#انا_كوردي_واحببت_مصلاوية _5_
الكاتبة #نسيم_الامل
تعال اشبع حب اشبعك حنان تعال
ياابن الحلال بس الك منطي مجال
تعال تعال
🎶🎵🎶🎵🎶🎵🎶🎵🎶🎵🎶🎵🎶
لما اتيت الي لما اخترتني
ااخبروك باجرامك بقلبي
جعلتني اسرح باحلامي
وارسم بقلمي ما يحلو لي
وكأني فراشة بغير عالمي
______________
من كلماتي نسيم الامل
__________
عسريع رجعت للبيت اكعد اركان لأن جتي أبالي فكرة ف كلت هوا شيكول أبو الخطط الداهيا
دكيت الباب على الخفيف واحجي بصوت ناصي هم حتى أخذ سويج السيارة. ..اركان. .اركان. ..اكعد أريد السويج اركااان انت تسمعني بس اكعد دكلك شي
فتح الباب متفاجىء والعيون وحدة مفتوحة ووحدة مغمضة والشعر منكوش يمكن بعدا نايم
...هااااا شتريد من الصبح كاعد كبل الديك والدجاجة.
...اكلك انطيني سويج السيارة أريد اروح ورا البنية إلى حد الآن معرف اسمها أخاف لا أحد يتعرضلها وهم بلكت احجي وياها هاا خوش فكرة
...على كيفك يمعود شبيك مستعجل ماراح أطير عاد بكيفك شدراني اني هسه اجيبا. ......خذ بس لا تتأخر لأن الوالد عندا طلعة على السليمانية معزوم
...اوكي هيا بس نص ساعة وارجع يلا بااااي
طلعت وراها وراها شفتها ضليت اراقبها بالسيارة اشو هاي ضلت تتلفت على السيارة
وبعدها صارت تمشي سريع لمن وصلتها وكفت السيارة من شافتني اشو انصدمت مني وكالت. ...
....
هذا انت والله خفتو عبالي ويحد جي يخطفني
....ههههه اكول ليش صرتي تمشين سريع ماشفتيني بس حاولي احجي شوي مثلي لأن ما حيل افهمج بالمصلاوي اكول انتي شسمج
...(بخجل)اسمي دلال ... اي والله ماغشعتوك
....اني اتعلمت اللهجة العربية كلها على مودج فا أريد منج تنطيني فرصة نتعرف بيها على بعض شتكولين
....انا اقول خليها على الأيام هيا تثبت تعارفنا
وشوية شوية علي لأن مامتعودي على هاي السوالف
...يعني اعتبر انتي موافقة
....قتولك خليها على الأيام هيا ماموضوع زواج حتى اوافق ولا لا مجرد تعارف يعني بدائيآ انطيني صبر
.....اوكي افتهمت عليج يلا روحي للمدرسة وإني اضل وراج لا أحد يتعرضلج نفس أسبوع الفات
...اوكي مع السلامة
....مع السلامة كوني حذرة
_____
ضل تعارفنا لمدة شهر وأكثر صرنا نتشاوف قليل من بعدها لان من يروح على ادهوك
أسبوع أو أقل حسب الضروف يجي صرت اشتاق واتفقد تواجدو معاي من اغوح للمدرسي
يحرسني ولما يجي ويكون ابيت أبو أركان يطلع فوق السطح نتحاكة بالاشارة بالضهريات أو مرات من
