مساء الخيرات
باوعيلي
لا أستطيع النظر بهما
فأنا أغرق في بحرهما
يصلني منك
حب بطريقه
غريبة
كل شيء تنطقه
يلامس قلبي وروحي
لكن هل ستكمل حبك معي
هل نكون معاً
دوماً
..شكلتي
..سكتت واريد أبدي بشي ماأدري
رأساً طلعت من حلكي
-ما أكدر
هوه مثل الي انصدم
باوعلي
- شنو شنو ..عيدي..
بس بعصبيه على متفاجىء
بأرتباك
-ما ما أكدر أنت متعرف ظروفي ماأكدر أوافق أهنا كل قوتي أنهارت مع دموعي
أهلي حيل صعبين وأخاف منهم همه يتحكمون بحياتي حتى هاي الكلية همه قدمولي صح بس أنا بنية بس أي شي ميحقلي
جريت شهكتي ومسحت دموعي ودرت وجهي
سمعته
-أنا ماأعوفج ومو سبب ترفضيني
أحاول هالاسبوع أتقدملج وأزيح هالخوف الي بقلبج
درت عليه
- تريدهم يبطلوني ميقتنعون مابينه شي
ويعاندون ويرفضوك حتى بدون ماادري..
هوه مدنك وشابك أيديه باوع لساعته
من قهرتي ضحكت ودرت وجهي
-ليش هالضحكة
-ليش أنت دوم تباوع لساعتك خصوصاً من جنت تسلم عليه
-هالحركه خلتج أضحكين جان من أول مطاحت دمعتج سويتها
أبتسمت
-أروح أنا البنات ميدرن وراح تبدي محاظرتي أتمنى ألتقيك بكل خير
-أوكفي وين رايحة اليوم أهنا تبقين منا لمن يخلص الدوام
-ياتحجي صدك لاحبوبي لا ..بتوسل
ضحك
- حلوة هاي حبوبي ..مخلصت كلامي حتى ترحين وموافقتج حصلتها ..
ويحرك أيدة عليه
-أنتي قفلت عليج
ويأشر على عقله وقلبه
-ساكنه بثنينهم
-يعني شلون والظروف الي كتلك بيها
-أنتظرج تتخرجين وأتقدملج ومالج غرض كلشي عليه
-أنا عدي خوات ٢و٣أخوه ثنين مزوجين ساكنين سوا ..
وخواتي وحدة مزوجه وحدة لا حتى وظيفة عدي أداوم حتى علمود الشهادة ..اي لتباوعين متفاجئة وترا أنا مواليد ٨٠ خلصت معهد وهسه اريد أخذ بكلوريوس
-رأساً كتله يعني أنت هالفترة الفاتت محبيت
باوع كدام وشوي سكت
-ماأعرف أذا أسميه حب أولا بس أنتِ أعيونج وكعن قلبي
وأحس لازم تصيرين اليه ..ليش تردين تكسرين قلبي وترفضين سهل عندج جرحي
تدرين أجى بالي
أغنية هيثم أضعف كدامك بس أنت
وأتمالك نفسي بس سكته
باوعتله
- لتباوعيلي هيج أدري بمشاعرج والنبي بس ضجت من خوفج
-حقك معايش الي أنا بيه
-كافي والله مو حلو ثاني موعد النه هيج صار
-يا يمتى متواعدة وياك
- يله خلي نتواعد على غير يوم
-لا أنسى حبوبي مااكدر دوم أوكف يمك يحجون خلي تعدي هالسنه على خير
ضحك
-ههه هم حبوبي أويلي
-هاي ترا الحجايه متعودة أكولها لا أرادياً حبوبي وحبوبة
-يعني حتى الولد الي وياج ..
فتح اعيونه بصدمه
-لا أحاول أنتبه بس أوكات تفلت مني
-هواي يوكفون يمج
-اي غير كروب وهالسنه عدنه مشروع التخرج محمد هوه يساعدنه بالبحث
-اف اف شيصبرني ويخليني أتحمل يابه ميخالف بس قللي
-اجو صديقاتج
أجت علياء سلمت والبنات هم سلمن وكفت وصلت يمهن
-وين جنتي كلبنة الكليه عليج
-اي غير جنت أتحاسب شوي بس خلي اكله درت عليه وتقربت شوي مسافه يمه
-أروح أنا لازم أحظر أخر محاظرة
-من أولها نكسرت كلمتي ..
ويضحك .ضحكت
-أنشالله مو أخر مرة
-لا ربحت شنو ماكو هيج شي
-لا موخوش سالفه انا والدي واخواني عصبيين وانت هم ترا حرام
- بس انا احاول اتفهم حتى لو عصبي
-يله هم نعمه
-لا والله مسويه فضل حظرتج طبعاً أحلى نعمه أنا
ضحكت
- يله مع السلامه لاتنغر زايد ماأحب المغرور
