💓أرجعت لي نبضي💓
الحلقة الاولي📜
رواية حقيقية 💯✔
بسم لله ادعموني حبايب قلبي نحبكم بزاف 💚
____________________
نضت الصبح علي تشرين المنبه ⏰متع النقال صليت ولبست ع السريع 👖👕و طلعت لقيت امي👵 كيف موتية الفطور 🍞☕قعمزت فطرت انا وياها ربي يحفضها 🙏
انا: هي ميمتي 😊ما تبي شيئ"
الام: ربي يفتحها في وجهك☺ وين ما تمشي يا وليدي "
طلعت لبست كبوطي وسبيدرويا 👟وولعت السيارة🚗 راجيتها لين سخنت وطلعت 💨
وبعد دقايق 🕥وصلت مكان شغلي نخدم في مصنع قص الرخام عيشة ممرمدة مش زي اندادي💔 كلهم بشهاداتهم 📃💔 خشيت علقت كبوطي ولبست قامجو الخدمة💢 وسلمت ع الشباب 👋يلي معايا وبديت نخدم زي كل يوم ممل 😒ومشيها خدمة بعد ما كملت دوامي مع المغرب🙄
روحت 🚶لي الحوش اول🚪 ما خشيت لقيت امي و خواتي الاتنين👩👩 وحدة تبكي 😭و التانية تصبر فيها و التالتة شادة تلفونها 📱وتتصل 📞شفتلهم😦
انا: خيركم شن😧 في "
الام: باتك يا وليدي😦 ليه من امس الصبح ما روحش "
انا: شنووو باتي 😧ليه قريب يومين مروحش 😱شن تقولي وعلاش اني اخر 😡من يعلم علاش ما قلتيش اليوم مش فاطرين😡 مع بعض "
أيمان: توا مش وقت عراك😠😒 شوف باتك وين "
انا: ايه مش وقت عراك 😡وقت نضحك 😡وخلاص تي شن هـ العيلة هده صبرك يا😩 ربي وخلاص يا يام😡 انتي اخر مرة كلمتيه وين قالك"
الام: قالي اني مروح😭 من عند صاحبه"
تنهدت وخديت تلفوني 📱وبديت نتصل علي👥👱 اصحابه وكل معارفه عمامي وخوالي بالك مشا عندهم 🏃قعدت قريب 5 سعات وانا ندور💔 فيه لما عجزت خلاص قعمزت بـ قلت حيلة 😩😔شن نبي ندير
شوية وجاني اتصال رفعته طووول ورديت📞
انا: الو من 😐😩معاي "
مجهول ...:👹 ............😈☠ة
________________________
آسف قعدت نحكيلكن ع حياتي الغبرة 💔نسيت معرفتكمش ع عيليتي💔
انا: اسمي أمجد عمري 26. سنة طويل وعريض اسمر حاجة بسيطة عيوني بنيات فاتحات وشعري قصلي به به😂 عارف روحي سمح نقشي ع الرقيق عيوني كبار وخشمي مسلوت عندي لحية خفافة لكن توا راخيها يعني كبيرة شوية به😂 ساد من الوصف عن نفسي😍
عندي اخ واحد واختين متجوزات😐
خويا ناجي: هدا من يوم يومه 💔مش مزبوط حياته ملخبطة متجوز من سنتين لكن معنداش صغار❌
خواتي إيمان وهدى متجوزات. وعندهم حتي صغار😍
وباقي الشخصيات تو تتعرفو عليهم مع الرواية عطيتكم بس وصف عيلتي 😊
___________________________
•
•
اهلا يا غوالي👋
روايتي الجديدة😻
انشالله تعجبكم😘
الحلقة الاولي قصيرة ✋
لكن الحلقات الجاية☝
رح يكونو طواال😉
ادعموووني وديرو تاق🙏
اصدقائكم يتابعوها👍
نحبكم كومايات😍
💚💚💚💚
•
•
•
للكاتبة :Memo 🌺
أنت تقرأ
💓أرجعـت لـۓ نبضـي 💓 (مكتـملـة)
Teen Fictionروايتي حقيقية 100%💔 بقلمي اني. Memo _ Queen. يلي هي نفس. Maloka تحكي علي شاب عيشته مش زي انداده عاش حياة صعبة انغدر من اقرب الناس ليه خلاه يتغير 360° اصبح شخص تاني ضميره مات الرحمة عنده انعدمت لكن في شخص بيقتحم حياته وبيخليه يرجع كيف ما كان تتوقعو...
