عذاب رجل

الجزءالثالث

احمد:اليوم مخبوصين بزواج حسين واني مشغول كلش ورغم هذابالي ويه دعاء ياترى تروح اليوم للعرس لولاواكثرمن مرةسألت امي اكلهةعزمتي بيت ام دعاء تكولي اي ... المهم العصر نريد نروح للزفةومناك للقاعةفجبنه سيارات للجوارين واني اتكفلت هالمهمة حتى اشوف الحب مالتي وخليت سيارتنه لام دعاء ودعاوي  فأول ماشفت ام دعاءطلعت صحتلهة خالةام دعاء تعالي صعدي ويه امي بسيارتنه نروح للقاعة بس شنو شفتهةوحدهةضجت كلت اكيد دعاءماتروح خابت امالي ...كلتلهةخاله ودعاء شنو ماتروح كالت لا يمه هسةمنتظرتهة تجي ثواني وشفت حبي طلعت من الباب اني مااعرف شصاربيه عبالك اول مرةاشوفهةراحت بأتجاه سيارتهم وصحتهةبعلوصوتي تعالي هنا ويه امج هي من شافتني صارت حمرةكلش خجلت ..اجت سلمت وصعدت بالسيارة وامي جانت بالصدر وطلعنه للقاعة بالطريق شغلت اغنيةباسم العلي خالة ياخالة ههههههه ودرت المرايةعليهةولبست نظارتي الشمسيةحتى محد يحس بس شنو بودي بس اني وياهة فدوة لعمرهةشكد اموت عليهة هي حسيتهةمتوترة وخجلانه وصلتهم لقاعة النسوان ومن نزلت عثرت كلتلهة على كيفج عيني شدعوةهالخجل راح تموتين هي عافتني ومشت   واني رحت  للقاعةمالت الرياجيل وجانت حفلةتخبل واشوف حسين شكدفرحان لان حب حياته يارب وفقني واجمعني بدعاءبالحلال مثل ماوفقت حسين
دعاء:من صعدت ويه احمد جنت خجلانه كلش ومتوترة وحسيت وجهي نار صارمن الحرارة شغل اغنيةخالةياخالةبعلوصوته ودارالمرايةعليه ولبس نظارات حتى يباوع براحته والطريق صارشطوله وهو كله ١٠دقايق وصلنه نزلت امي قبلي ونزلت بهاللحظةعثرت هوكام يضحك ويكلي على كيفج شدعوةهالخجل لاتموتين اني عفته ودخلت للقاعة جانت حفلةكلش حلوةواجواء احلى العريس والعروسةحلوين ولايكين ع بعض زواجهم عن حب واني شفت صديقاتي جوارينه وياي بالمدرسة وظلينه نسولف ومتونسين امي اتصل عليهة ابوي كللهة بيبي متخربطة وتعالي نروحلهةاجت امي كالت اني راح اروح ويه ابوج بيبيتج متخربطةانتي ابقي ويه البنات اتونسي ورجعي ويه ام حسين اني كلتلهةاوكي ووصت ام حسين عليه وطلعت
خلصت الحفلةوالناس كامت تطلع اجيت اطلع شفت سواري الذهب ماكو اني ضجت كمت ادور واتاخرت القاعةراح تفرغ بقن بس بنات خال  احمد واني ادورماكو البنات هم كامن يدورن وياي مالكيته واجه احمد اسمعه كال منو بعد بقه طلعن بنات خاله واني وياهم خالة ام حسين كالت يللله يمه روحي ويه البنات يوصلكم احمد واني هم راح ادوره خطيةعذبتهةطلعت ضايجةكلش ام حسين كالت لاحمدخطيةسوارهةضاع ماتشوفه كله اكيد راح بهالهوسة صعدن البنات قبلي ورة بقه الصدرفارغ كلي احمدتعالي صعدي اني استحيت كلتله اصعدورة كال وين تكعدين ماتشوفي مقبط صعدت بالصدرواني ضايجةكلش ع السوار طلعنه راح يوصل بنات خاله بغيرمنطقةواني خلاني اخرشي نزلن البنات ونزلت وياهن كلي وين رايحةكلتله اصعد ورة هو سكت ماحجه شي
احمد:من نزلت دعاء للقاعة لكيت سوار ذهب بمكانهةكلت اكيد الهةخلصت الحفلةوامي كلتلي وصل بنات خالك ودعاءلان امهةراحت قبلهةاني كلش فرحت لان بقت وحدهة بس امي كالت خطيةتدور على اسوارهةواكع ضحكت بكلبي كلت خل اشوف شلون انطيهيا طلعت ضايجةتريدتصعدلكت بنات خالي محتلات الورةوهي ماقبلت تصعدبالكدام وياي بس اني خجلتهةكلتله ماتشوفين ماكومكان صعدت...وصلت بنات خالي لان منطقتهم قبل منطقتنه ومن نزلن هي هم نزلت سألتهةكالت اصعدورةسكتت بس ضجت...حركت السيارة واجواء هادئةوالصمت يعم المكان
احمد:دعاءشبيج ضايجة
دعاء:سواري ضاع وانقهرت عليه
احمد:وكفت السيارةوالتفت الهةكلتلهةاصيرلج سواربس لاتضوجين
دعاء:خجلت من كلامه وسألته ليش وكفت السيارة
احمد:اتفضلي(طلع سواري)
دعاء:فرحت كلش وكمزت بنفس الوقت خجلت من تصرفي
احمد:تخبلين من تبتسمين
دعاء:اتشكرك وين لكيته
احمد:بمكانج السيارةمن نزلتي
دعاء:مشكور كلش ويله اتاخرت ع البيت
احمد:دعاء ما الله هداج وحنيتي عليه والله احبج فدوة لاتصديني ميت عليج واريدج بالحلال لاتكولين دراستي اريدبس كلمةمنج والله انتظرج طول عمري
دعاء: احمدماافيدك والله اني مومالت ارتباط ولااكدراوعدك بشي
احمد ضجت كلش من ردهةوحركت السيارة ع السريع وصلتهةلبيتهم نزلت ع السريه كالت مع السلامةوراحت
حاولت بعدوبعدوهي ماكو بس تصدني مايفيدكلشي وياهة... بهالفترة اتصل عليه صديقي المقرب كلي راح اطلع لجوء لاستراليا اذاتريدتطلع بس تنطي مبلغ وهمه يعرفون يتصرفون ويرتبون وضعنه والشغل مضمون شتكول...اني كلت فرصة اروح احسن وضعي واموري المادية واكون نفسي وعسى ولعله انجمع بيوم ويه دعاء صح فراكه صعب بس ماكومجال بعدوقررت اسافركملت اجراءات المعاملة واتصلت بدعاءكلتلهةع قراري
احمد:هلودعاء شلونج
دعاء:تمام
احمد:اني حبيت اسلم عليج راح اسافرلاستراليا من اجلج
دعاء:(ضاق صدري من كلي ع السفر) كلتله الله يسهلك
احمد:يعني ماتنطيني امل دعاء والله احبج
دعاء: الله يوفقك ان شاء الله وتستاهل كل خير
احمد:ماشي دعاء مع السلامة
دعاء:مع السلامة ..سديت التلفون وانقهرت عليه كلش وبصراحةكاسرخاطري بنفس الوقت مااكدراوعده بشي كلت هسةان شاء الله يتوفق ويشوف التستاهلة
وسافر احمد وللحكايةبقية
تفاعلكم