي اريد اتزوج
اعرف استعجلت وراح اظلم البنيه الي راح اتزوجها بس شسوي امي ظائما جانت تلح عليه بس هسه كلت هاي هيه خلي اتزوج ما اتوفقت بالحب عالاقل يصير عندي اطفال
هذا الي صار اتزوجت بنيه حبابه اسمها نور اصغر مني بخمس سنوات حبتني كلش بس اني ما كدرت احبه بس ما جنت مخليتها تحتاج شي احترمها واقدرها وادائنا استشيرها باي شي اسويها هيه تعرف قصتي كلتها حجيتلها كلشي كالت اكيد راح يجي يوم وتحبني صار عدنا ولد سميتو محمد اتعلقت بيه كلش
ايوب ... نور تعالي بسرعه وينج
نور.... ها حبيبي كول اش تريد
ايوب ...تعالي غسلي لمحمد شوفي اشون موصخ نفسو
نور... اي هسه
جنه عنحجي وسمعت صوت امي صرخت بصوت عالي نزلت اشوف اش اكو شفت ابويه واكع بالهول
شلناه وديناه عالمستشفى مع الاسف مالحكناه لان جان ميت سوينه الفاتحه عمار وكف ويايه وكفه بحياتي ما راح انساها
خلص الفاتحه الحياة راحت من هالبيت ماكو فرح ماكو ضحك ابويه جان حنين كلش علينه
كل اسبوع نسوي كعده تختم القران وثواب على روحو
مرت الايام حالتنا صارت زينه لان اني واخويه نشتغل وره سنويه ابويه اخويه راد يتزوج بنيه تشتغل بالمطعم امبين يحبون بعض فرحتلو الله يوفقو
رحنه خطبناها وافقو انشاء الله يوم الخميس الخطوبه
....
يتبع
اليوم من وكت نزلت البارت اتمنى تعجبكم وانطوني رايكم
