اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اهلًا اهلًا حبيبي 🌟
اول شي هو انك واعيه تمامًا بأنهم لا يقدمون ولا يأخرون وزي مايتكلموا لحظه ويثرثرو وعورو احد بكلامهم مصيرهم راح يرجع لهم الموضوع يجي أحد يعورهم زي ماقللوا منك عشان عايده السنة وكأنه شي يخصهم ؟ لا تخافي حقك ماراح يروح ومهما قلنا اننا مانهتم في لحظات نحتاج احد يذكرنا أننا نكمل ولا ننظر للخلف وننسى كلامهم وندفنه.
حبيبي امشي في دراستك واجتهدي وانجحي بمعدل حلو يدخلك الي تبغين صبي طاقتك في الدراسة واهتمي بنفسك لانك بتقدرين تعدينها اذا درستي بجد
بالنسبة للخجل الاغلب يخجل وخاصه اذا كان الصف فيه ناس جديدين عليه يتردد يشارك عشان ممكن أحد يضحك من اجابته أو يسخر منه الاستاذ بس خليها قاعدة اذا بينتي هذا الشي في ناس ممكن تستغل خجلك هذا وتحوله لسلاح ضدك وتعيشك في قفص بس الطائر عنده أجنحه عشان يطير مو يقعد في قفص صح؟
كان عندي محاضرة مخيفة وكل القسم يخاف منها أو أنه يشارك عندها لانها دايم تضحك على الاجابات بالنسبة لي احيانا اشارك عندها ودايم اجابتي ماتعجبها وتضحك بس قيس وات؟ كنت أناظرها بدون ما اضحك لانه مو شي يضحك وفعلتها سخيفه فكانت في تفكيري مسكينه تحاول تتلاعب بالنفسية لأنها تدري أنها تخوف الي حولها ومستغله هذا الشي لتبين انها اذكى من الكل لهذا أحذري من هذي النوعية انو تخليهم يهزون فيك شي ويزيدون من خجلك ويحبطونك ويكسرون اجنحتك .
بالنسبة لخجلك ياقلبي تدربي تكلمي نفسك ونتي تناظرين المرايه بصوت جهوري خلي افكارك عاليه ادرسي بصوت عالي ولما تجاوبي وتخافين تنسي الإجابة جيبي ورقة وسجلي فيها الإجابة واقري منها ، حاولي تخلين صوتك مسموع مثل حيي الصف أول ماتدخلين ، اذا كان عندك عرض جهزي رؤس اقلام في ورقة وخليها حولك عشان تناظرينها للحظة وتجمعين أفكارك ، حاولي تحطين عينك بعينهم ولو للحظات عشان تثبتين لنفسك انو مافيه شي كبير يستاهل أني اتوتر، كلنا نرتبك محد فينا كامل مايخاف بس لازم نواجه هذا الخجل الي ممكن يكون حاجز لنا .
حاولي عشان نفسك مو عشان أحد وواثقة أنك تحبين نفسك وعشانها بتحاولين بالتوفيق في دراستك والله يسهل عليك ويجعلها سنة سعيدة ويبشرك بالمعدل العالي أنت قدها 🌟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
