احمد:وهي سمعت بيهةاتزوجت طبيب من اقربائهم وصارواعدهةجهال اثنين واني انصدمت موبيدي ماتطلع من كلبي ابد...وقبل فترة سمعت زوجهة استشهد بأنفجار وكلت هاي حوبتي بيهةبس بصراحةانقهرت عليهةو لهسةحبهةمايطلع من كلبي ابد واتتبع اخبارهةمن اخت مروان
دعاء:بعدهة انقطعت اخبار احمد وبقيت سنه كاعدةبالبيت اتقدم الي طبيب اسمه باقرمن اقربائنه ببغداد وافقت عليه لان مواصفاته ملائمةالي واهلي هماتين مقتنعين بي وعجبهم وتم الزواج وصاروا عندي سارة وتالا بناتي اللي همه كل حياتي علاقتي بباقر علاقةعاديةكزوج وزوجته...حياة الطبيب متعبةودائما مامتواجدوكان البيت ومسؤولياته كلهةعليه واني مااتعينت فكرست وقتي لبناتي وبيتي.مرة اتصلواعلينه من المستشفى بلغونه بأن باقراستشهد بأنفجار اني اتخبلت لان ابو بناتي وعشرت عمر وكان محترمني ومقدرني ومافد يوم غثني المهم بعد العدة اجوا اهلي اخذوني لبيتنه ماقبلوا ابقه وحدي وبناتي وياي لان اهل باقرمتوفين وماعنده احد ورجعت لبيت اهلي اللي طلعت منهم وحدة رجعت ووياي اثنين واني مثقله بهموم الدنيا وشايلة هم مستقبل بناتي بالرغم راتب تقاعد باقرالله يرحمه جان كلش زين واصرف ع بناتي منه بس يبقن بعازت الاب ..
مرة من المرات اهلي مسافرين للحج وماكو احد وياي سارة بالليل حرارتهةارتفعت كلش وكامت تون واني خفت عليهة كلش وماعندي احد طلعتهة اريد اخذهةللمستشفى وتالا وياي واني منتظرة سيارة توكف ماكو ورةدقايق طبكت يمي سيارة ونزل منهة رجال ماشفته زين لان حالتي حالة بالي ويه بنتي رفعت عيوني التقن بعيونه احمد اووووووف يااحمد كلي صعدي وين رايحةكلتله واني ابجي بنتي مريضةواريداخذهةللمستشفى كلي يله صعدي اوصلكم كلتله ماكو داعي هسة تجي سيارة هو راسا شال تالا صعدهة وكلي صعدي لاتعاندين صعدت وطول الطريق سكته وصلنه للمستشفى نزلت واني شايله سارة واحمد شايل تالا.ودخلنةللطواريء طلعت صخونته حادةانطوهةابرة ومغذي واحمد ابدماعافني ووكف وياي كلتله اتشكرك ع وكفتك روح واني بس تصير زينه واطلع منا بسيارة ماقبل يعوفنه بعدهةصارت زينه وطلعنه ... اتشكرته هواية بس هو متجاهلني واني اصلا مامهتمتله بالي بس ويه سارةنزلت واسارجعت ذكرياتي وخذلاني لاحمد وكلت كل اللي صارلي بسببه
احمد:مرة اجيت للعراق وهاي المرةالاولى اللي ارجع بيهة لاهلي بعدخذلان دعاء الي من بعداربع سنوات بس جانت معاملةكلش ضرورية لازم اوقع وابوي رادني احضر ...مرة جنت طالع بالعشرة بالليل واني راجع لاهلي لفتت انتباهي بالشارع هي ماكو غيرهةنفس الوكفةمالته دعاء وياهةبنات اثنين اقمارموبنات يجننن جانت بحال يرثى له شايله بتهةوتبجي وكفت كلتلهة صعدي انتبهت عليه التقت عيونه اللي بيهن كلام مايتفسر كلتلي هسةتجي سيارةاريدللمستشفى بنتي مصخنه ماكوداعي اني رأسا شلت بتهة وصعدتهةوهي صعدت بس هدوءماحجينه شي وانتظرت لحدماصارت بتهةزينه وطلعنه واني سويت نفسي متجاهلهةبس بداخلي بودي احضنهةوانسيهةكل الصاروياهةواشيل الحمل عنهة اووووف ياكلبي الماينسه حبه
احمد:يمه اريد اخطب دعاء مرةثانية
امي:اتخبلت هاي الحطمتك وكسرت كلبك وعافتك عاشت حياتهةوانت ميت وهسةتكول خطبيهة فوكاهةارملةعدهةبنات
احمد: يمه احبهةفهميني ومتأكد هالمرةتقبل
امي: ولك تعبتني البكدك ولدهم بطولهم وانت كلشي ماكووحيدفريدبسببهة
احمد: كمت عفت أمي واني بالي مشغول بيهة اخ يادعاء عذاب انتي الي... اني محتفظ برقمهة دزيتلهة مسج دعاء بعدني احبج واريد اتقدملج
دعاء :جنت متمددة وبناتي يمي جاي انيمهن اجاني مسج فتحته من احمد يكلي بعدني احبج واريداتقدملج
كلت مستحيل بعد كل اللي سويته بي وخذلاني اله يحبني احتمال هالمرةيريدينتقم مني
بعدهة اجوااهلي من الحج والتهيت وياهم..
بابا اجاني لغرفتي كلي عندي موضوع وياج كلتله اتفضل بابا كلي احمد رجع خطبج واحنه ظلمناه واتكبرنه عليه وبصراحةماشايف مثل حبه واخلاصه فأنتي شتكولين
اني :بابا اريداربي بناتي واكون ام واب وسندالهم مااريداتزوج ويتحكم بيهن زوج ام ويشبعن مذلة
بابا بكيفج بنتي بس الولديحبج وشاريج وانتي فكري بعد
احمد:انتظرت اهلهةيجون من الحج وفاتحتهم بموضوع الزواج ابوهةكال اشوفهةواكولك ...امي ماموافقة بس اصريت ع رأيي...ابوهة كلي حجيت ويه دعاء بس خايفة ع مستقبل بناتهةماتريداحديذلهن
احمد:اخليهن بعيوني بناتي واكثر بس خلي توافق والله مااقصر
بعدين دزيت مسج لدعاء(دعاء انتي وبناتج حياتي كلهةلاتخذليني مرةثانيةاريدج وهالمرةمااتنازل عنج)
دعاء:من قريت مسجه حسيته مامتغيرنفس لهفته رغم خذلاني ... ظليت افكربالموضوع من كل الجوانب بعدهةدزيتله كلتله اني موافقة بس بشروط وكدام اهلي واهلك
أنت تقرأ
عذاب رجل
Lãng mạnقصة رجل احب فتاة حد الجنون في زمن اختفى فيه الحب الحقيقي ... هي قابلته بالحب بعدمعاناة ولكن ليس حب حقيقي فقط لعاطفتها المفرطة
