#انا_كوردي_واحببت_مصلاوي _3_
الكاتبة #نسيم_الامل
_____________
حبيب الروح لا لا تروح لالا تغيب عن عيني أعيش اشلون بهذا الكون وانت ناوي اتخليني
🎶🎵🎶🎵🎶🎵🎶🎵🎶🎵🎶🎵
لحضات سرقت فيها قلبي بحنان
أريد المزيد ولا اكتفي منك الامان
وقعت في حبك لا عودة للوجدان
أصبحت الآن انا في عالم النسيان
عالم وردي فقط فيه نحن العشقان
___________
من كلماتي نسيم الامل
____________________
ام اركان احسن لأن صارت تعرف بسري هيا اتروح ف دزيت أم اركان اطمني عليها
وحجيتلها اشلون صار القاء بأني معجب بيها بس وصيتها ماتحجي الاحد على أساس هيا
مرت اتسلم عليهم وهم قبل لا اروح بس وعد مني ألا أجي على الموصل وازورها حتى لو من بعيد ....بعدها بساعة
اشو جتني.... ام اركان اتكلي
...تعال تعال اكلك ولك البنية هم معجبة بيك من كلتلها انت تسأل عليها ضلت خجلانة وحيييل مدحت بيك
...مرت عمي من أهل الله يلي بكلبها تحجيه حتى لو شخص اول مرة تشوفا يعني حييل اجتماعية
وتسولف بس مال سر عاد اتورطت وحجيتلها راحت فضحتني اوووف شسوي هسه.
...هاي شسويتي أم اركان اني كلتلج لا تكوليلها رحتي فرغتي كل سري يمها شلون راح اباوعلها والله صارت فشلة
...هووو اشكد خجول ياعيني روح روح ماتعرف تتصرف اذا فعلا اتحبها واجها مو هيج
تسويني مرسال اني على قصد سويت هيج حتى هيا تعرف انت معجب بيها هااا شلوني.....مو تظل
اتسويها قصة حب طويلة عمر وسنين شوف اني وعمك مابيها شهر اتزوجنا ترى احنا عن حب بس محد يعرف. ...
..بين وبين نفسي. ....والله ياام اركان جنت اكول عنج من أهل الله وفطيرة بس طلعتي
داهيا والله كلامها صحيح ...لازم ادخل صف يمها واتعلم ....بس صدك بعد لا تحجين الأحد ياام اركان
....أي اي ادلل عاد صوجي جنت ناوية اسوي واسطة بينكم يلا بعد مااحجي أن شاء الله ربي يسعدكم وتكون من نصيبك .....
...إن شاء الله ....بس اشلون أتعرف عليها وإني معرف احجي عربي وهيا لهجتها مثل الفرنسي
ااااخ بس لوما حبيتها. ....(يعض أصبع ايدة)
...
ثاني يوم الجمعة الساعة 8 صباحا
____
اكول اركان أريد منك اتعلمني اللهجة العربية أريد اعرف احجي عربي لأن ماحلوة الواحد
يحجي وياي من اهل هاي الديرة ومااعرف اجاوب بس ااشر عبالك أخرس
...ههههه شدعوة اعلمك اصلا انت جياتك عدنا مثل خسوف القمر ب سنة أو سنتين مرة يلا يمر وتريدني اعلمك وانت تاليك رايح ف لليشش(مزحة)
