💓 أرجعـت لـۓ نبضـي 💓
قصة حقيقية💯
الحلقة الخامسة عشر 📜
تفاعل غوالي قلبي 😍
_________________________
نهضها لي الصالون وحطها عليه وقعد مقعمز يراجي فيها تنوض
أمجد: يا ربي ضروري نعجل في علاجها 💔"
وبعد فترة رجع لي أميرة وعيها وفتحت عيونها لقت أمجد مقابلها
أمجد: انتي بخير 💔"
هزت أميرة راسها بمعني اي
أمجد: نوضي ألبسي خلي بنمشو لي الدكتور "
أميرة: لا بس نبي نرقد حطني في الدار🤒!"
اسندت عليه وحطها في الدار وطلع قعمز في الصالة
شوية وخش لي الدار لقاها راقدة خدا حواجه وفلوس وطلع
كلم سمر خالتها تجي تقعد معاها وهوا بيمشي لي أحد الدكاتره
ركب تاكسي وقعد يلف في المستشفيات و العيادات لين لقا وأخيرا دكتور عربي لانه زي ما قلتلكم مش متعلم شيء💔
خش لي العيادة و الدكتور كان تونسي لكن يتفلسف مرة مرة با العربية الفصحي 😹الدكتور: اي تفضل من شن تاعني المريضة "
أمجد: انا الحق يا دكتور من لما نضت جيت طول ندور علي دكتور لي مشاكل الصرع ويكون عربي ويفهمني و الحمد لله اهو لقيت "
الدكتور: تفضل يعني شن السبب يلي صاير "
أمجد: أني عندي زوجتي تعاني من الصرع 😔"
الدكتور: اي به "
أمجد: وفي الفترة الاخيرة نوبات التشنج العصبي يلي تصيرلها أطول يعني بدال ما تبقي 5 دقايق تقعد حتي ب 15 دقية وأكتر 😢💔"
الدكتور: اوووه هدا شيء خطير فعلا "
أمجد: به يا دكتور كيف الحل عطيني حل ره منقدرش خايف نخسرها 💔"
الدكتور: يا ولدي هي ضروري لي عملية لو مطلعش عندها ورم في الدماغ حنديرولها الصورة قبل كل شيئ باش نعرف نوع العملية يلي بتصير "
أمجد: يعني أحتمال عندها ورم 😳💔"
الدكتور: هديكا حاجة من ربي اني مش محددلك لكن موعد اول جلسة انشالله بتاريخ12/24 "
أمجد: يعني بعد شهرين 😐"
الدكتور: اي بعد شهرين بزبط تجيبها ولازم تنتبه في الشهرين هادم تهتم ب أدويتها و بنومها تجنب انك تعصب عليها ولا تخوفها ولا تتوتر من حاجة لانه هدا كله يأتر عليها 😊"
أمجد: انشالله يا دكتور 💔"
خدا رقم الدكتور وطلع ويفكر لو انه بجد يطلع عندها ورم حس روحه مخنوق ميبيش تصيرلها حاجة لانها هي الوحيدة يلي قعدت معاه
أنت تقرأ
💓أرجعـت لـۓ نبضـي 💓 (مكتـملـة)
Teen Fictionروايتي حقيقية 100%💔 بقلمي اني. Memo _ Queen. يلي هي نفس. Maloka تحكي علي شاب عيشته مش زي انداده عاش حياة صعبة انغدر من اقرب الناس ليه خلاه يتغير 360° اصبح شخص تاني ضميره مات الرحمة عنده انعدمت لكن في شخص بيقتحم حياته وبيخليه يرجع كيف ما كان تتوقعو...