اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اهلًا اهلًا الحمدلله انا بخير وصحة وسلامة أنتِ كيف حالك
حبيبي تكلمت عن تنظيم الوقت في كتابي - هراء - آخر فصل نشرته كان عن تنظيم الوقت بس مو مشكلة أعطيك نصائح زيادة
بالنسبة للدراسة ، اعتمديها كشي يومي وخاصه انها مناهج مدرسية فأكيد بيختبرونك فيها لهذا الدروس حقت اليوم ترجعين للبيت ترتاحي شويات وبعدين تشوفي خذتي اليوم وتراجعينهم وتدرسينهم وتحددين عند الي مافهمتيه ، بكذا تكونين مذاكره وخالصه لكل المواد كل يوم ، وبتدرسين كل المواد بشكل متساوي
هل أنت مايله لمواد معينه لانك تحبينها ؟ وتتجنبين دراسة بعضها لانك ماتحبينهم؟ اذا كذا موضوعك حاولي تركزين انو تعطين المواد الثقيلة عليك فرصه وتغيرين طريقة دراستك لهم وتركزين عليهم أكثر ولو صعب عليك شي لا تقولين صعب حددي عليه واسألي المعلمة لا تخلين كلمة صعب تاكلك وتخلي دراسته ثقيلة عليك
ادرسي كل يوم بيومه وشوفي كيف بترتاحين ايام الاختبارات لانك اوريدي دارستهم وصح لخصي كل يوم عشان تراجعين الملخص وخلاص تكونين وفرتي وقت اكثر من انك تلخصي قبل الاختبار بيوم وتتوترين انو مافيه وقت للدراسة
كل يوم بيومه يراجع ويلخص ، حاولي تلونين الملخصات عشان تتقبلينها أكثر ، اسألي اذا صعبت عليك وحددي نقاط ضعفك فيها وتدربي انو تتجنبين هذي الاخطاء بالتكرار ابحثي في النت كمان في مصادر موثوقة بتسهل عليك الدراسه ، سوي خرائط ذهنيه عشان تسهل عليك ، ارسمي جداول مقارنه كمان ، استخدمي طريقة البطاقات في الدراسه ، والاوراق الملصقه ، ابحثي عن طرق تخلي الدراسه ممتعه
كنت أكره التاريخ وصعب علي مره هو والرياضيات عقدتي النفسية بس كنت أدرسهم أكثر اثنين لأني عارفه لو مادرستهم زين ماراح أفلح كنت أكتب التواريخ في ورقة منفصله وفي كل مره يمر علي تاريخ اسجله في الورقة واكتب ايش كان هذا التاريخ يوافق واذا خلصت دارسه المواضيع رجعت للتواريخ أو خليتهم في يوم وحدهم كله دراسه لهم ، أرتبهم زين المتشابه أو المتقارب يكونون جنب بعض عشان اربطهم ببعض
الرياضيات كان ولازال عندي مشكلة معاه مع ذلك اغصب نفسي واتدرب كثير على المسائل ودايم صحبتي تشرح لي وفي المقابل اشرح لها انجليزي و كيمياء جربي هذي الطريقة تتبادلين أنتِ وصحبتك وتساعدون بعض في الدراسة الي تجيدينه اشرحيه لها والي تجيده تشرحه لك ، وصدقيني لما تشرحين لاحد يثبت مره في راسك
واخيرًت فكري فيه هذا مستقبلك والواحد لازم يجتهد ويغصب نفسه مانقدر نتجنب دراستهم في النهاية رتبي وقتك بين الجد واللعب وعطي نفسك متنفس ولا تحسين بالضغط كلي زين ونامي زين عشان يتعاون معك جسمك
وشكرًا لانك تثقين فيني وان شاء الله أكون افدتك حبيبي بالتوفيق لك والله يسهل عليك كل صعب ⭐️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
