بقلم حنين
7
ضليت مصدومه دموعي يبسن من الدمع خليت ايدي على وجهي ومتحملت بجيت حسيت الباب انتح مسحت دموعي وباوعت شفت سدير
_هاج هاي ال110
_لو محلي جان ماخذتهه بس المدير ميقبل
جريتهه منه وكتله
_أخذ الدادا مالتك و ولو من خلقتي مو جاي تزيد نار كلبي
كام يتقربلي بسرعه وكف يمي وحجه بعصبيه
_احترمي نفسج والزمي حدودج تره متعرفيني شسوي
_لا خايفه منك ولا خايفه من هاي الساقطه الجايبهه وياك اوكي وشتسوي سوي
لزمني من شعري وكلي
_حلوه هالعصبيه ماكدر اسويلج شي اتسله عليهه
صفنت عليي وكتله
_وخر ايدك و اطلع بره وبعد لتجي
_ولله يا انسه نارين ماجنت اعرف انتي بالمحل شمدريني
_ديله خلصت كلامك
جر الدفتر الي على الميز ومدري شكتب جان باوعلي مبتسم وطلع فدوه للابتسامه الي تموتني اوووف شكد مشتاقتله حتى من تقرب يمي ولزمني من شعري معت مثل الموطه 😂 اخذت الدفتر وشفته كاتب
_ماجيت علمود هيج بس بالمناسبه مشتاق الصوتج ولعيونج بالمختصر مشتاقلج ومفتقدج واجيت اسمع صوتج
_كل هذا كتبه بأقل من دقيقه 😳😳
اوووف يا حبي الاولي شنو الي بيدي اسوي والله اعشقك ومحبيت غيرك ضميت الورقه بجنطتي ...
خلصت وطلعت مشيت بالفرع مال السوك وطلعت على الشراع العام داامشي وجانت تمشي وراي سياره مدرت وجهي وكمت امشي سرع جان اخير شي درت وجهي شفت سيارة سديرالي يمشي وراي باوعتله جان يباوعلي ومبتسم اني كمت امشي سريع وصلت للبيت وسديت الباب بوجهه هنا بتسمت اوووف فدوه لكلبك بعده يحبني ومناسيني
دخلت للبيت لكيت مامل نايمه رحت سبحت وتغديت وخليت راسي على المخده كمت طلعت الرساله وابوس بيهه اووووي كمت ضميتهه ونمت
كعدت الصبح تريكت
ماما_أريد اروح للسوك محتاجه غراض وشغلات للبيت ونجيب اكل
_أي بدلي خلي نروح
راحت ماما لبست ربطتهه وعباتهه واني لبست بلوز طويل للكربه وردانات طوال لون أسود وبي كتابه love بالابيض ولبست بنطلون أزرك كابوي وشعري سويته ضفيره صفح ولبست قمصله جاكيد كابوي أزرك والبوتين الاسود صحت الماما وطلعنه دخلنه للسوك اشترت الي تريده ودليتهه ع محلي دخلت سلمنه ع نجلاء كتلهه الحمد لله على سلامتج وماما اخذتلهه غراض وكتلهه اوصلج كالت ماكو داعي سلمت وراحت اني ونجلاء بقينه نمشي الزبون وارتب بالغراض
_السلام عليكم
صوت مو غريب عليه عرفته
نجلاء_وعليكم السلام
جنت دايره وجهي اعلك بالملابس بالعوده مال تعليك وماحس اله التراك وكع عليه اريد اوخرع واحس واحد وخره كتله شكرا
_عفوا
باوعت شفته سدير من شفته درت وجهي هوه راح يم نجلاء
_أسف أجيت لشغله معينه بس بعدين يله مع السلامه
_خير خويه احجي عندك شي تريد شي الزوجتك ومحيرك قياسهه
_لا عيني هاي هيه اجيت بس أسأل على شخص ولكن فات الوقت شكرا الج مع السلامه
_الله وياك
وطلع وطبك الباب
_شبي هذا
_مادري
_تعرفي
_لا
_شبي اول مدخل ضل يباوعلج وكتل نفسه عليج
_شمدريني
_احجي تره اموتج
_نجلاء هذا سدير
_شنوو ولج
_ولله
_هذاااا الصاك سدير وهذا الصاك يدخل لمحل كماليا نسائيه وهذا الصاك حجه وبايه هذا الدكتور سدير مستحيل
_اي هذا هوه سدير
_هنيالج
_عليمن
_عليي ولج دشوفي عيونه تموت وانتي ضاله تتلوكين عليي
_هوه اله اتلوك عليي يله يجي بالعين الحمره مال اضل اتقرب منه ميتقبلني
_دضلي
_شنو بيدي اسوي
_كلشي بأيدج تسوين بس انتي فاهيه
_خليهه على الفهاوه الله يحلهه
_اووف شكد حلووو
_هااا ولج 😡😡
_لالا تخافين مراح اخطفه لحبج 😁😁
_خبيثه هههههه
صارت ب5 ونص وبعدني اصفط نجلاء سلمت عليه وكالت من تخلصين قفلي المحل وخلي الفتاح يمج كتلهه اي بوستهه وطلعت اني صفطت كل الغراض ب7 وربع خلصت دااطلع واحس لباب نفتح درت وجهي شفت سدير دخل وسد الباب
_ااا دكتوور اريد اروح
_شعندج باقيه ليهسه
_عندي شغل اكو مانع
_بس مو لهيج وقت تعاي اوصلج
_شتسوي اجيت قبل شوي
_اجيت اشوفج وبقيت منتظرج اطلعين مطلعتي واجيتج
_وليش اجيت تشوفني
تقرب مني
_ليش ممنوع اشوفج
_اريد اروح للبيت لتتماده بالحجي
تقرب اكثر على كيف
_ليش متجين اوصلج
_وخر اريد اطفي الاضويه واطلع وخرت منه رحت نزلت الجوزه وطفه المحل اريد افتح الباب واحس لزم ايدي من وره وصار ورايه كمت اتنفس سريع
_اريد ارووح ودفعته هم رجع كام يلعب بشعري همس بأذني
_اووف شكد مشتاقلج دتعذبيني
_اني هنا ذبت ومعت ومتت 😂😂
_ااا اا سسديررر
جان وخر مني ورفع الجوزه انعلكن الاضويه باوعلي ودار وجهه طلع جكاره يشرب
_امشي اوصلج
طفيت لاضويه وطلعت وعفته انتظرته يطلع جان طلع وقفلت الباب راح صعد بالسياره ورحت وكفت كدامه من الجامه
_مااكدر اجي وياك امي متقبل وشكرا لتعب نفسك اني اروح
_دنيا ليل مترحين وحدج
_ههه العالم اذا شافوني وانته وياي يكولون ضاله دايحه بالشوارع ويه الولد وعافت رجلهه
_يا رجلج بت الاوااادم اصعدي وهسه اعلمج
_انته شبيك كتلك مااكدررر
ورحت وعفته.
