#بقلم_حـنين
#البارت_العاشر
مــــشـــينــــه بالــــسيـــاره ووصــــــلنـــه لبــــيــت
_يلــــــه بـــــويــه نـزلـــي اليـــــوم باتـــــي ببـــيتـي وباجــــر اوديـــج تأخـــــر الوقــــت
_عــــــمـو اشـــــــكـــرك بـــــــــس مـامـا وحــدهـــه
_دنــزلـــي بــويـــه وباجـــر نــروح مـــاشــي مـاعنــدي شــي ببــــيتــي بــــس زوجــــتــي
_ماعرف شلون اشكرك عمو تعبتك وياي هواي
_شنو السالفه بويه اني مثل ابوج تدللي يله بنتي دخلي دخلي
دخلنه للبيت طلعت بوجهي مره
_عيني هاي البنيه اجتنب للمحل وكالت خطفوني ونهزمت منهم
_هلا هلا يمه تعاي دخلي حبيبتي يمه هاي شصاير بيج تعاي
ودخلتني جوه
_هسه اجيبلج مي وكومي غسلي
_تسلمين خاله ماريد اغسل ﻷن اريد اخابر امي
الرجال_حافظه رقمهه
_عمو اني من انهزمت ضربت واحد منهم واخذت منه التليفون ودكيت على امي مجاوبت اني حافظه الرقم
_ها لعد خابري ممره ثانيه
طلعت التليفون ودكيت على ماما مرتين المره الثالثه جاوبت
_الووو ماما
_منو ناررين يمه بنيتي وينج فدوه الكلبج موتيني عليجج وين رحتي
_ضليت ابجي وسولفتلهه انو اني نخطفت وكتلهه هسه اني يم ناس كلش حبابين
_يمه وين مكانهم ادز عليج سدير
_هاا ولله مادري هسه اكل للرجال
اا عمو وين احنه هسه
_ب منطقة ال(....)
_كلت الماما على المكان وكالت اي مو بعيد هسه نجي اني وسدير
سمعت سدير يكلهه دزيلي رقمهه بسرعه
ماما_يله يمه روحي هسه اخابرج باي
_مع السلامه ماما
سديت التليفون واجتي المره كامشه صينيه اكلت شوي
_دكومي يمه غسلي
_خاله خلي يجون واغسل ويصير خير
_اووف يمه يله لعد ارتاحي
_اني ماعرف شلون اشكركم ساعدوني حيل
_يا يمه صدك جذب الواحد للجميع والجميع للواحد ادللي بنيتي .
طلعت مني وسدت الباب اني خليت راسي على الجربايه واريد انام دك التليفون رقم غريب رديت عليي ﻷن أكيد هسه يطلع واحد من اهلي
_الووو
_الووو نارين شلونج
_سدير مو
_اي ولج كطعتي كلبي عليج ووينج خلي اجي اخذج بسرعه اني بالسياره
_بمنطقة(..)
_جاايي
سديت التليفون منه ونمت وخاصتا اني تعبانه سمعت صوت المره تكومي
_يمه كوومي اجه اخوج عليج
_ها خاله ماشي
كمت وطلعت من الغرفه طلعت بالحووش لكيت سدير واكف اوي فدوه سدير مشتاقتلك بكد رحمة الله شصاير بيك يا بعد عيووني عيونك ليش هيج متعب نفسك بدون ماحس على نفسي كمت ابجي ورحت حظنته كدامهم هوه محجه شي كال ناررين
جان حسيت ووخرت كمشني كلي شلونج
_هسه خلي نروح وبعدين نحجي
سدير_اشكرك عمي ماقصرت ولله
_تدللون وليداتي
نارين_اشكركم هواي هواي انتو الي ساعدوني وماعرف شلون اعبر عن شكري
خلصنه شكر منهم وكملنه وطلعنه صعدني بالسياره سدير وصعد محجه شي مشت السياره وصلنه لمكان فاارغ نزلنه جان نزلني وكمشني من ايدي وجرني صعدنه لعماره وجان وصلنه لشقه طلع المفتاح فتحهه ودخلني سد الباب وتقرب يمي
_نارين مشتاقلج وين جنتي ليش ترحين وحدج تعرفين من كلولي نارين مفقوده روحي طلعت من مكانهه ورجعت صرت مثل المجنون ابجي وادور عليج مخليت مكان مدورته عليج بمنطقتنه وانوب من خابرتي ردتلي روحي وكلت رجعتلي حبي الي مراح اضيعه
تقرب يمي بسرعه وحظني قووويي وكام يبوس براسي اني كمت ابجي
_لتبجييين لتبجيين
ووخر راسه باوعلي عيونه ذبلانه وجواهن سواد بي يموتن ومغوركات لزمني من جهي وباوع لكصتي
_هاي شصاير بيج ياعمري ياكلب كمشج بس كليلي شفتيهم منو هذوله علموج اشرب من دمهم اذوووج ناريين احجييي
هزيت راسي ورفعت القمصله مالتي وطلعتله اثآر الضرب هوه باوع الايدي وباوعلي مصدووم ضررب الحايط حيل وضل يصيح
_لجج منو هذاا الكمشج ااحجيي خلي اروح احفر كبره بأيدي ولج هذاا الي كمشج وهيج سوه بيج راح اخلي يحس معنى الالم الي تألمتي ولله العظيم اله اشرب من دمه واموته بس كليلي منو هذااا تعرفيي
ولزمني من زنودي ويعت بيه اني صحتت على كيف
_ااخ سدير ايدي
_يا حياتي يارووحي ايدج توجعج وكام يبوس بأيدي اني بتسمت
