مساء الخيرات
عدلت شوي على اول قصة الي
وعدت نشرها
الى صديقاتي الي شجعوني أن أحاول كتابة قصة
وكلماتهم الرقيقة الي دائماً تجعلني مستمرة في الكتابة
لكم من قلبي كل الشكر وربي لايحرمني منكم
أتقبل أرائكم
ولكم مني كل الحب❤️
جلست على تلك الدكة الموضوعة في وسط الحديقة الخلفية للكليه ..
الي تكون بين القاعتين الكبيرتين..
ورائحة الورد تبعث بالطمئنينه..
التي غادرت قلبها..
وهي متمسكة بدفتر خواطرها
حيثما تذهب تأخذه معها
كأنه قطعه منها
فكل أحاسيسها ومشاعرها وتخيلاتها
فيه
الدمع متجمع في عينيها
وهي تذكر
"يا أيها الغريب حين ألتقيتك
لم أتوقع هكذا سيكون اللقاء
لم أعلم بأني أستطيع أن أحبك
رغم الخوف الذي يعتريني
أعطيتني حصانه بالامان
لم أرى مثل تلك العيون القوية
وجمالهما
كل شيء داخلي حين التقيت بهما
نبض"
تكتب وهي تبتسم للصدفه الي التقت بيه ..
من صديقتها عبير الي تربطها صداقة من أيام الاعدادية ..
بس عادت السادس ..
ومياسه نجحت للكلية..
وأستمرت صداقتهم ..
عبير اجت وانا وعلياء و وسن ونورة كاعدات ..
أصرت ان تاخذني وياها لحفلة التعارف لقسمهم المحاسبة والادارة سوا
جر بيه
-ولج امشي وياي مياسه كيك وعصير
غذي الخديدات فديتهم..
-بله هيج شايفتني دبدوبه
- هههه أحلا دبدوبه
زين امشي علياء وياي
علياء..والمحاظرة بعدها بالمختبر..
...لاتخافين تدرين بيه أخاف افوت محاظرة خصوصاً لاستاذ فواز
رحنه وياها كعدنه بالستيج وبدت مراسيم التعارف ..
واحنه نباوع واسولف ويه عبير الي انا كاعدة بنصهن عبير على جهتي اليسرة من رفعت عيني عليها
شفت عيون شخص مركزه تباوعلي
بنظرة مكدرت افسرها..
رجعت دنكت واتصرف عادي
بس كل ماارفع عيني الكاه يباوع باتجاهنه
باوعت لساعتي شفت الوقت
بفزع
-يله علياء راح تبدي المحاظره
باي عبورة ..
كضت عبير ايدي
-ولج والكيك والببسي
-ادري شايفتني جايه علمود الاكل
جايه لان احبج يم العيون العسلي..
همست يم اذني
-والله ان كلتي هذن مو اعيوني اموتج
-لا مااكول بس اذا ضوجتيني اكتب لافته باب قسمج
طلعت من الستيج واريد امشي
وسمعت صوت
-وين رايحين
درت عليه
باوعتله مستغربه
-ميصير اطلعن وما ضيفناكم
-تسلم مانريد عدنه محاظرة منكدر نتأخر
-أمشي علياء
وصلنه يم الباب
واسمع واحد يكول بالسماعه
-يصير أحنه يطلع ضيفنه ومامضيفينه
كلهم كلوله شلون يصير
أنا وعلياء قطرة دم مابقت بوجهنه خجل على ارتباك اجتاحنه
وهوه يباوعل علينه ويبتسم
وانا وعلياء اخدودنه احمرت من الخجل
-كومي ست عبير ضيفيهن
ونزل واحنه واكفات
جان لابس قاط رصاصي بقميص أبيض
ورباط رصاصي وتسريحة مميزة
منطيته هيبة
أجت عبير يمنه وفات هوه
-وين محاظرتجن أنا أحجي ويه الاستاذ
طفرت أنا
-شنو لا أحنه أنروح هذا الاستاذ ميتفاهم
خزرني وابتسامه جامده
-مالج غرض كتلج عليه
-شنو أسمائجن
-علياء ومياسه محاظرتنه بمختبر رقم٣
ورة فترة رجع ويبتسم واجه وكف كبالنه
بعد ماعبير حطتلنه كيك وبصفه جكليتين وعصير
بس من الموقف المخجل انسدت نفسيتي
ابتسم وحجه
- حجيت ويه استاذكم
وكعد بالستيج الي بصفنه
- منو مياسه
التفتت اله
-انا
وهوه ضحك
