مساء الخيرات غوالي
دعمكم وكلماتكم دوماً تشجعني للاستمرار
#أنت خاطرتي
عتب
وجان أشوف مرتضى يم وحدة محجبة عصبي وهيه تبجي وهوه يشمر بأيديه ..
باوعلي البنات وأنا متفاجئة مدهوشة
الي بداخلي صدمة خوف أكون مخدوعة ياربي هونها عليه
أخذت التلفون أدك عليه وأباوعلة يشيل التلفون يباوعله فصله
رجعت دكيت عليه مغلق
درت وجهي والدموع تجمعت بعيني من القهر مينزلون
وسن خافت عليه طمني
-مياسه لضوجين أفتهمي يله يجوز عدها مشكله وتشكيله ..
أنتي مو ويه محمد وعلي هم هيج
نور..أنشالله تفتهمين والي بالج ميطلع صح
بجوز ياعيني يريدج تغارين
هزيت أيدي متدري هسه النار الي شبت بيه
..أمشوا بنات أريد محمد
أذكرت من كال راح أسال عنه بس ألتهينه بالدوام
رحنه وملتمين سوا الولد ويداهرون
سلمت
- هلو شباب
سلمن البنات وردوا همه بس ميتين ضحك
علي الاسمراني معصب على محمد
ويصيح
-راح نتخرج وكبرنه ومجوز من سوالفك
-محمد شمسوي للولد
محمد ميا من الضحك حجه بصوت ناصي
-البارحة بدون مانكله رحناله وكت الغدا وخسرناه ذاك الغدا
-صدك مجوز من سوالف يله علي شتسوي هاي أخر سنه
محمد
-ولج مو أهنا المصيبة الي ضحك ..
نصة صوته أخته بالمتوسطة من دكينه الباب هوه ولابسه حجاب هههه
ميت ضحك ويكلي تخيلي
-عزا العزاك صدك مو مال يغديك مال كتله تعيب على اخته ..
-ههههه لا معيبت بس الكم كلت
وميت ضحك وذاك معصب
وخلونه نضحك وياهم سبحان الله من يرزقك ناس يكونون بلسم لجروحك
بوسط ذكرياتي وياهم قهر بقلبي فراكهم ولمتهم الحلوة
اوووف يالمتهم شلون تتعوض
محمد ..شبيج مياسه
لا مبيه شي ضايجة راح نفتقد هالمة
-اجيب خواتي وأجيج
باوعتله بنص عين
-لا ربحت هاي هوه أسكت شحال لو ماتدري بوضعي
-هههه وهم اذا الباشا سمحلج تتواصلين ويانه مانكطع
ضحكت
-والله عليك سوالف
-صدك شسويت مرة كلت أسأل عليه
جر نفس
-مدحو بيه وكالوا خوش أنسان وكفوا حيل امنت عليج
-أوووووف قهر بقلبي حركة غيرة على أحساس مرعب حسيت أيد دافيه لمستني
كأنها تطمن قلبي
وسن ..مياسة لتنقهرين
أباوع للنقال اكول بلكي يتصل ماكو
شلون بله شأسوي شأصرف
-أكلج نور وين علياء
نور..راحت ويه صديقتها غسق بالمرحله الثالثة
محمد ..شسويتي وياها
..ماكو سكتنه ولان هيه حست احنه تعبنه منها
..يله خلصت السنة
..الله كريم مروة نور كومن نغسل
أمشي وأفكر بكلماته وغزله ولهفته ياربي
هوه الاجاني وصارحني أنا ماركضت وراه
💔💔💔
ياقلبي تريث لا تنجرح
فعلاج كسرتك صعب يجبر
مابالك تلهفت للحب
ولونت حياتي
بألوان الربيع والورد الاحمر
نثرته على ممشى حياتي
مع ذلك العاشق الأمهر
روض لي مشاعري
بكلمات الحب
جعلتني أتراقص فوق القمر
تلألأت عيوني بذكر أسمه
وجرحه اليوم أكبر💔
دخلنه للحمامات غسلت
وطلعت صارت بوجهي علياء
علياء..شبيج مياسه
مشينه وكعدنه على مصطبات موجودة
علياء..شبيج مياسه
مروة ..مابيها شي تعبت شوي
علياء...شبيكم أنتم كلش وياي عصبت ترا كلش جاتبعدوني عنكم شسويت وهيج متردوني
نافرين مني
عصبت وطلعت كل حركتي بيها
اشرت باصبعي بعصبيه
-ليش تسألين ليش
أنا أكلج ليش وأشر بصبعي وأضغط بحركة على نفسي
ولج شأذكر أول مداومنه ورا فترة بس كتلج هذا علي حباب ويسلم علينه سويتيلج سالفة ويه الولد وكلتي يحجي علينه وابتعدنه وطلع جذب وكمتي انتي تسلمين وتوكفين وتكولين لاتوكفن
شنو شنو واسوي حركه تفكير ورجعت حجيت
