💓 أرجعت لـّۓ نبضي 💓
قصة حقيقية 💯
الحلقة الرابعة عشر 📜
عسولاتي أسفة ع التأخير لانه عندي ضروف قراية وتاني حاجة أحداث الرواية يعطلو امتي يجوني وحنطول الحلقات وانشالله تعجبكم ورربي يحفظكم علي تفاعلكم في الحلقة يلي فاتت 💛
يلا سموحاتي تفاااعلكم 🙈💚
________________________________
كانت أميرة غارقة في الكوجينة حطت الغدا ومشت ترتب في الشناطي
كملت وتت الحوايج و بعدين حطت شن بتلبس هيا و أمجد وتتهم وحطتهم جنب بعض ❤
ومشت تكمل في الغدا وتت كل شيء وقعدت تراجي مقعمزة وتفكر وين بتمشي وشن بيصير وكيف حيصير
شوية سمعت الباب يطق ناضت فتحت
لقاته عماد واستقلابه با الاحضان وخشو قعمزو في الكوجينة علي الكراسي
عماد: كيف حالك وحال راجلك 😊❤"
أميرة: الحمد لله كويسين "
عماد: اي سمعت بتسافرو 😁"
أميرة : اي مش عارفة اني زي الاطرش ب الزفة 😔"
عماد : مش حتندمي دامك تجوزتي أمجد يا ميرو كوني سنده ومتخليهش لانه هوا يدير في حاجات علي خاطرك 😊💛"
أميرة: 😐💓انشالله 💓"
عماد: اي شن دايرة الغدا 😁"
وسمعو باب الحوش انفتح
أميرة: هدا أكيد أمجد ❤"
وجت بتنوض شدها عماد
عماد: اقعدي تو أمجد يجي 😅"
أميرة: خلي نشوفه مرات يبي شيء "
عماد: تي لا لا مايبي شيء اقعدي معاي تو انتو شوي وبتسافرو 😅"
أميرة: حق تو شوية وبنسافرو 💔 خلي نحط الغدا باش طول يجيئ ونتغدو ❤"
عماد: اي اي 😁"
وتت أميرة السفرة وحطت
كانت مدايرة كسكسي ومفتلكاته يشهي حطت فواكه و مشروب ومشت بتنادي أمجد و عماد يدعي انه يكون نضف روحه من الدم
طقت أميرة ع الدار ولقاته كيف طالع من الدوش وشعره قاعد كله أميه حاط المنشف علي كتافه وينشف 😍
أميرة: هيا كان بتتغدي 😁❤"
أمجد: هي جاي 💓"
طلعت أميرة وقلبها يطق 💓
(أمجد)
روحت وكيف فتحت الباب وخشيت سمعت أميرة و عماد يتكلمو خشيت نجري لي الدار بسرعة وفتحت الدولاب طلعت حوايج يلي قدامي وخشيت فرار لي الحمام
بعد دوشت طلعت وكنت انجفف في شعري شوي سمعت الباب يطق لفيت لقيتها واقفة
ياااربي كيف يصير هكي تي نحبها وربي لما نشوفها نحس انها دنيتي يلي عايش علي خاطرها
أنت تقرأ
💓أرجعـت لـۓ نبضـي 💓 (مكتـملـة)
Teen Fictionروايتي حقيقية 100%💔 بقلمي اني. Memo _ Queen. يلي هي نفس. Maloka تحكي علي شاب عيشته مش زي انداده عاش حياة صعبة انغدر من اقرب الناس ليه خلاه يتغير 360° اصبح شخص تاني ضميره مات الرحمة عنده انعدمت لكن في شخص بيقتحم حياته وبيخليه يرجع كيف ما كان تتوقعو...
