نوفيلا نوارة وسيادة الرائد بقلم ساره سعد

الفصل الثاني

#نواره_و_سيادة_الرائد

#الفصل_الثاني 

*اتجه جاسر الي باب غرفته حافي القدمين
يرتدي بنطال منامته القطنية...وكنزة رياضيه
يفرك شعره المشعت بالمنشفة هرولت أمه خلفه وخلفها أخته تؤامه ساره قائله:
"يابني ربنا يهديك شوف العروسة مش يمكن تعجبك"
*صاح بهدوء من اسفل منشفته:
"لا يا أمي...حضرتك عارفه يا ست الكل انا مش بحب الطريقة ديه في الجواز مش يمكن تطلع حوله ولا لبسه نظاره كعب كوبيه ولا لدغه في حرف...أو طخينه اسف يا سو"

*آثار حنق أخته وهو يبتسم ويخرج طرف لسانه بمداعبة:
"انا مش طخينة ياخويا...احترم نفسك احسنلك وبعدين البنت زي القمر يارب هي
بس توافق عليك"
*غمغمت ساره وهي تقف أمام المرأة وترمق نفسها بتحفظ...قالت أمه بنبرة غاضبه:
"هو انت يابني هتفضل أعقد جنبي كده نفسي افرح بيك واشيل عيالك بس هقول ايه ربنا كتب عليا الدوخة منك"
*هز جاسر رأسه فهو يعلم جيدا أسلوب الضغط اللولبي الذي يتعرض له يوميا من أمه
مع النواح والبكاء وجملتها المعتادة:
"ياعيني علي بختك في عيالك يا سامية
انكتب عليكي الدوخة...استغفر الله العظيم بكره اموت وترتاحوا مني وتقولوا ولا يوم
من ايامك ياامي"
*لقد حفظ جاسر النشيد النكدي الخاص بأمه عن ظهر قلب ...بدأت أمه في الجزء الخاص بالبكاء:
*هتفت ساره وهي تضم امها:
"عجبك كده ايه يعني لم تتجوز كده لازم يعني عروسه تكون عرفتها"
"بس خلاص خلاص اسكتي متولعهاش اكتر
خلاص يا ست الحبايب انا لاقيت العروسة المناسبة"
*انتفضت أمه تقف أمامه:
"والنبي يأ جاسر مين هي؟
*بينما قالت أخته باعتراض:
"طيب وبنت خالت صافي صحبتي إلا أتكلمت معاها"
"بس اتكتمي انتي وسيبي اخوكي يكمل"
*صاحت امها فيها وهي ترمها"
"بقا كده يا ماما خلاص اتصرفي انتي معاه انا
غلطانه"
"هي مين يابني...بنت مين حد نعرفه؟
*غمغمت أمه بابتسامه عريضة:
*بدل جاسر كنزته بقميص كتان ابيض وهو يمسك بنطاله الجينز بيده الحرة:
"طيب اغير هدومي علشان الأحق اشوف صحابي ع القهوة ولم ارجع ع السحور نبقا نتكلم"
"بقولك ايه بلا قهوه بلا زفت....أعقد هنا واتكلم معايا زي الناس"
*صرخت أمه وهي تجذب من بين يده بنطاله بقوه:
*هز جاسر رأسه وجلس أمامها يبتسم بهدوء آثار من حنق أمه أكثر:
"يادي النيلة أتكلم يابني ايه وجع القلب ده"
"مش بنت حد نعرفه ولا لينا صلة بيها أساسا... بنت ايه يا أمي زي القمر وشكلها محترمه اوي
أينعم بلعه إذاعة ولو ليا نصيب معاها هتوجع راسي بس عجباني اول ما شوفتها قولت هي ديه"
*تنهدت أمه بارتياح تسأله:
"ايوه كده فرح قلب امك....شوفتها فين؟
"في القسم عندي كانت بتعمل محضر"

"يا خرابي...في القسم الحقيني يأ ساره اخوكي عايز يتجوز واحده رد سجون يا فضحتي قدام العايله الناس تقول علينا ايه رد سجون مش بقولك هموت بقهره منك"
*ظلت السيده ساميه تضرب فوق صدرها
تصيح بملامح وجهها التي تحولت من السكينة والهدوء الي الغضب والعصبية: