عذاب رجل

الجزء السابع

دعاء:صاحلي بابا وكلي اليوم اجوا عليج بيت ابوحسين يردونج لأحمد شتكولين ها بابا اني ساكتةماجاوبت بس أمي رأسا حجت كالت طبعا ةت ع نفسي شجاي اسوي واخربط صح احبه مرات بس شفت عقلي وعقل اهلي يرفض هالارتباط واللي حسيته من اهلي رافضين رفض قاطع بس يردون الرفض يطلع مني بأعتبار علاقتهم زينةويه بيت ابوحسين وحتى مايتعرضون للاحراج
ثاني يوم بالليل امي رجعتلهم الرفض كلتلهم دعاء رافضةماتقبل
احمد:اتصلت عليه امي تكلي البنيةرافضةماقابلةبيك كلت لامي يمه شجاي تحجين متأكدة انتي كالت اي والله هسةاتصلت عليه ام دعاءنهيت الاتصال واني مامصدك امي كلت يجوز تتشاقه وياي
اتصلت ع دعاء مرةمرتين ماكو بعدهةدزتلي مسج
(هلو احمد اني وياك مانصلح لبعض مانتلائم ارجوك اعذرني ولاتحاول وياي وان شاءالله ربي يوفقك ويرزقك الاحسن مني اللي تقدرك وتحبك مع السلامة)
اني انجنيت عقلي اتوقف اتهسترت شنو جاي تلعب بيه ظليت الح بالاتصال ماكو...وحجزت اقرب طيارة للعراق
دعاء :بصراحةاهلي حسوا اكو شي بيني وبين احمدلان اني كتاب مفتوح الهم بس هالموضوع ضميته عنهم واحس خنت ثقتهم بيه وبنفس الوقت نظراتهم الي تأذيني تحسسني بخيانتي الهم وهنا شغلت عقلي وكلت مستحيل استمروراح ادوس ع نفسي والغي العاطفةمن كلبي واتصرف بعقلي بس وفعلا دزيت لاحمد مسج نهيت كلشي احمد مارد على مسجي وصارانقطاع بينه شهر
احمد تركتهةشهرماكو اي اتصال رجعت للعراق ووصلت لاهلي سولفولي كلشي بس كلت املي بألله كبيرمايخذلني احاول بعد وبعد وقررت بالليل اروحلهم للبيت واستفسرمنهم
دعاء:كاعدين اني واهلي نشرب جاي بعد العشةاندكت الباب طلع بابا ورة شويةكال اجه احمد ودخله للاستقبال بقوايحجون بحدودالساعةبعدهةبابا صاح لماما دخلت وياهم واتاخروا واني كلبي نار وخايفة لايحجي لاهلي ع طبيعةعلاقتنه ومسجاتنه بعدهةطلع
اجاني بابا كلي احمد جاي علمودج يريديعرف شنوسبب الرفض جاوبناه اني وامج انتي ماتردين حاليا اي ارتباط وزواج ومامفكرةبهالشي بس حسيتهم ضايجين مني كلش
احمد:رحت لاهلهةحجيت ويه ابوهةسألته ع سبب رفضهم الي كال انت ماناقصك شي بس هي رافضةالزواج كلتله مامعقولة ابودعاء اتاكدوا منهةابودعاءاستغرب كلي شنواتاكدوامنهةغيراحنه اهلهةوسألناهة اني جاوبته بس هي جانت موافقةعليه
ابودعاء: شنو موافقةعليك
جاوبته اكو اتصال بيني وبينه بس مااتجاوزت ولاقليت أدبي بنتك متربايةاحسن تربية راسا صاح لامهةاجت سلمت وكعدت جان يكلهةابودعاء شوفي بنتج جانت على علاقةويه احمد واحنه ياغافلين الكم الله
احمد:ابودعاء والله ماكوشي اني لحيت عليهةباتصالاتي وردتهةتحبني بس هي تصدني حاولت بكل الطرق وهي تقابلني بالرفض الى ان قبل فترة بدت تتجاوب وياي واني مو زغيرعمري ٣٣ سنة واعرف شلون اتصرف
ابودعاء:شوف ابني احنه راح نحاول والله يقدم البي خير الكم
بعدهة طلعت منهم بحسرةوخيبت امل واني حجيت لابودعاء ع التواصل بيني وبينهة لان هو مثقف ودبلوماسي وواعي ويعرف شلون يتصرف
دعاء:اشوف نظرات امي وابوي موطبيعيةتجاهي وكانما يلوموني ويتحسفون ع تربيتهم الي وحسيت بتأنيب الضميرالمفروض اني ابدماانطي مجال اول شي علقته بآمال وضيعت من عمره سنين هواية بخداع بس والله اني عاطفتي دمرتني مااعرف شنو اتصرف ظليت الوم بروحي
احمد:دزيت مسج لدعاء(هلودعاء ليش خذلتيني مو اني احبج وجنت صادق وياج وماكو واحد حب مثلي ليش حطمتيني ليش عيشتيني بأمل كاذب ليش طعنتيني )
دعاء:من قريت المسج ظليت ابجي انقهرت عليه كلش مايستاهل اللي سويته بي ابد
بعدهةاجتني امي كلتلي هسة تتصلين بأحمد وتكليله لايفكربيج وانتي ماتردينه ابد موعبالج اني وابوج ماندري بسوالفج كلشي نعرف بس ساكتين لان مانحب نأذيج وانتي وحيدتنه خلصينه وطلعينه من هالموضوع تالي عمرنه بسببج راح تخرب علاقتنه وي جوارينه عشرت عمربينه وراحت امي عني اني كلش ضجت وبجيت ودزيتله مسج نهائي
(احمد اني والله ماافيدك ابد جنت متعاطفةوياك مواكثر تصرفي غلط بس توني صحيت ع نفسي وانت اللي جبرتني اسايرك لان تعرفني كلبي طيب وينكسرخاطري بسرعة فأستغليت هالشي شوف حياتك واتزوج ماافيدك ولوتبقه اخرواحدبالدنيا مااتزوجك ولاتذل ابوك وامك تالي عمرهم بسببك اني رافضتك ومستحيل اقبل بيك...ابريلي الذمةوسامحني)
احمد قريت المسج مالتهةشفت بعد كل الابواب مغلقة قررت ارجع لاستراليا وكرهت كل النساء على وجه الارض خذلتني وطعنتني رغم هي ازغر مني ب٩سنوات لعبت بيه لعب واستاهل اني الجبرتهة تحبني و لان حبيت حب حقيقي بزمن الاوهام زمن المصالح والمظاهر الخداعةورجعت لاستراليا محمل هموم الدنيا امي دوم تتصل بيه وتبجي تريدني اتزوج واني ابد قفلت كلبي وعزفت عن الزواج عزوف مامنه رجعة
يتبع